Литургия святителя Василия Великого

Последование Литургии святителя Василия Великого

Диакон: Благослови́, влады́ко.

Священник: Благослове́но Ца́рство Отца́ и Сы́на и Свята́го Ду́ха, ны́не и при́сно, и во ве́ки веко́в.

Лик: Ами́нь.

Ектения великая

Диакон: Ми́ром Го́споду помо́лимся.

В мире Господу помолимся

Лик: Го́споди, поми́луй.

О свы́шнем ми́ре и спасе́нии душ на́ших, Го́споду помо́лимся.

О мире свыше и о спасении душ наших Господу помолимся.

Лик: Го́споди, поми́луй.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

О мире всего мiра, благоденствии святых Божиих Церквей и о соединении всех Господу помолимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

О святом храме сем и о всех, с верою, благоговением и страхом Божиим входящих в него, Господу помолимся.

Лик: Го́споди, поми́луй.

О Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имярек), честне́м пресви́терстве, во Христе́ диа́констве и о всем при́чте и лю́дех, Го́споду помо́лимся.

О Великом Господине и отце нашем Святейшем Патриархе (имя) и о господине нашем (высоко)преосвященнейшем митрополите (или: архиепископе или: епископе — имя), почтенном пресвитерстве, во Христе диаконстве, о всём клире и народе Божием Господу помолимся.

Лик: Го́споди, поми́луй.

О Богохрани́мей стране́ на́шей, власте́х и во́инстве ея́, Го́споду помо́лимся.

О Богохранимой стране нашей, властях и воинстве её Господу помолимся.

Лик: Го́споди, поми́луй.

О гра́де сем, (или о ве́си сей, или о святе́й оби́тели сей), вся́ком гра́де, стране́ и ве́рою живу́щих в ни́х, Го́споду помо́лимся.

О граде сем (или: о селении сем, или: о святой обители сей), всяком граде и стране и о верою живущих в них Господу помолимся.

Лик: Го́споди, поми́луй.

О бла́горастворе́нии возду́хов, о изоби́лии плодо́в земны́х и вре́менех ми́рных, Го́споду помо́лимся.

О благоприятной погоде, об изобилии плодов земли и о временах мирных Господу помолимся.

Лик: Го́споди, поми́луй.

О пла́вающих, путеше́ствующих, неду́гующих, стра́ждущих, плене́нных и о спасе́нии их, Го́споду помо́лимся.

О плавающих, путешествующих, болящих, страждущих, пленённых и о спасении их Господу помолимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Об избавлении нас от всякой скорби, гнева, [опасности] и нужды Господу помолимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянув, сами себя и друг друга, и всю жизнь нашу Христу Богу предадим.

Лик: Тебе́, Го́споди.

Молитва первого антифона

Го́споди Бо́же наш, Его́же держа́ва несказа́нна и сла́ва непостижи́ма, Его́же ми́лость безме́рна и человеколю́бие неизрече́нно. Сам, Влады́ко, по благоутро́бию Твоему́, при́зри на ны и на святы́й храм сей, и сотвори́ с на́ми и моля́щимися с на́ми, богатыя ми́лости Твоя́ и щедро́ты Твоя́.

Господи Боже наш, Чья власть несравненна и слава непостижима, чья милость безмерна и человеколюбие неизреченно! Сам, Владыка, по благосердию Твоему воззри на нас и на святой храм сей, и яви нам и молящимся с нами неистощимые милости Твои и щедроты Твои.

Возглас: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ибо Тебе подобает вся слава, честь и поклонение, Отцу и Сыну и Святому Духу, ныне и всегда, и во веки веков.

Лик: Ами́нь.

Первый изобразительный антифон: Благослови́, душе́ моя́, Го́спода:

Благослови, душе моя, Господа. / Благословен еси, Господи. / Благослови, душе моя, Господа, / и вся внутренняя моя Имя святое Его. Благослови, душе моя, Господа, / и не забывай всех воздаяний Его. Очищающаго вся беззакония твоя, / исцеляющаго вся недуги твоя. Избавляющаго от истления живот твой, / венчающаго тя милостию и щедротами. Исполняющаго во благих желание твое: / обновится, яко орля, юность твоя. Творяй милостыни Господь, / и судьбу всем обидимым. Сказа пути Своя Моисеови, / сыновом Израилевым хотения Своя. Щедр и милостив Господь, / долготерпелив и многомилостив. Не до конца прогневается, / ниже в век враждует. Не по беззаконием нашим сотворил есть нам, / ниже по грехом нашим воздал есть нам. Яко по высоте небесней от земли, / утвердил есть Господь милость Свою на боящихся Его. Елико отстоят востоцы от запад, / удалил есть от нас беззакония наша. Якоже щедрит отец сыны, / ущедри Господь боящихся Его. Яко Той позна создание наше, / помяну, яко персть есмы. Человек, яко трава дние его, / яко цвет сельный, тако оцветет. Яко дух пройде в нем, / и не будет, / и не познает ктому места своего. Милость же Господня от века и до века / на боящихся Его. И правда Его на сынех сынов, / хранящих завет Его, / и помнящих заповеди Его / творити я. Господь на небеси уготова Престол Свой, / и Царство Его всеми обладает. Благословите Господа, вси Ангели Его, / сильнии крепостию, творящии слово Его, / услышати глас словес Его. Благословите Господа, вся силы Его, / слуги Его, творящии волю Его. Благословите Господа, вся дела Его, /на всяком месте владычества Его. Слава Отцу и Сыну и Святому Духу. И ныне и присно и во веки веков. Аминь. Благослови, душе моя, Господа, / и вся внутренняя моя Имя святое Его. / Благословен еси, Господи.

Благословляй, душа моя, Господа. / Благословен Ты, Господи! / Благословляй, душа моя, Господа, / и вся внутренность моя – имя святое Его. Благословляй, душа моя, Господа, / и не забывай всех благодеяний Его. Он прощает все беззакония твои, / исцеляет все недуги твои. Избавляет от погибели жизнь твою, / венчает тебя милостью и щедротами. Исполняет благами желание твое, – / обновится, как у орла, юность твоя. Творит милость Господь / и суд всем обиженным. Он открыл пути Свои Моисею, / сынам Израилевым – желания Свои. Щедр и милостив Господь, / долготерпелив и многомилостив. Не до конца прогневается / и не навек негодует. Не по беззакониям нашим Он соделал нам, / и не по грехам нашим воздал нам. Ибо, по высоте неба от земли, / утвердил Господь милость Свою к боящимся Его. На сколько отстоит восток от запада, / удалил Он от нас беззакония наши. Как милует отец сынов, / помиловал Господь боящихся Его. Ибо Он знает состав наш, / помнит, что мы – прах. Человек – как трава дни его, / как цвет полевой, так отцветёт. Ибо дыхание прекратилось в нем / – и не будет его, / и не узнает он более места своего. Милость же Господня – от века и до века / на боящихся Его. И правда Его – на сынах сынов / хранящих завет Его / и помнящих заповеди Его, / чтобы исполнять их. Господь на небе уготовал престол Свой, / и Царство Его всем владеет. Благословляйте Господа, все Ангелы Его, / сильные мощью, исполняющие слово Его, / как только услышат глас слов Его. Благословляйте Господа, все воинства Его, / служители Его, исполняющие волю Его. Благословляйте Господа, все творения Его, / на всяком месте владычества Его. Слава Отцу, и Сыну, и Святому Духу. И ныне, и всегда, и во веки веков. Аминь. Благословляй, душа моя, Господа / и вся внутренность моя – имя святое Его. / Благословен Ты, Господи! 

Ектения

Па́ки и па́ки, ми́ром Го́споду помо́лимся.

Снова и снова в мире Господу помолимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянув, сами себя и друг друга, и всю жизнь нашу Христу Богу предадим.

Лик: Тебе́, Го́споди.

Молитва второго антифона

Го́споди Бо́же наш, спаси́ лю́ди Твоя́ и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́. Ты те́х воспросла́ви Боже́ственною Твое́ю си́лою и не оста́ви нас, упова́ющих на Тя.

Господи, Боже наш, спаси народ Твой и благослови наследие Твое, полноту Церкви Твоей сохрани, освяти любящих благолепие дома Твоего! Ты их прославь божественной Твоею силою, и не оставь нас, надеющихся на Тебя.

Возглас: Я́ко Твоя́ держа́ва и Твое́ есть Ца́рство и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Ибо Твоя власть, и Твои – Царство, и сила, и слава, Отца и Сына и Святого Духа, ныне и всегда, и во веки веков.

Лик: Ами́нь.

Второй изобразительный антифон

Хвали, душе моя, Господа. / Восхвалю Господа в животе моем, / пою Богу моему, дондеже есмь. Не надейтеся на князи, на сыны человеческия, / в нихже несть спасения. Изыдет дух его, / и возвратится в землю свою: / в той день погибнут вся помышления его. Блажен, емуже Бог Иаковль помощник его, / упование его на Господа Бога своего. Сотворшаго небо и землю, / море и вся, яже в них. Хранящаго истину в век, / творящаго суд обидимым, / дающаго пищу алчущим. Господь решит окованныя, / Господь умудряет слепцы. Господь возводит низверженныя, / Господь любит праведники. Господь хранит пришельцы, / сира и вдову приимет, / и путь грешных погубит. Воцарится Господь во век, / Бог твой, Сионе, в род и род. Слава Отцу и Сыну и Святому Духу, и ныне и присно и во веки веков. Аминь.

Хвали, душа моя, Господа. / Хвалить буду Господа всю жизнь мою, / петь Богу моему, пока существую. Не надейтесь на князей, на сынов человеческих, / в которых нет спасения. Выйдет дух его, / и он возвратится в землю свою, / в тот день погибнут все помышления его. Блажен тот, кому Бог Иакова – помощник его, / надежда его – на Господа Бога своего. Сотворившего небо и землю, / море и все, что в них. Хранящего истину вовек, / совершающего суд обиженным, / дающего пищу алчущим. Господь освобождает узников, / Господь умудряет слепых. Господь поднимает поверженных, / Господь любит праведных.Господь хранит пришельцев, / сироту и вдову Он примет, / а путь грешных обратит в ничто. Будет царствовать Господь вовек, / Бог Твой, Сион, – в род и род. Слава Отцу, и Сыну, и Святому Духу, / и ныне, и всегда, и во веки веков. Аминь.

Диакон: Па́ки и па́ки, ми́ром Го́споду помо́лимся.

Снова и снова в мире Господу помолимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянув, сами себя и друг друга, и всю жизнь нашу Христу Богу предадим.

Лик: Тебе́, Го́споди.

Молитва третьего антифона

И́же о́бщия сия́ и согла́сныя дарова́вый нам моли́твы, и́же и двема́ или́ трем согласу́ющимся о и́мени Твое́м проше́ния пода́ти обеща́вый, Сам и ны́не раб Твои́х проше́ния к поле́зному испо́лни, подая́ нам и в настоя́щем ве́це позна́ние Твоея́ и́стины, и в бу́дущем живо́т ве́чный да́руя.

Ты, даровавший нам эти общие и согласные молитвы, и двум или трем, согласно просящим во имя Твое, просимое подавать обещавший, Сам и ныне прошения рабов Твоих к полезному исполни, подавая нам в нынешнем веке познание Твоей истины, и в будущем жизнь вечную даруя.

Возглас: Я́ко благ и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ибо Ты – благой и человеколюбивый Бог, и Тебе славу воссылаем, Отцу и Сыну и Святому Духу, ныне и всегда, и во веки веков.

Лик: Ами́нь.

Блаженны, третий изобразительный антифон

Во Царствии Твоем помяни нас, Господи, / егда приидеши, во Царствии Твоем. Блажени нищии духом, / яко тех есть Царство Небесное. Блажени плачущии, / яко тии утешатся. Блажени кротции, / яко тии наследят землю. Блажени алчущии и жаждущии правды, / яко тии насытятся. Блажени милостивии, / яко тии помиловани будут. Блажени чистии сердцем, / яко тии Бога узрят. Блажени миротворцы, / яко тии сынове Божии нарекутся. Блажени изгнани правды ради, / яко тех есть Царство Небесное. Блажени есте, егда поносят вам, / и изженут, и рекут всяк зол глагол на вы, лжуще Мене ради. Радуйтеся и веселитеся, / яко мзда ваша многа на Небесех. Слава Отцу и Сыну и Святому Духу. И ныне и присно и во веки веков. Аминь.

Во Царствии Твоём помяни нас, Господи, / когда придешь во Царствии Твоём. Блаженны нищие духом, / ибо их есть Царство Небесное. Блаженны плачущие, / ибо они утешатся. Блаженны кроткие, / ибо они наследуют землю. Блаженны алчущие и жаждущие правды, / ибо они насытятся. Блаженны милостивые, / ибо они помилованы будут. Блаженны чистые сердцем, / ибо они Бога узрят. Блаженны миротворцы, / ибо они будут наречены сынами Божиими. Блаженны гонимые за правду, / ибо их есть Царство Небесное. Блаженны вы, когда будут поносить вас / и гнать и всячески неправедно злословить за Меня. Радуйтесь и веселитесь, / ибо велика ваша награда на небесах. Слава Отцу, и Сыну, и Святому Духу. И ныне, и всегда, и во веки веков. Аминь.

Малый вход с Евангелием

Диакон: Го́споду помо́лимся.

Лик: Го́споди, поми́луй.

И глаголет священник молитву входа тайно.

Молитва входа

Влады́ко Го́споди Бо́же наш, уста́вивый на небесе́х чи́ны и во́инства А́нгел и Арха́нгел в служе́ние Твоея́ сла́вы, сотвори́ со вхо́дом нашим вхо́ду святы́х А́нгелов бы́ти, сослужа́щих нам, и сославосло́вящих Твою́ бла́гость.

Владыка, Господи Боже наш, установивший на небесах полки и воинства Ангелов и Архангелов для служения Твоей Славе! Сделай, чтобы со входом нашим совершился вход святых Ангелов, с нами служащих и славословящих Твою благость.

Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ибо Тебе подобает вся слава, честь и поклонение, Отцу и Сыну и Святому Духу, ныне и всегда, и во веки веков.

По сем творят вход, диакон глаголет:

Прему́дрость, про́сти.

Молитва перед пением Трисвятого

Бо́же Святы́й, и́же во святы́х почива́яй, и́же трисвяты́м гла́сом от Серафи́мов воспева́емый и от Херуви́мов славосло́вимый, и от вся́кия Небе́сныя Си́лы покланя́емый, и́же от небытия́ во е́же бы́ти приведы́й вся́ческая, созда́вый челове́ка по о́бразу Твоему́ и по подо́бию, и вся́ким Твои́м дарова́нием украси́вый, дая́й прося́щему прему́дрость и ра́зум, и не презира́яй согреша́ющаго, но полага́яй на спасе́ние покая́ние, сподо́бивый нас, смире́нных и недосто́йных раб Твои́х, и в час сей ста́ти пред сла́вою свята́го Твоего́ же́ртвенника, и до́лжное Тебе́ поклоне́ние и славосло́вие приноси́ти. Сам, Влады́ко, приими́ и от уст нас, гре́шных, Трисвяту́ю песнь, и посети́ ны бла́гостию Твое́ю, прости́ нам вся́кое согреше́ние во́льное же и нево́льное, освяти́ на́ша ду́ши и телеса́, и даждь нам в преподо́бии служи́ти Тебе́ вся дни живота́ на́шего, моли́твами святы́я Богоро́дицы, и всех святы́х, от ве́ка Тебе́ благоугоди́вших.

Боже святой, во святых почивающий, Трисвятым возглашением Серафимами воспеваемый и Херувимами славословимый, и от всех небесных Сил принимающий поклонение! Ты, из небытия в бытие приведший все, создавший человека по образу Своему и по подобию и всеми Твоими дарами его украсивший, дающий просящему премудрость и разум, и не презирающий согрешающего, но установивший покаяние во спасение. Ты удостоил нас, смиренных и недостойных рабов Твоих, и в этот час стать пред славою святого Твоего жертвенника и подобающее Тебе поклонение и славословие приносить. Сам, Владыка, прими и из уст нас, грешных, Трисвятую песнь и посети нас во благости Твоей, прости нам всякое согрешение как вольное, так и невольное, освяти наши души и тела, и дай нам с благоговением служить Тебе во все дни жизни нашей, по ходатайствам святой Богородицы и всех святых, от века Тебе благоугодивших.

Егда же певцы приидут в последний тропарь, глаголет диакон ко иерею, приклонь вкупе главу и орарь в руце держа треми персты:

Благослови́, влады́ко, вре́мя Трисвята́го.

Когда певцы начнут заключительный кондак, диакон, говорит, обращаясь к священнику: Благослови, владыка, время пения Трисвятого.

Иерей же, зна́менуя его, глаголет:

Я́ко свят еси́, Бо́же наш, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно.

Священник же, осеняя его крестным знамением, произносит: Ибо свят Ты, Боже наш, и Тебе славу воссылаем, Отцу и Сыну и Святому Духу, ныне и всегда.

Скончавшуся же тропарю, приходит диакон близ святых дверей, и наводя орарем, первее убо ко иконе Христове глаголет:

Го́споди, спаси́ благочести́выя, и услы́ши ны.

По окончании последнего кондака диакон выходит из Царских врат и, сперва показывая орарем на икону Христа, возглашает: Господи, спаси благочестивых.

Лик: Го́споди, спаси́ благочести́выя, и услы́ши ны.

Таже наводит, глаголя ко вне стоящим велегласно:

И во ве́ки веко́в.

Лик: Ами́нь.

Трисвятое

Лик: Святый Боже, / Святый Крепкий, / Святый Безсмертный, помилуй нас. (Трижды) Слава Отцу и Сыну и Святому Духу, и ныне и присно и во веки веков. Аминь. Святый Безсмертный, помилуй нас. Святый Боже, / Святый Крепкий, / Святый Безсмертный, помилуй нас.

Святой Боже, / Святой Крепкий, / Святой Бессмертный, помилуй нас. (3) Слава Отцу, и Сыну, и Святому Духу, и ныне, и всегда, и во веки веков. Аминь. Святой Бессмертный, помилуй нас. Святой Боже, / Святой Крепкий, / Святой Бессмертный, помилуй нас.

Диакон: Повели́, влады́ко.

Священник: Благослове́н Гряды́й во и́мя Госпо́дне.

Благословен грядущий во имя Господне.

Диакон: Благослови́, влады́ко, Го́рний престо́л.

Иерей же: Благослове́н еси́ на престо́ле сла́вы Ца́рствия Твоего́, Седя́й на Херуви́мех, всегда́, ны́не и при́сно, и во ве́ки веко́в.

Благословен Ты на престоле Славы Царства Твоего, восседающий на Херувимах, всегда ныне и присно, и во веки веков. Аминь.

Диакон: Во́нмем.

Иере́й: Мир всем.

Чтец: И ду́хови твоему́.

Диакон: Прему́дрость.

Чтец: прокимен, псалом Давидов.

Диакон: Прему́дрость.

И чтец надписание Апостола: Дея́ний святы́х Апо́стол чте́ние. Или: Собо́рнаго посла́ния Иа́ковля, или Петро́ва чте́ние. Или: К Ри́мляном, или к Кори́нфяном, или к Гала́том посла́ния свята́го Апо́стола Па́вла чте́ние.

И чтец надписание Апостола: Деяний святых Апостолов чтение; или: Соборного послания Иакова или: Петра чтение; или: К римлянам, или: К коринфянам, или: к Галатам послания святого Апостола Павла чтение.

Диакон: Во́нмем.

Священник: Мир ти.

Чтец: И ду́хови твоему́.

Диакон: Прему́дрость.

Чтец: Аллилу́иа.

Молитва перед чтением Евангелия

Возсия́й в сердца́х на́ших человеколю́бче Влады́ко, Твоего́ Богоразу́мия нетле́нный свет, и мы́сленныя наши отве́рзи о́чи, во ева́нгельских Твои́х пропове́даний разуме́ние: вложи́ в нас и страх блаже́нных Твои́х за́поведей, да плотския по́хоти вся попра́вше, духо́вное жи́тельство про́йдем, вся, я́же ко благоугожде́нию Твоему́, и му́дрствующе и де́юще. Ты бо еси́ просвеще́ние душ и теле́с на́ших, Христе́ Бо́же, и Тебе́ сла́ву возсыла́ем, со безнача́льным Твои́м Отце́м, и пресвяты́м и благи́м и животворя́щим Твои́м Ду́хом, ны́не и при́сно, и во ве́ки веко́в. Ами́нь.

Зажги в сердцах наших, человеколюбивый Владыка, Твоего Богопознания нетленный свет и открой очи ума нашего для уразумения евангельской Твоей проповеди! Вложи в нас и страх пред блаженными Твоими заповедями, дабы мы, все плотские влечения поправ, проводили духовную жизнь, о всём, что к угождению Тебе, мысля и то совершая. Ибо Ты – просвещение душ и тел наших, Христе Боже, и Тебе славу воссылаем, со безначальным Твоим Отцом, и всесвятым и благим и животворящим Твоим Духом, ныне и всегда и во веки веков. Аминь.

Диакон: Благослови, владыко, благовестителя святаго Апостола и Евангелиста, имярек.

Благослови, владыка, благовестителя святого Апостола и Евангелиста [имя].

Священник: Бог, молитвами святаго, славнаго, всехвальнаго Апостола и Евангелиста, имярек, да даст тебе глагол благовествующему силою многою, во исполнение Евангелия возлюбленнаго Сына Своего, Господа нашего Иисуса Христа.

Бог, по ходатайствам святого, славного, всехвального Апостола и Евангелиста [имя], да даст тебе, благовествующему, слово с силою многою, во исполнение Евангелия возлюбленного Сына Своего, Господа нашего Иисуса Христа.

Диакон: Аминь.

Иерей: Премудрость, прости, услышим святаго Евангелия. Таже: Мир всем.

Людие: И духови твоему.

Диакон: От (имярек) святаго Евангелия чтение.

Лик: Слава Тебе, Господи, слава Тебе.

Священник: Вонмем.

Чтение Евангелия

Священник: Мир ти, благовествующему.

Лик: Слава Тебе, Господи, слава Тебе.

Ектения сугубая

Рцем вси́ от всея́ души́, и от всего́ помышле́ния на́шего рцем.

Возгласим все от всей души и от всего помышления нашего возгласим.

Лик: Го́споди, поми́луй.

Го́споди Вседержи́телю, Бо́же оте́ц на́ших, мо́лим Ти ся, услы́ши и поми́луй.

Господи Вседержитель, Боже отцов наших, молимся Тебе, услышь и помилуй.

Лик: Го́споди, поми́луй.

Поми́луй нас, Бо́же, по вели́цей ми́лости Твое́й, мо́лим Ти ся, услы́ши и поми́луй.

Помилуй нас, Боже, по великой милости Твоей, молимся Тебе, услышь и помилуй.

Лик: Го́споди, поми́луй, трижды.

Еще́ мо́лимся о Вели́ком Господи́не и отце́ на́шем, Святе́йшем Патриа́рхе (имярек), и о господи́не на́шем преосвяще́ннейшем митрополи́те (или архиепи́скопе, или епи́скопе) (имя рек), и о всей во Христе́ бра́тии на́шей.

Ещё молимся о Великом Господине и отце нашем Святейшем Патриархе (имя) и о господине нашем (высоко) преосвященнейшем митрополите (или: архиепископе или: епископе — имя), и о всём во Христе братстве нашем.

Лик: Го́споди, поми́луй, трижды.

Еще́ мо́лимся о Богохрани́мей стране́ на́шей, власте́х и во́инстве ея́, да ти́хое и безмо́лвное житие́ поживе́м во вся́ком благоче́стии и чистоте́.

Ещё молимся о Богохранимой стране нашей, властях и воинстве её, да тихую и безмятежную жизнь проведём во всяком благочестии и чистоте.

Лик: Го́споди, поми́луй, трижды.

Еще́ мо́лимся о бра́тиях на́ших, свяще́нницех, священномона́сех, и всем во Христе́ бра́тстве на́шем.

Ещё молимся о братьях наших священниках, священномонахах, [священнодиаконах и монахах], и о всем во Христе братстве нашем

Лик: Го́споди, поми́луй, трижды.

Еще́ мо́лимся о блаже́нных и приснопа́мятных святе́йших патриа́рсех правосла́вных и созда́телех свята́го хра́ма сего́ (аще во обители: святы́я оби́тели сея́), и о всех пре́жде почи́вших отце́х и бра́тиях, зде лежа́щих и повсю́ду, правосла́вных.

Ещё молимся о блаженных и всегда поминаемых создателях святого храма сего (или: святой обители сей), и о всех прежде почивших отцах и братьях наших, здесь и повсюду лежащих, православных.

Лик: Го́споди, поми́луй, трижды.

Еще́ мо́лимся о ми́лости, жи́зни, ми́ре, здра́вии, спасе́нии, посеще́нии, проще́нии и оставле́нии грехо́в рабо́в Бо́жиих, бра́тии свята́го хра́ма сего́ (аще во обители: святы́я оби́тели сея́).

Ещё молимся о милости, жизни, мире, здравии, спасении, посещении, прощении и оставлении грехов рабов Божиих, братии {и прихожан} святого храма сего (или: святой обители сей).

Лик: Го́споди, поми́луй, трижды.

Еще́ мо́лимся о плодонося́щих и доброде́ющих во святе́м и всечестне́м хра́ме сем, тружда́ющихся, пою́щих и предстоя́щих лю́дех, ожида́ющих от Тебе́ вели́кия и бога́тыя ми́лости.

Ещё молимся о приносящих пожертвования и творящих доброе во святом и всесвященном храме сем, о в нем трудящихся, поющих и предстоящих людях, ожидающих от Тебя великой и богатой милости.

Лик: Го́споди, поми́луй, трижды.

Молитва усердного моления

Го́споди Бо́же наш, приле́жное сие́ моле́ние приими́ от Твои́х раб, и поми́луй нас по мно́жеству ми́лости Твоея́, и щедро́ты Твоя́ низпосли́ на ны и на вся лю́ди Твоя́, ча́ющыя от Тебе́ бога́тыя ми́лости.

Господи Боже наш, прими это усердное моление от Твоих рабов, и помилуй нас по множеству милости Твоей, и щедроты Твои ниспошли на нас и на весь народ Твой, ожидающий от Тебя неистощимой милости.

Возглашение: Я́ко ми́лостив и человеколю́бец Бог еси́, и Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ибо Ты – милостивый и человеколюбивый Бог, и Тебе славу воссылаем, Отцу и Сыну и Святому Духу, ныне и всегда, и во веки веков.

Лик: Ами́нь.

Ектения об оглашаемых

Диакон: Помоли́теся, оглаше́ннии, Го́сподеви.

Помолитесь, оглашаемые, Господу!

Лик: Го́споди, поми́луй.

Ве́рнии, о оглаше́нных помо́лимся, да Госпо́дь поми́лует их.

Верные, об оглашаемых помолимся, чтобы Господь помиловал их.

Лик: Го́споди, поми́луй.

Огласи́т их сло́вом и́стины.

Огласил их словом истины.

Лик: Го́споди, поми́луй.

Откры́ет им Ева́нгелие пра́вды.

Открыл им Евангелие правды.

Лик: Го́споди, поми́луй.

Соедини́т их святе́й Свое́й собо́рней и апо́стольстей Це́ркви.

Соединил их со святой Своей, соборной и апостольской Церковью.

Лик: Го́споди, поми́луй.

Спаси́, поми́луй, заступи́ и сохрани́ их, Бо́же, Твое́ю благода́тию.

Спаси, помилуй, защити и сохрани их, Боже, Твоею благодатию.

Лик: Го́споди, поми́луй.

Оглаше́ннии, главы ва́ша Го́сподеви приклони́те.

Оглашаемые, главы ваши пред Господом преклоните!

Лик: Тебе́, Го́споди.

Молитва об оглашаемых

Го́споди Бо́же наш, и́же на небесе́х живы́й и призира́яй на вся дела́ Твоя́, при́зри на рабы́ Твоя́ оглаше́нныя, прикло́ньшыя своя́ вы́я пред Тобо́ю и даждь им ле́гкий яре́м, сотвори́ их у́ды че́стны святы́я Твоея́ Це́ркве и сподо́би их ба́ни пакибытия́, оставле́ния грехо́в и оде́жди нетле́ния, в позна́ние Тебе́, и́стиннаго Бо́га на́шего.

Господи Боже наш, живущий на небесах и взирающий на все дела Твои! Воззри на рабов Твоих оглашаемых, склонивших главы свои пред Тобою, и дай им легкое бремя Твое; соделай их достойными членами святой Твоей Церкви и удостой их купели возрождения, отпущения грехов и одежды нетления, для познания Тебя, истинного Бога нашего.

Возглас: Да и ти́и с на́ми сла́вят пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Дабы и они с нами славили всесвященное и величественное имя Твое, Отца и Сына и Святого Духа, ныне, всегда и во веки веков.

Лик: Ами́нь.

И раскрывает антиминс священник

Диакон: Ели́цы оглаше́ннии, изыди́те. Оглаше́ннии, изыди́те. Ели́цы оглаше́ннии, изыди́те. Да никто от оглаше́нных, ели́цы ве́рнии, па́ки и па́ки ми́ром Го́споду помо́лимся.

Все оглашаемые, выйдите! Оглашаемые, выйдите! Все оглашаемые, выйдите! Да никто из оглашаемых, а только верные, снова и снова в мире Господу помолимся!

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Диакон: Прему́дрость.

Молитва верных первая

Ты, Го́споди, показа́л еси́ нам вели́кое сие́ спасе́ния та́инство. Ты сподо́бил еси́ нас, смире́нных и недосто́йных раб Твои́х, бы́ти служи́телем свята́го Твоего́ же́ртвенника. Ты удовли́ нас, си́лою свята́го Твоего́ Ду́ха, в слу́жбу сию́, да неосужде́нно ста́вше пред свято́ю сла́вою Твое́ю, принесе́м Ти же́ртву хвале́ния. Ты бо еси́ де́йствуяй вся во всех. Да́ждь, Го́споди, и о на́ших гресе́х, и о людски́х неве́дениих, прия́тней бы́ти же́ртве на́шей, и благоприя́тней пред Тобо́ю.

Ты, Господи, показал нам это великое таинство спасения; Ты удостоил нас, смиренных и недостойных рабов Твоих, стать служителями святого Твоего жертвенника; Ты силою Святого Духа соделай нас способными к этому служению, чтобы не в осуждение представ пред святою славою Твоею, мы приносили Тебе жертву хвалы; ибо Ты – совершающий все во всех; дай, Господи, чтобы приносимая и за наши грехи и за грехи неведения народа жертва наша была угодна и благоприятна пред Тобою.

Священник возглашает: Я́ко подоба́ет Тебе́ вся́кая сла́ва, честь и поклоне́ние, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Ибо Тебе подобает вся слава, честь и поклонение, Отцу и Сыну и Святому Духу, ныне и всегда, и во веки веков.

Лик: Ами́нь.

Диакон: Па́ки и па́ки, ми́ром Го́споду помо́лимся.

Снова и снова в мире Господу помолимся!

Лик: Го́споди, поми́луй.

(Когда священник служит один, он следующих четырех прошений не произносит)

О свы́шнем ми́ре и спасе́нии душ на́ших, Го́споду помо́лимся.

О мире свыше и о спасении душ наших Господу помолимся.

Лик: Го́споди, поми́луй.

О ми́ре всего́ мiра, благостоя́нии святы́х Бо́жиих церкве́й и соедине́нии всех, Го́споду помо́лимся.

О мире всего мiра, благоденствии святых Божиих Церквей и о соединении всех Господу помолимся.

Лик: Го́споди, поми́луй.

О святе́м хра́ме сем и с ве́рою, благогове́нием и стра́хом Бо́жиим входя́щих в онь, Го́споду помо́лимся.

О святом храме сем и о всех, с верою, благоговением и страхом Божиим входящих в него, Господу помолимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Об избавлении нас от всякой скорби, гнева, беды и нужды Господу помолимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Диакон: Прему́дрость.

Молитва верных вторая

Бо́же, посети́вый в ми́лости и щедро́тах смире́ние на́ше, поста́вивый нас смире́нных и гре́шных и недосто́йных раб Твои́х пред свято́ю сла́вою Твое́ю, служи́ти свято́му же́ртвеннику Твоему́. Ты укрепи́ нас си́лою Свята́го Твоего́ Ду́ха в слу́жбу сию́, и да́ждь нам сло́во во отверзе́ние у́ст на́ших, во е́же призыва́ти благода́ть Свята́го Твоего́ Ду́ха на хотя́щия предложи́тися Да́ры.

Боже, посетивший с милостью и состраданием смирение наше, поставивший нас смиренных и грешных и недостойных рабов Твоих пред святою славою Твоею служить святому жертвеннику Твоему; Ты укрепи нас силою Святого Твоего Духа на это служение, и дай нам слово при отверзении уст наших, чтобы призывать благодать Святого Твоего Духа на предлагаемые Дары.

Священник глаголет возгласно:

Я́ко да под держа́вою Твое́ю всегда́ храни́ми, Тебе́ сла́ву возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

Чтобы силою Твоею всегда хранимые, мы Тебе славу воссылали, Отцу и Сыну и Святому Духу, ныне и всегда, и во веки веков.

Лик: Ами́нь.

И отверзаются святыя двери.

Во время пения Херувимской песни диакон, взяв кадило и вложив в него ладан, подходит к священнику и, взяв у него благословение, кадит святой престол вокруг, и весь алтарь, и иконостас; также священника, клиросы и народ. Читает же и 50 псалом, и тропари умилительные, сколько захочет. Священник же читает тайно следующую молитву:

Молитва Херувимской песни

Никто́же досто́ин от связа́вшихся плотски́ми похотьми́ и сластьми́ приходи́ти, или́ прибли́житися, или́ служи́ти Тебе́, Царю́ Сла́вы: е́же бо служи́ти Тебе́, вели́ко и стра́шно и саме́м Небе́сным Си́лам. Но оба́че неизрече́ннаго ра́ди и безме́рнаго Твоего́ человеколю́бия, непрело́жно и неизме́нно был еси́ Челове́к, и Архиере́й нам был еси́: и служе́бныя сея́ и безкро́вныя же́ртвы священноде́йствие пре́дал еси́ нам, я́ко Влады́ка всех. Ты бо еди́н, Го́споди Бо́же наш, влады́чествуеши небе́сными и земны́ми, и́же на престо́ле Херуви́мсте носи́мый, и́же Серафи́мов Госпо́дь, и Ца́рь Изра́илев, и́же Еди́н свят, и во святы́х почива́яй. Тя у́бо молю́, Еди́наго блага́го и благопослушли́ваго: при́зри на мя, гре́шнаго и непотре́бнаго раба́ Твоего́, и очи́сти мою́ ду́шу и се́рдце от со́вести лука́выя, и удовли́ мя, си́лою свята́го Твоего́ Ду́ха, облече́на благода́тию свяще́нства, предста́ти святе́й Твое́й сей трапе́зе, и священноде́йствовати Свято́е и Пречи́стое Твое́ Те́ло и Честну́ю Кровь. К Тебе́ бо прихожду́ прикло́нь мою́ вы́ю, и молю́ Ти ся, да не отврати́ши лица́ Твоего́ от мене́, ниже́ отри́неши мене́ от о́трок Твоих, но сподо́би принесе́нным Тебе́ бы́ти, мно́ю гре́шным и недосто́йным рабо́м Твои́м, даро́м сим. Ты бо еси́ принося́й и приноси́мый, и прие́мляй и раздава́емый, Христе́ Бо́же наш, и Тебе́ сла́ву возсыла́ем, со безнача́льным Твои́ м Отце́м, и Пресвяты́м, и Благи́м, и Животворя́щим Твои́м Ду́хом, ны́не и при́сно, и во ве́ки веко́в. Ами́нь.

Никто из связанных плотскими влечениями и наслаждениями недостоин приступать или приближаться к Тебе, или служить Тебе, Царю Славы, ибо служение Тебе велико и страшно и для самих Сил небесных! Но однако Ты, по неизреченному и безмерному Своему человеколюбию непреложно и неизменно стал человеком и явился первосвященником нашим, и священнодействие этого общего служения и бескровной жертвы передал нам, как Владыка всех. Ибо Ты, Господи Боже наш, один владычествуешь над всем небесным и земным, – Ты, на престоле Херувимском носимый, Серафимов Господь и Царь Израилев, один Святой и во святых почивающий. Но прошу Тебя, единственно благого и благосклонного: воззри на меня, грешного и ни к чему не годного раба Твоего, и очисти мою душу и сердце от совести порочной, и силою Святого Твоего Духа сделай способным меня, облеченного благодатию священства, предстоять этому Твоему святому престолу и совершить священнодействие святого и пречистого Твоего Тела и драгоценной Крови. Ибо я к Тебе приступаю, склонив свою главу, и молю Тебя: не отврати лица Твоего от меня и не отвергни меня из числа служителей Твоих, но благоволи, чтобы мною, грешным и недостойным рабом Твоим, принесены были Тебе эти Дары. Ибо Ты – приносящий и приносимый, и принимающий, и раздаваемый, Христе Боже наш, и Тебе славу воссылаем, со безначальным Твоим Отцом, и всесвятым и благим и животворящим Твоим Духом, ныне и всегда, и во веки веков. Аминь.

По окончании молитвы и каждения священник и диакон, стоя перед св. престолом, трижды читают Херувимскую песнь, в конце каждый раз совершая поклон. Затем подходят к жертвеннику; священник кадит святые дискос и чашу.

Священник: И́же Херуви́мы та́йно образу́юще и животворя́щей Тро́ице Трисвяту́ю песнь припева́юще, вся́кое ны́не жите́йское отложи́м попече́ние.

Диакон: Я́ко да Царя́ всех поды́мем, а́нгельскими неви́димо дориноси́ма чи́нми. Аллилу́иа, аллилу́иа, аллилу́иа.

А сие в Великий Четверток точию поется:

Ве́чери Твоея́ Та́йныя днесь, Сы́не Бо́жий, / прича́стника мя приими́: / не бо враго́м Твои́м та́йну пове́м, / ни лобза́ния Ти дам я́ко Иу́да, / но я́ко разбо́йник испове́даю Тя: / помяни́ мя, Го́споди, во Ца́рствии Твое́м. / Аллилу́иа, аллилу́иа, аллилу́иа.

В Великую же Субботу поют сие:

Да молчи́т вся́кая плоть челове́ча, / и да стои́т со стра́хом и тре́петом, / и ничто́же земно́е в себе́ да помышля́ет: / Царь бо ца́рствующих, и Госпо́дь госпо́дствующих, / прихо́дит закла́тися и да́тися в снедь ве́рным. / Предхо́дят же Сему́ ли́цы А́нгельстии / со вся́ким Нача́лом и Вла́стию, / многоочи́тии Херуви́ми, / и шестокрила́тии Серафи́ми, / ли́ца закрыва́юще, и вопию́ще песнь: / аллилу́иа, аллилу́иа, аллилу́иа.

И зде священник же и диакон отходят в предложение, предходящу диакону, и кадит святая, в себе моляся:

Бо́же, очи́сти мя, гре́шнаго.

Диакон глаголет ко священнику:

Возми́, влады́ко.

И священник, взем возду́х, возлагает на левое рамо его, глаголя:

Возми́те ру́ки ва́ша во свя́тая и благослови́те Го́спода.

Диакон глаголет: Вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Ру́си, и господи́на на́шего преосвяще́ннейшаго имярек, митрополи́та (или архиепи́скопа, или епи́скопа егоже есть область), да помяне́т Госпо́дь Бог во Ца́рствии Свое́м всегда́, ны́не и при́сно, и во ве́ки веко́в.

Великого Господина и отца нашего (имя), Святейшего Патриарха Московского и всея Руси и господина нашего (высоко)преосвященнейшего (имя), митрополита (или: архиепископа или: епископа (такого-то – название кафедры), да помянет Господь Бог во Царствии Своем всегда, ныне и присно, и во веки веков.

Священник: Преосвяще́нныя митрополи́ты, архиепи́скопы и епи́скопы, и весь свяще́ннический и мона́шеский чин, бра́тию и прихо́жан свята́го хра́ма сего́, вас и всех правосла́вных христиа́н, да помяне́т Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Преосвященных митрополитов, архиепископов и епископов, и весь священнический и монашеский чин, братию и прихожан святого храма сего (или: святой обители сей), всех вас, [греч.: нас] православных христиан, да помянет Господь Бог во Царствии Своем всегда, ныне и присно, и во веки веков.

Глаголет к священнику диакон: Да помяне́т Госпо́дь Бог свяще́нство твое́ во Ца́рствии Свое́м.

Да помянет Господь Бог священство твое во Царствии Своем всегда, ныне и присно, и во веки веков!

И священник к нему: Да помяне́т Госпо́дь Бог священнодиа́конство твое́ во Ца́рствии Свое́м, всегда́, ны́не и при́сно, и во ве́ки веко́в.

Да помянет Господь Бог священнодиаконство твое во Царствии Своем, всегда, ныне и присно, и во веки веков.

И ставит священник святой потир на св. престол, говоря:

Благообра́зный Ио́сиф, с дре́ва снем Пречи́стое Те́ло Твое́, плащани́цею чи́стою обви́в, и благоуха́ньми во гро́бе но́ве покры́в, положи́.

Благородный Иосиф, с древа сняв пречистое тело Твое, чистым полотном обвив и помазав благовониями, в гробнице новой положил.

Во гро́бе пло́тски, во а́де же с душе́ю я́ко Бог, в раи́ же с разбо́йником, и на престо́ле был еси́, Христе́, со Отце́м и Ду́хом, вся исполня́яй неопи́санный.

Во гробе плотью, а во аде с душою как Бог, в раю же с разбойником и на престоле был Ты, Христе, со Отцом и Духом, все наполняя, беспредельный.

Я́ко живоно́сец, я́ко рая́ красне́йший, вои́стинну и черто́га вся́каго ца́рскаго показа́ся светле́йший, Христе́, гроб Твой, исто́чник на́шего воскресе́ния.

Носителем жизни, поистине прекраснейшим рая, и светлейшим всякого царского чертога явился гроб Твой, Христе, источник нашего воскресения.

Также, покрывает священные сосуды, со словами: 

Благообра́зный Ио́сиф, с дре́ва снем Пречи́стое Те́ло Твое́, плащани́цею чи́стою обви́в, и благоуха́ньми во гро́бе но́ве покры́в, положи́.

И кадит святыни трижды, со словами:

Ублажи́, Го́споди, благоволе́нием Твои́м Сио́на, и да сози́ждутся сте́ны Иерусали́мския. Тогда́ благоволи́ши же́ртву пра́вды, возноше́ние и всесожега́емая, тогда́ возложа́т на олта́рь Твой тельцы́.

Облагодетельствуй, Господи, во благоволении Твоём Сион, и да будут воздвигнуты стены Иерусалима, – тогда примешь благосклонно жертву правды, возношение и всесожжения, тогда возложат на алтарь Твой тельцов.

И отдав кадило, говорит диакону: 

Помяни́ мя, бра́те и сослужи́телю.

Помяни меня, брат и сослужитель!

И диакон к нему: Да помяне́т Госпо́дь Бог свяще́нство твое́ во Ца́рствии Свое́м.

Да помянет Господь Бог священство твое во Царствии Своем. Помолись обо мне, владыка святой.

Диакон священнику: Помоли́ся о мне́, влады́ко святы́й.

И священник: Дух Святы́й на́йдет на тя, и Си́ла Вы́шняго осени́т тя.

Дух Святой найдет на тебя, и Сила Всевышнего осенит тебя.

И диакон: То́йже Дух соде́йствует нам вся дни живота́ на́шего.

Тот же Дух будет содействовать нам во все дни жизни нашей. Помяни меня, владыка святой.

Священник: Помяни́ мя, влады́ко святы́й.

И священник: Да помяне́т тя Госпо́дь Бог во Ца́рствии Свое́м, всегда́, ны́не и при́сно, и во ве́ки веко́в.

Да помянет тебя Господь Бог во Царствии Своем, всегда, ныне и присно, и во веки веков.

Ектения просительная

Диакон: Испо́лним моли́тву на́шу Го́сподеви.

Восполним нашу молитву Господу.

Лик: Го́споди, поми́луй.

О предложе́нных Честны́х Даре́х, Го́споду помо́лимся.

О предложенных святых дарах Господу помолимся.

Лик: Го́споди, поми́луй.

О святе́м хра́ме сем, и с ве́рою, благогове́нием и стра́хом Бо́жиим входя́щих в онь, Го́споду помо́лимся.

О святом храме сем и о всех, с верою, благоговением и страхом Божиим входящих в него, Господу помолимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Об избавлении нас от всякой скорби, гнева, [опасности] и нужды Господу помолимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Дне всего́ соверше́нна, свя́та, ми́рна и безгре́шна, у Го́спода про́сим.

Дня сего совершенного, святого, мирного и безгрешного у Господа просим.

Лик: Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Ангела мира, верного наставника, хранителя душ и тел наших у Господа просим.

Лик: Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Прощения и оставления грехов и согрешений наших у Господа просим.

Лик: Пода́й, Го́споди.

До́брых и поле́зных душа́м нашим, и ми́ра мiрови, у Го́спода про́сим.

Доброго и полезного душам нашим и мира мiру у Господа просим.

Лик: Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Прочее время жизни нашей в мире и покаянии окончить у Господа просим.

Лик: Пода́й, Го́споди.

Христиа́нския кончи́ны живота́ на́шего, безболе́знены, непосты́дны, ми́рны и до́браго отве́та на стра́шнем суди́щи Христо́ве про́сим.

Христианской кончины жизни нашей безболезненной, непостыдной, мирной, и доброго ответа на Страшном суде Христовом просим.

Лик: Пода́й, Го́споди.

Пресвяту́ю, пречи́стую, преблагослове́нную, сла́вную Влады́чицу на́шу Богоро́дицу и Присноде́ву Мари́ю со все́ми святы́ми помяну́вше, са́ми себе́ и друг дру́га, и весь живо́т наш Христу́ Бо́гу предади́м.

Пресвятую, пречистую, преблагословенную, славную Владычицу нашу Богородицу и Приснодеву Марию со всеми святыми помянув, сами себя и друг друга, и всю жизнь нашу Христу Богу предадим.

Лик: Тебе́, Го́споди.

Молитва приношения, после поставления Божественных Даров на св. престоле

Го́споди Бо́же наш, созда́вый нас и введы́й в жизнь сию́, показа́вый нам пути во спасе́ние, дарова́вый нам Небе́сных Та́ин открове́ние. Ты бо еси́ положи́вый нас в слу́жбу сию́, си́лою Ду́ха Твоего́ Свята́го. Благоволи́ у́бо, Го́споди, бы́ти нам служи́телем но́ваго Твоего́ Заве́та, слуга́м святы́х Твои́х Та́инств. Приими́ нас, приближа́ющихся свято́му Твоему́ же́ртвеннику, по мно́жеству ми́лости Твоея́, да бу́дем досто́йни приноси́ти Тебе́ слове́сную сию́ и безкро́вную же́ртву о на́ших согреше́ниих и о людски́х неве́жествиих: ю́же прие́м во святы́й и пренебе́сный, и мы́сленный Твой же́ртвенник, в воню́ благоуха́ния, возниспосли́ нам благода́ть Свята́го Твоего́ Ду́ха. При́зри на ны, Бо́же, и ви́ждь на слу́жбу сию́ на́шу, и приими́ ю́, я́коже прия́л еси́ А́велевы да́ры, Но́евы же́ртвы, Авраа́мова всепло́дия, Моисе́ова и Ааро́нова свяще́нства, Самуи́лова мирная. Я́коже прия́л еси́ от святы́х Твои́х Апо́стол и́стинную сию́ слу́жбу, си́це и от ру́к нас, гре́шных, приими́ Да́ры сия в бла́гости Твое́й, Го́споди, я́ко да сподо́бльшеся служи́ти без поро́ка свято́му Твоему́ же́ртвеннику, обря́щем мзду ве́рных и му́дрых строи́телей в день стра́шный воздая́ния Твоего́ пра́веднаго.

Господи Боже наш, сотворивший нас и приведший в эту жизнь, показавший нам пути ко спасению, даровавший нам небесных Таинств откровение; Ты поставил нас на это служение силою Духа Твоего Святого. Благоволи же, Господи, чтобы нам стать служителями нового Твоего завета, совершителями Твоих таинств; прими нас, приближающихся к святому Твоему жертвеннику, по множеству милости Твоей, да будем достойны приносить Тебе эту словесную и бескровную жертву за наши грехи и за грехи неведения народа; приняв ее на святой и превысший небес и невещественный Твой жертвенник, как аромат благоухания, в воздаяние ниспошли нам благодать Святого Твоего Духа. Взгляни на нас, Боже, и посмотри на это служение наше, и прими его, как Ты принял дары Авеля, жертвы Ноя, всесожжения Авраама, священнодействия Моисея и Аарона, мирные жертвы Самуила; как Ты принял от святых Твоих апостолов это истинное служение, так прими и из рук нас, грешных, эти дары по благости Твоей, Господи, чтобы мы, удостоившись безупречно служить святому Твоему жертвеннику, получили награду верных и благоразумных домоправителей в день страшный Твоего праведного воздаяния.

Возглас: Щедро́тами Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

По милосердию единородного Сына Твоего, с Которым благословен Ты, со всесвятым и благим и животворящим Твоим Духом, ныне и всегда, и во веки веков.

Лик: Ами́нь.

Священник: Мир всем.

Лик: И ду́хови твоему́.

Диакон: Возлю́бим друг дру́га, да единомы́слием испове́мы.

Возлюбим друг друга, чтобы в единомыслии исповедать

Лик: Отца́, и Сы́на, и Свята́го Ду́ха, / Тро́ицу единосу́щную / и неразде́льную.

Священник покланяется трижды, глаголя тайно:

Возлюблю́ Тя, Го́споди, кре́посте моя́, Госпо́дь утвержде́ние мое́ и прибе́жище мое́. Трижды.

Возлюблю Тебя, Господи, крепость моя, Господь – твердыня моя, и прибежище мое, и избавитель мой.

И диакон покланяется трижды, и целует орарь свой, и глаголет велегласно:

Две́ри, две́ри, прему́дростию во́нмем.

Лик: Верую во единаго Бога Отца Вседержителя, Творца небу и земли, видимым же всем и невидимым. И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век. Света от Света, Бога истинна от Бога истинна, рожденна, несотворенна, единосущна Отцу, Имже вся быша. Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася. Распятаго же за ны при Понтийстем Пилате, и страдавша, и погребенна. И воскресшаго в третий день по Писанием. И возшедшаго на небеса, и седяща одесную Отца. И паки грядущаго со славою судити живым и мертвым, Егоже Царствию не будет конца. И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки. Во едину Святую, Соборную и Апостольскую Церковь. Исповедую едино крещение во оставление грехов. Чаю воскресения мертвых, и жизни будущаго века. Аминь.

Верую во единого Бога, Отца, Вседержителя, Творца неба и земли, всего и видимого и невидимого. 2 И во единого Господа Иисуса Христа, Сына Божия, Единородного, от Отца рожденного прежде всех веков, Света от Света, Бога истинного от Бога истинного, рожденного, несотворенного, единосущного Отцу, через Которого всё произошло. 3 Ради нас, людей, и нашего ради спасения сошедшего с небес, и воплотившегося от Духа Святого и Марии Девы, и вочеловечившегося. 4 Распятого же за нас при Понтии Пилате, и страдавшего, и погребенного. 5 И воскресшего в третий день, по Писаниям. 6 И восшедшего на небеса, и сидящего справа от Отца. 7 И снова грядущего со славою, судить живых и мёртвых, и Царству Его не будет конца. 8 И в Духа Святого, Господа, Животворящего, от Отца исходящего, со Отцом и Сыном равно поклоняемого и славимого, говорившего чрез пророков. 9 Во единую, святую, соборную и апостольскую Церковь. 10 Признаю одно Крещение, для прощения грехов. 11 Ожидаю воскресения мёртвых, 12 и жизни будущего века. Аминь.

Диакон: Ста́нем до́бре, ста́нем со стра́хом, во́нмем, свято́е возноше́ние в ми́ре приноси́ти.

Станем прекрасно, станем со страхом, будем внимать, дабы святое Возношение в мире приносить!

Лик: Ми́лость ми́ра, / же́ртву хвале́ния.

Священник возгласно: Благода́ть Го́спода на́шего Иису́са Христа́, и любы́ Бо́га и Отца́, и прича́стие Свята́го Ду́ха, бу́ди со все́ми ва́ми.

Благодать Господа нашего Иисуса Христа, и любовь Бога и Отца, и общение Святого Духа да будет со всеми вами!

Лик: И со ду́хом твои́м.

Священник: Горе́ име́им сердца́.

Ввысь устремим сердца!

Лик: И́мамы ко Го́споду.

Мы устремили их ко Господу.

Священник: Благодари́м Го́спода.

Лик: Досто́йно и пра́ведно есть / покланя́тися Отцу́ и Сы́ну, и Свято́му Ду́ху, / Тро́ице единосу́щней и неразде́льней.

Достойно и праведно / поклоняться Отцу и Сыну и Святому Духу, / Троице единосущной и нераздельной.

Священник, склонившись, молится тайно:

Сый Влады́ко, Го́споди Бо́же О́тче Вседержи́телю покланя́емый! Досто́йно я́ко вои́стинну, и пра́ведно, и ле́по великоле́пию Святы́ни Твоея́, Тебе́ хвали́ти, Тебе́ пе́ти, Тебе́благослови́ти, Тебе́ кла́нятися, Тебе́ благодари́ти, Тебе́ сла́вити еди́наго вои́стинну Су́щаго Бо́га, и Тебе́ приноси́ти се́рдцем сокруше́нным и ду́хом смире́ния слове́сную сию́ слу́жбу на́шу, я́ко Ты еси́ дарова́вый нам Позна́ние Твоея́ И́стины. И кто дово́лен возглаго́лати силы Твоя́, слы́шаны сотвори́ти вся хвалы́ Твоя́, или́ пове́дати вся чудеса́ Твоя́ во вся́ко вре́мя. Влады́ко всех, Го́споди небесе́ и земли́, и всея́ тва́ри, ви́димыя же и неви́димыя, седя́й на престо́ле Сла́вы и призира́яй бе́здны, безнача́льне, неви́диме, непостижи́ме, неопи́санне, неизме́нне, О́тче Го́спода на́шего Иису́са Христа́, вели́каго Бо́га и Спаси́теля, Упова́ния на́шего, И́же есть О́браз Твоея́ Бла́гости: Печа́ть равнообра́зная, в Себе́ показу́я Тя, Отца́, Сло́во живо́е, Бог и́стинный, преве́чная Прему́дрость, Живо́т, Освяще́ние, Си́ла, Свет и́стинный, И́мже Дух Святы́й яви́ся; Дух и́стины, сыноположе́ния Дарова́ние, Обруче́ние бу́дущаго Насле́дия, Нача́ток ве́чных благ, животворя́щая Си́ла, Исто́чник Освяще́ния, от Него́же вся тва́рь слове́сная же и у́мная укрепля́ема Тебе́ слу́жит и Тебе́ присносу́щное возсыла́ет славосло́вие, я́ко вся́ческая рабо́тна Тебе́. Тебе́ бо хва́лят а́нгели, арха́нгели, престо́ли, госпо́дьствия, нача́ла, вла́сти, си́лы и многоочи́тии херуви́ми. Тебе́ предстоя́т о́крест серафи́ми, шесть кри́л еди́ному, и шесть кри́л еди́ному; и двема́ у́бо покрыва́ют ли́ца своя, двема́ же но́ги, и двема́ лета́юще, взыва́ют еди́н ко друго́му, непреста́нными усты́, немо́лчными славослове́ньми.

Сущий, Владыка Господи, Боже Отче Вседержитель, поклоняемый! Поистине достойно и справедливо и сообразно великолепию святости Твоей Тебя хвалить, Тебя воспевать, Тебя благословлять, Тебе поклоняться, Тебя благодарить, Тебя славить, единого истинно существующего Бога, и Тебе приносить с сердцем сокрушенным и духом смирения это словесное служение наше, ибо Ты даровал нам познание Твоей истины. И кто способен изречь могущество Твое, сделать известными все хвалы Твои, или поведать о всех чудесах Твоих во всякое время? Владыка всех, Господи неба и земли и всего творения, как видимого, так и невидимого, сидящий на престоле славы и взирающий на бездны, безначальный, невидимый, непостижимый, неописуемый, неизменный, Отче Господа нашего Иисуса Христа, великого Бога и Спасителя, надежды нашей, Который есть образ Твоей благости, печать равнообразная, в Самом Себе показывающий Тебя, Отца, Слово живое, Бог истинный, предвечная премудрость, жизнь, освящение, сила, свет истинный, чрез Которого Дух Святой явился, – Дух истины, дар усыновления, залог будущего наследия, начаток вечных благ, животворящая сила, источник освящения, Которым укрепляясь все творение и словесное, и разумное Тебе служит и Тебе воссылает вечное славословие; ибо все подчинено Тебе. Ибо Тебя хвалят Ангелы, Архангелы, Престолы, Господства, Начальства, Власти, Силы и многоокие Херувимы; пред Тобою вокруг стоят Серафимы; шесть крыл у одного и шесть крыл у другого, и двумя они покрывают лица свои, а двумя ноги, и двумя летая, взывают друг к другу не умолкающими устами и в непрестанных славословиях.

Возгласно священник: Побе́дную песнь пою́ще, вопию́ще, взыва́юще и глаго́люще.

Победную песнь воспевая, взывая, восклицая и говоря:

Лик: Свят, свят, свят Госпо́дь Савао́ф, / испо́лнь не́бо и земля́ сла́вы Твоея́; / оса́нна в вы́шних, / благослове́н Гряды́й во и́мя Госпо́дне, / оса́нна в вы́шних.

Свят, свят, свят Господь Саваоф! / Полны небо и земля славою Твоей! / Осанна в вышних! / Благословен Грядущий во имя Господне! / Осанна в вышних!

Священник молится тайно:

С си́ми блаже́нными си́лами, Влады́ко человеколю́бче, и мы́, гре́шнии, вопие́м и глаго́лем: Свят еси́, я́ко вои́стинну, и Пресвя́т, и несть ме́ры Великоле́пию Святы́ни Твоея́, и преподо́бен во всех де́лех Твои́х, я́ко Пра́вдою и Судо́м и́стинным вся наве́л еси́ на ны́: созда́в бо челове́ка, пе́рсть взе́м от земли́, и О́бразом Твои́м, Бо́же, поче́т, положи́л еси́ в раи́ сла́дости, Безсме́ртие Жи́зни и Наслажде́ние ве́чных благ, в соблюде́нии за́поведей Твои́х обеща́в ему́, но преслу́шавша Тебе́, и́стиннаго Бо́га, Созда́вшаго его́, и пре́лестию зми́евою привле́кшася, умерщвле́на же свои́ми прегреше́ньми, изгна́л еси́ его́ пра́ведным Твои́м Судо́м, Бо́же, от рая́ в мiр сей, и отврати́л еси́ в зе́млю, от нея́же взят бысть, устроя́я ему́ е́же от пакибытия́ Спасе́ние, в Саме́м Христе́ Твое́м. Не бо отврати́лся еси́ созда́ния Твоего́ в коне́ц, е́же сотвори́л еси́, Бла́же, ниже́ забы́л еси́ дела́ рук Твои́х, но посети́л еси́ многообра́зне, ра́ди Милосе́рдия Ми́лости Твоея́. Проро́ки посла́л еси́, сотвори́л еси́ си́лы святы́ми Твои́ми, в ко́емждо ро́де благоугоди́вшими Тебе́. Глаго́лал еси́ нам усты́ раб Твои́х проро́ков, предвозвеща́я нам хотя́щее бы́ти Спасе́ние. Зако́н дал еси́ в по́мощь, а́нгелы поста́вил еси́ храни́тели. Егда́ же прии́де Исполне́ние време́н, глаго́лал еси́ нам Саме́м Сы́ном Твои́м, И́мже и ве́ки сотвори́л еси́, И́же Сый Сия́ние Сла́вы Твоея́ и Начерта́ние Ипоста́си Твоея́, нося́ же вся Глаго́лом Си́лы Своея́, не хище́ние непщева́ е́же бы́ти ра́вен Тебе́, Бо́гу и Отцу́, но Бог Сый преве́чный, на земли́ яви́ся и челове́ком споживе́. И от Де́вы Святы́я вопло́щся, истощи́ Себе́, зра́к раба́ прие́м, сообра́зен быв те́лу смире́ния на́шего, да нас сообра́зны сотвори́т О́бразу Сла́вы Своея́. Поне́же бо челове́ком грех вни́де в мiр и грехо́м смерть, благоволи́ Единоро́дный Твой Сын, Сый в не́дрех Тебе́, Бо́га и Отца́, быв от жены́, Святы́я Богоро́дицы и Присноде́вы Мари́и, быв под зако́ном, осуди́ти грех во пло́ти Свое́й, да во Ада́ме умира́юще, оживотворя́тся в Саме́м Христе́ Твое́м. И пожи́в в мiре сем, дав повеле́ния спаси́тельная, отста́вив нас пре́лести и́дольския, приведе́ в Позна́ние Тебе́, и́стиннаго Бо́га и Отца́, стяжа́в нас Себе́, лю́ди избра́нны, царское свяще́ние, язы́к свят. И очи́стив водо́ю, и освяти́в Ду́хом Святы́м, даде́ Себе́ Изме́ну сме́рти, в не́йже держи́ми бе́хом, про́дани под грехо́м, и соше́д Кресто́м во ад, да испо́лнит Собо́ю вся, разреши́ боле́зни сме́ртныя. И воскре́с в тре́тий день, и Путь сотвори́в вся́кой пло́ти к Воскресе́нию из ме́ртвых, зане́ не бя́ше мо́щно держи́му бы́ти тле́нием Нача́льнику Жи́зни, бысть Нача́ток уме́рших, перворожде́н из ме́ртвых, да бу́дет Сам вся, во всех пе́рвенствуяй. И возше́д на небеса́, се́де одесну́ю Вели́чествия Твоего́ на высо́ких, и́же и прии́дет возда́ти кому́ждо по дело́м его́. Оста́ви же нам воспоминания спаси́тельнаго Своего́ страда́ния сия́, я́же предложи́хом по Его́ за́поведем. Хотя́ бо изы́ти на во́льную и приснопа́мятную, и животворя́щую Свою́ сме́рть, в но́щь, в ню́же предая́ше Себе́ за Живо́т мiра, прие́м хлеб на свя́тыя Своя́ и пречи́стыя ру́ки, показа́в Тебе́, Бо́гу и Отцу́, благодари́в, благослови́в, освяти́в, преломи́в,

С этими блаженными Силами, Владыка человеколюбец, и мы, грешные взываем и говорим: поистине Свят Ты и пресвят, и нет меры великолепию святости Твоей, и прав во всех делах Твоих; ибо по справедливости и по истинному суду Ты все навел на нас. Ибо создав человека, взяв прах от земли, и почтив его образом Твоим, Боже, Ты поместил его в раю сладостном, бессмертие жизни и наслаждение вечными благами при соблюдении заповедей Твоих обещав ему; но ослушавшегося Тебя, истинного Бога, создавшего его, и обольщением змия увлеченного и умерщвленного его собственными согрешениями, Ты изгнал его по праведному суду Твоему, Боже, из рая в этот мир и возвратил в землю из которой он был взят, устраивая ему спасение чрез возрождение в Самом Христе Твоем. Ибо Ты не отвратился до конца от создания Твоего, которое сотворил Ты, благой, и не забыл творения рук Твоих, но многообразно посещал по благосердию милости Твоей. Ты послал пророков, совершил чудеса через святых Твоих, в каждом роде благоугодивших Тебе; говорил нам устами рабов Твоих пророков, предвозвещая нам грядущее спасение; закон дал в помощь, поставил Ангелов хранителями. Когда же пришла полнота времен, Ты говорил нам в Самом Сыне Твоем, Которым Ты и века сотворил. Он, будучи сиянием славы Твоей и образом Ипостаси Твоей и держа все словом силы Своей, не считал хищением быть равным Тебе Богу и Отцу, однако, будучи Богом предвечным, на земле явился и общался с людьми и, воплотившись от святой Девы, уничижил Себя Самого, приняв образ раба, сделавшись по виду подобным телу смирения нашего, чтобы и нас сделать подобными образу славы Своей. Ибо так как через человека грех вошел в мир и через грех – смерть, то Единородный Сын Твой, сущий в недрах Твоих, Бога и Отца, благоволил, родившись от жены, святой Богородицы и Приснодевы Марии, став под законом, осудить грех во плоти своей, чтобы умирающие во Адаме были оживотворены в Самом Христе Твоем; и пожив в этом мире, дав повеления спасительные, избавив нас от идольского заблуждения, привел нас к познанию Тебя, истинного Бога и Отца, приобретя нас Себе в народ особенный, царственное священство, род святой, и очистив нас водою и освятив Духом Святым, взамен предал Себя на смерть, которой мы удерживались, проданные под власть греха; и чрез Крест сойдя во ад, чтобы наполнить Собою все, прекратил муки смерти; и воскреснув в третий день и проложив путь всякой плоти к воскресению из мертвых, – так как невозможно было Начальнику жизни быть удержанным тлением, – сделался начатком умерших, первородным из мертвых, чтобы быть Ему во всем между всеми первым; и взойдя на небеса воссел по правую руку Величия Твоего на высотах, – Он и придет воздать каждому по делам его. Но оставил Он нам эти воспоминания спасительного Своего страдания, – то, что мы предложили пред Тобою по Его заповедям. Ибо намереваясь выйти на добровольную, и вечно памятную, и животворящую Свою смерть, в ту ночь, в которую Он предавал Себя за жизнь мира, взяв хлеб в Свои святые и пречистые руки и показав Тебе Богу и Отцу, благодарив, благословив, освятив, преломив.

Возвышая голос: Даде́ святы́м Свои́м ученико́м и апо́столом, рек: приими́те, яди́те, Сие́ есть Те́ло Мое́, Е́же за вы ломи́мое, во Оставле́ние грехо́в.

Дал святым Своим ученикам и апостолам, сказав: Возьмите, вкусите, это – Тело Мое, за вас преломляемое для отпущения грехов.

Лик: Ами́нь.

Священник тайно: Подо́бне и ча́шу от плода́ ло́знаго прие́м, раствори́в, благодари́в, благослови́в, освяти́в,

Подобным образом взяв и чашу и растворив в ней плод виноградной лозы, благодарив, благословив, освятив.

И вновь возглашает: Даде́ святы́м Свои́м ученико́м и апо́столом, рек: пи́йте от Нея́ вси, Сия́ есть Кровь Моя́ Но́ваго заве́та, Я́же за вы и за мно́ги излива́емая во Оставле́ние грехо́в.

Дал святым Своим ученикам и апостолам, сказав: Пейте из нее все, это – Кровь Моя Нового Завета, за вас и за многих изливаемая для отпущения грехов.

Лик: Ами́нь.

Священник, склонив главу, молится тайно:

Сие́ твори́те в Мое́ воспомина́ние: ели́жды бо а́ще я́сте Хлеб Сей и Ча́шу Сию́ пие́те, Мою́ сме́рть возвеща́ете, Мое́ Воскресе́ние испове́даете. Помина́юще у́бо, Влады́ко, и мы́ спаси́тельная Его́ страда́ния, животворя́щий Крест, тридне́вное Погребе́ние, е́же из ме́ртвых Воскресе́ние, е́же на небеса́ Возше́ствие, е́же одесну́ю Тебе́, Бо́га и Отца́, Седе́ние, и сла́вное, и стра́шное Его́ второ́е Прише́ствие.

Делайте это в воспоминание обо Мне; ибо всякий раз, когда вы едите этот Хлеб и пьете эту Чашу, Мою смерть возвещаете, Мое воскресение исповедуете. Так и мы, Владыка, воспоминая спасительные Его страдания, животворящий крест, трехдневное погребение, из мертвых воскресение, на небеса восшествие, по правую руку от Тебя Бога и Отца сидение, и славное и страшное Его второе пришествие.

Священник: Твоя́ от Твои́х Тебе́ принося́ще о всех и за вся.

Лик: Тебе́ пое́м, / Тебе́ благослови́м, / Тебе́ благодари́м, Го́споди, / и мо́лим Ти ся, Бо́же наш.

Священник приклонив главу, молится тайно:

Сего́ ра́ди, Влады́ко Пресвяты́й, и мы, гре́шнии и недосто́йнии раби́ Твои́, сподо́бльшиися служи́ти свято́му Твоему́ Же́ртвеннику, не ра́ди правд на́ших, не бо сотвори́хом что́ бла́го на земли́, но ра́ди Ми́лости Твоея́ и щедро́т Твои́х, я́же излия́л еси́ бога́тно на ны, дерза́юще приближа́емся свято́му Твоему́ Же́ртвеннику. И предло́жше вместообра́зная свята́го Те́ла и Кро́ве Христа́ Твоего́, Тебе́ мо́лимся, и Тебе́ призыва́ем, Свя́те святы́х, Благоволе́нием Твоея́ бла́гости приити́ Ду́ху Твоему́ Свято́му на ны и на предлежа́щия Да́ры сия́, и благослови́ти я́, и освяти́ти, и показа́ти.

Поэтому, Владыка всесвятой, и мы, грешные и недостойные рабы Твои, удостоенные служить святому Твоему жертвеннику, не за праведность нашу, – ибо мы не сделали ничего доброго на земле, – но по милостям Твоим и состраданию Твоему, которые Ты излил обильно на нас, дерзаем приближаться к святому Твоему жертвеннику, и предложив отображения святого Тела и Крови Христа Твоего, Тебе молимся и Тебя призываем, Святой из Святых, чтобы по благоволению Твоей благости Святой Дух Твой пришел на нас и на эти предлежащие дары, и благословил их, и освятил, и показал.

Диакон подходит к священнику, и оба поклоняются трижды пред святым престолом, молясь в себе и говоря:

Священник: Го́споди, и́же Пресвята́го Твоего́ Ду́ха в тре́тий час Апо́столом Твои́м низпосла́вый, Того́, Благи́й, не отыми́ от нас, но обнови́ нас, моля́щих Ти ся.

Господи, Пресвятого Твоего Духа в третий час Апостолам Твоим ниспославший, Его, Благой, не отними от нас, но обнови в нас, молящих Тебя.

Диакон стих: Се́рдце чи́сто сози́жди во мне, Бо́же, и дух прав обнови́ во утро́бе мое́й.

Сердце чистое сотвори во мне, Боже, и Дух Правый обнови внутри меня.

Священник: Го́споди, и́же Пресвята́го Твоего́ Ду́ха:

Господи, Пресвятого Твоего Духа:

Диакон стих: Не отве́ржи мене́ от лица́ Твоего́, и Ду́ха Твоего́ Свята́го не отыми́ от мене́.

Не отринь меня от лица Твоего и Духа Твоего Святого не отними от меня.

Священник: Го́споди, и́же Пресвята́го Твоего́ Ду́ха:

Таже главу приклонив диакон, показует орарем святый хлеб, и глаголет тихим гласом:

Благослови́, влады́ко, святы́й хлеб.

Затем диакон, указывая орарем на святой хлеб, говорит тихим голосом:

Хлеб у́бо сей, са́мое Честно́е Те́ло Го́спода и Бо́га и Спа́са на́шего Иису́са Христа́.

Хлеб сей – Самым драгоценным Телом Господа, и Бога, и Спасителя нашего Иисуса Христа.

Диакон: Ами́нь.

Диакон: Благослови́, влады́ко, святу́ю ча́шу.

Священник же благословляя глаголет: Ча́шу же сию́, са́мую Честну́ю Кровь Го́спода и Бо́га и Спа́са на́шего Иису́са Христа́.

Чашу же сию – Самой драгоценной Кровью Господа, и Бога, и Спасителя нашего Иисуса Христа.

Диакон: Ами́нь.

Священник: Излия́нную за Живо́т мiра.

Пролитою за жизнь мира.

Диакон: Ами́нь.

Диакон глаголет: Благослови́, влады́ко, обоя́.

Священник: Преложи́в Ду́хом Твои́м Святы́м.

Диакон: Ами́нь, ами́нь, ами́нь.

Диакон: Помяни́ мя, святы́й влады́ко, гре́шнаго.

Священник же молится:

Нас же всех, от еди́наго хле́ба и ча́ши причаща́ющихся, соедини́ друг ко дру́гу, во еди́наго Ду́ха Свята́го прича́стие. И ни еди́наго нас в суд или́ во осужде́ние сотвори́ причасти́тися свята́го Те́ла и Кро́ве Христа́ Твоего́, но да обря́щем Ми́лость и Благода́ть со все́ми святы́ми, от ве́ка Тебе́ благоугоди́вшими, пра́отцы, отцы́, патриа́рхи, проро́ки, апо́столы, пропове́дники, благове́стники, му́ченики, испове́дники, учи́тельми и со вся́ким ду́хом пра́ведным, в ве́ре сконча́вшимся.

Нас же, всех, от одного Хлеба и одной Чаши причащающихся, соедини друг со другом в общении единого Духа Святого, и сделай, чтобы никто из нас не причастился святого Тела и Крови Христа Твоего в суд или в осуждение, но чтобы нам обрести милость и благодать со всеми святыми, от века благоугодившими Тебе: праотцами, отцами, патриархами, пророками, апостолами, проповедниками, благовестниками, мучениками, исповедниками, учителями и всяким духом праведным, в вере скончавшимся.

И взяв кадило, священник возглашает:

Изря́дно о Пресвяте́й, Пречи́стей, Преблагослове́нней, Сла́вней Влады́чице на́шей Богоро́дице и Присноде́ве Мари́и.

Особенно же со пресвятой, пречистой, преблагословенной славной Владычицей нашей Богородицей и Приснодевой Марией.

Лик поет: О Тебе́ ра́дуется, Благода́тная вся́кая тварь, / А́нгельский собор и челове́ческий род, / освяще́нный Хра́ме и Раю́ слове́сный, / девственная Похвало́, из Нея́же Бог воплоти́ся, и Младе́нец бысть, / пре́жде век Сый Бог наш: / ложесна́ бо Твоя́ Престо́л сотвори́ / и чре́во Твое́ простра́ннее небе́с соде́ла. / О Тебе́ ра́дуется, Благода́тная, вся́кая тварь, сла́ва Тебе́.

О Тебе радуется, Благодатная, всё творение: / Ангельский сонм и человеческий род. / Ты — освященный храм и рай духовный, / слава девства, от Которой Бог воплотился и Младенцем стал / – прежде всех веков Существующий Бог наш. / Ибо недра Твои Он в престол обратил / и чрево Твоё обширнее небес соделал. / О Тебе радуется, Благодатная, всё творение, слава Тебе!

Аще ли в Великий Четверток, поем ирмос, глас 6:

Стра́нствия Влады́чня, / и безсме́ртныя Трапе́зы / на го́рнем ме́сте высо́кими умы́, / ве́рнии, прииди́те, наслади́мся, / возше́дша Сло́ва, / от Сло́ва научи́вшеся, Его́же велича́ем.

В Великую Субботу, поем ирмос, глас 6:

Не рыда́й Мене́, Ма́ти, / зря́щи во гро́бе, / Его́же во чре́ве без се́мене зачала́ еси́ Сы́на: / воста́ну бо и просла́влюся / и вознесу́ со Сла́вою непреста́нно, я́ко Бог, / ве́рою и любо́вию Тя велича́ющия.

Иерей же склонившись молится:

Свята́го Иоа́нна Проро́ка, Предте́чи и Крести́теля, святы́х и всехва́льных Апо́стол, свята́го имярек, его́же и па́мять соверша́ем, и всех святы́х Твои́х, и́хже моли́твами посети́ нас,Бо́же, и помяни́ всех пре́жде усо́пших о наде́жди воскресе́ния жи́зни ве́чныя.

Со святым Иоанном, пророком, Предтечей и Крестителем, святыми славными и всехвальными апостолами, со святыми (имена их), чью память мы и совершаем, и со всеми святыми Твоими, по молитвам которых посети нас, Боже. И вспомни всех, усопших в надежде воскресения и жизни вечной рабов Твоих:

Здесь священник поминает кого хочет – живых и усопших. О живых говорит:

О спасе́нии, посеще́нии, оставле́нии грехо́в рабо́в Бо́жиих имярек.

О умерших же глаголет:

О поко́и и оставле́нии грехо́в душ раб Твои́х имярек, на Ме́сте све́тле, отону́дуже отбеже́ печа́ль и воздыха́ние, упоко́й, Бо́же наш, и поко́й их, иде́же присеща́ет Свет Лица́ Твоего́.

О упокоении душ и отпущении грехов рабов Твоих (имена). В месте светлом, откуда отошли скорбь и стенание, упокой их, Боже наш.

Затем глаголет:

Еще́ мо́лим Ти ся, помяни́, Го́споди, святу́ю Твою́ собо́рную и апо́стольскую Це́рковь, ю́же от коне́ц да́же до коне́ц вселе́нныя, и умири́ ю́, ю́же назда́л еси́ честно́ю Кро́вию Христа́ Твоего́, и святы́й храм сей утверди́ да́же до сконча́ния ве́ка.

Ещё молим Тебя: вспомни, Господи, святую Твою соборную и апостольскую Церковь, существующую от концов до концов вселенной, и умиротвори её, которую Ты приобрел драгоценной кровью Христа Твоего, и святой храм сей утверди до кончины века.

Помяни́, Го́споди, и́же да́ры сия́ Тебе́ прине́сших, и о ни́хже, и и́миже, и за ни́хже сия́ принесо́ша.

Вспомни, Господи, принесших Тебе эти дары и тех, о ком и через кого и за кого они принесли их.

Помяни́, Го́споди, плодонося́щих и добротворя́щих во святы́х Твои́х це́рквах, и помина́ющих убо́гия: возда́ждь им бога́тыми Твои́ми и небе́сными Дарова́нии, да́руй им вме́сто земны́х Небе́сная, вме́сто вре́менных Ве́чная, вме́сто тле́нных Нетле́нная.

Вспомни, Господи, приносящих пожертвования и творящих доброе во святых Твоих церквах, и помнящих о бедных; воздай им Твоими богатыми и небесными дарами, даруй им вместо земного – небесное, вместо временного – вечное, вместо тленного – нетленное.

Помяни́, Го́споди, и́же в пусты́нях и гора́х, и верте́пех, и про́пастех земны́х.

Вспомни, Господи, находящихся в пустынях, и горах, и пещерах, и ущельях земли.

Помяни́, Го́споди, и́же в де́встве и благогове́нии, и по́стничестве, и в чи́стем жи́тельстве пребыва́ющих.

Вспомни, Господи, пребывающих в девстве и благоговении и подвижничестве и чистой жизни.

Помяни́, Го́споди, богохрани́мую страну́ на́шу Росси́йскую и ве́рныя лю́ди ея́, да́руй нам глубо́кий и неотъе́млемый мир, возглаго́ли в сердца́х всех, и́же во вла́сти суть, блага́я о Це́ркви Твоея́ и всех лю́дех Твои́х, да в тишине́ их ти́хое и безмо́лвное житие́ поживе́м во вся́ком благоче́стии и чистоте́.

Вспомни, Господи, богохранимую страну нашу Российскую и верный народ её, даруй нам глубокий и нерушимый мир, внуши сердцам всех, стоящих у власти, благое о Церкви Твоей и всём народе Твоём, чтобы в тишине их проводить нам спокойную и безмятежную жизнь во всяком благочестии и чистоте.

Помяни́, Го́споди, вся́кое нача́ло и власть, и и́же в пала́те бра́тию на́шу и все во́инство. Бла́гия во бла́гости соблюди́, лука́выя благи́ми сотвори́ Бла́гостию Твое́ю.

Вспомни, Господи, всякое начальство и власть, и находящихся на службе братьев наших и все воинство; добрых сохрани по благости Твоей, злых соделай добрыми по доброте Твоей.

Помяни́, Го́споди, предстоя́щия лю́ди, и ра́ди благосло́вных вин оста́вльшихся, и поми́луй их и нас по мно́жеству ми́лости Твоея́: сокро́вища их испо́лни вся́каго бла́га, супру́жества их в ми́ре и единомы́слии соблюди́, младе́нцы воспита́й, ю́ность наста́ви, ста́рость поддержи́, малоду́шныя уте́ши, расточе́нныя собери́, прельще́нныя обрати́, и совокупи́ святе́й Твое́й собо́рней и апо́стольстей Це́ркви.

Вспомни, Господи, предстоящий народ и по важным причинам отсутствующих и помилуй их и нас по множеству милости Твоей; кладовые их наполни всяким добром, супружества их в мире и единомыслии сохрани, младенцев воспитай, юность наставь, старость поддержи, малодушных утешь, рассеянных собери, заблудших обрати и соедини со святою Твоей соборной и апостольской Церковью

Стужа́емыя от духо́в нечи́стых свободи́, пла́вающим спла́вай, путеше́ствующим сше́ствуй, вдови́цам предста́ни, си́рых защити́, плене́нныя изба́ви, неду́гующия исцели́. На суди́щи, и в руда́х, и в заточе́ниих, и в го́рьких рабо́тах, и вся́кой ско́рби, и ну́жде, и обстоя́нии су́щих.

Мучимых духами нечистыми освободи, плавающих сопровождай, путешествующим сопутствуй, вдовам покровительствуй, сирот защити, пленных избавь, больных исцели. Находящихся на суде, и в рудниках, и в изгнании, и на горьких работах, и во всякой скорби, и нужде, и беде.

Помяни́, Бо́же, и всех тре́бующих вели́каго Твоего́ Благоутро́бия и лю́бящих нас, и ненави́дящих, и запове́давших нам, недосто́йным, моли́тися о них, и вся лю́ди Твоя́ помяни́, Го́споди Бо́же наш, и на вся изле́й бога́тую Твою́ ми́лость, всем подая́ я́же ко Спасе́нию проше́ния.

Вспомни, Господи, и всех, нуждающихся в великом Твоем милосердии, и любящих нас, и ненавидящих, и поручивших нам недостойным молиться за них. И весь народ Твой вспомни, Господи Боже наш, и на всех излей обильную Твою милость, подавая всем просимое ко спасению.

И и́хже мы не помяну́хом, неве́дением, или́ забве́нием, или́ мно́жеством име́н, сам помяни́, Бо́же, ве́дый коего́ждо во́зраст и именова́ние, ве́дый коего́ждо от утро́бы ма́тере его́. Ты бо еси́, Го́споди, По́мощь безпомо́щным, Наде́жда безнаде́жным, обурева́емым Спаси́тель, пла́вающим Приста́нище, неду́гующим Врач. Сам всем вся бу́ди, ве́дый коего́ждо, и Проше́ние его́, Дом и Потре́бу его́.

и тех, кого мы не вспомнили по неведению, или забвению, или из-за множества имен, Сам вспомни, Боже, знающий возраст и именование каждого, знающий каждого от чрева матери его. Ибо Ты, Господи, помощь беспомощных, надежда безнадежных, обуреваемых спаситель, пристань плавающих, врач больных; Сам будь всем для всех, зная каждого, и прошение его, дом и нужду его.

Изба́ви, Го́споди, град сей (или весь сию́, или святу́ю оби́тель сию́), и вся́кий град и страну́ от гла́да, губи́тельства, тру́са, пото́па, огня́, меча́, наше́ствия иноплеме́нных и междоусо́бныя бра́ни.

Избавь, Господи, город сей (или: святую обитель сию) и всякий город и страну от голода, мора, землетрясения, наводнения, огня, меча, нашествия иноплеменников и междоусобной войны.

И возглашает священник:

В пе́рвых помяни́, Го́споди, вели́каго господи́на и отца́ на́шего имярек, Святе́йшаго Патриа́рха Моско́вскаго и всея́ Руси́, и господи́на на́шего преосвяще́ннаго имярек, митрополи́та (или архиепи́скопа, или епи́скопа, егоже есть область), и́хже да́руй святы́м Твои́м це́рквам, в ми́ре, це́лых, честны́х, здра́вых, долгоде́нствующих, пра́во пра́вящих сло́во Твоея́ и́стины.

И среди первых вспомни, Господи, Великого Господина и отца нашего (имя), Святейшего Патриарха Московского и всея Руси и господина нашего (высоко)преосвященнейшего (имя), митрополита (или: архиепископа или: епископа (такого-то – название кафедры), которых даруй святым Твоим церквам в мире, невредимыми, почитаемыми, здравыми, долгоденствующими и правильно преподающими слово Твоей истины.

И лик поет: И всех, и вся.

Священник молится тайно:

Помяни́, Го́споди, вся́кое епи́скопство правосла́вных, пра́во пра́вящих сло́во Твоея́ и́стины.

Вспомни, Господи, всякое епископство православных, правильно преподающее слово Твоей истины.

Помяни́, Го́споди, по мно́жеству щедро́т Твои́х, и мое́ недосто́инство, прости́ ми вся́кое согреше́ние, во́льное же и нево́льное, и да не мои́х ра́ди грехо́в возбрани́ши благода́ти Свята́го Твоего́ Ду́ха от предлежа́щих Даро́в.

Вспомни, Господи, по множеству сострадания Твоего, и моё недостоинство, прости мне всякое согрешение как вольное, так и невольное, и за мои грехи не отведи благодати Святого Твоего Духа от предлежащих Даров.

Помяни́, Го́споди, пресвитерство, е́же во Христе́ диа́конство, и весь свяще́ннический чин, и ни еди́наго же нас посрами́ши, о́крест стоя́щих свята́го Твоего́ Же́ртвенника.

Вспомни, Господи, пресвитерство, во Христе диаконство и весь иной священный чин, и не посрами никого из нас, окружающих святой Твой жертвенник.

Посети́ нас Бла́гостию Твое́ю, Го́споди, яви́ся нам бога́тыми Твои́ми щедро́тами, благорастворе́ны и поле́зны возду́хи нам да́руй, дожди́ ми́рны земли́ ко плодоно́сию да́руй. Благослови́ вене́ц ле́та бла́гости Твоея́, утоли́ раздо́ры церкве́й, угаси́ шата́ния язы́ческая, ерети́ческая воста́ния ско́ро разори́ Си́лою Свята́го Твоего́ Ду́ха. Всех нас приими́ в Ца́рство Твое́, сы́ны Све́та и сы́ны Дне показа́вый, Твой Мир и Твою́ Любо́вь да́руй нам, Го́споди Бо́же наш, вся бо возда́л еси́ нам.

Посети нас в благости Твоей, Господи, явись нам в обильных милостях Твоих; благоприятную и полезную погоду нам подай; дожди тихие земле для плодородия даруй, благослови венец года благости Твоей, Господи; прекрати разделения церквей, угаси ярость язычников, восстания ересей скоро разрушь силою Святого Твоего Духа; всех нас прими в Царство Твое, сынами света и сынами дня показав. Твой мир и Твою любовь даруй нам, Господи Боже наш; ибо Ты всё воздал нам.

Священник: И даждь нам еди́неми усты́ и еди́нем се́рдцем сла́вити и воспева́ти пречестно́е и великоле́пое и́мя Твое́, Отца́, и Сы́на, и Свята́го Ду́ха, ны́не и при́сно, и во ве́ки веко́в.

И дай нам едиными устами и единым сердцем славить и воспевать всесвященное и величественное имя Твое, Отца и Сына и Святого Духа, ныне и всегда, и во веки веков.

Лик: Ами́нь.

Священник, обратившись к Царским вратам и благословляя народ возглашает:

И да бу́дут ми́лости вели́каго Бо́га и Спа́са на́шего Иису́са Христа́ со все́ми ва́ми.

И да будут милости великого Бога и Спасителя нашего Иисуса Христа со всеми вами.

Лик: И со ду́хом твои́м.

Ектения просительная

Диакон: Вся святы́я помяну́вше, па́ки и па́ки ми́ром Го́споду помо́лимся.

Всех святых помянув, снова и снова в мире Господу помолимся.

Лик: Го́споди, поми́луй.

О принесе́нных и освяще́нных Честны́х Даре́х, Го́споду помо́лимся.

О принесенных и освященных святых Дарах Господу помолимся.

Лик: Го́споди, поми́луй.

Я́ко да Человеколю́бец Бог наш, прие́м Я́ во святы́й и пренебе́сный и мы́сленный Свой Же́ртвенник, в воню́ благоуха́ния духо́внаго, возниспо́слет нам Боже́ственную Благода́ть и Дар Свята́го Ду́ха, помо́лимся.

Дабы Человеколюбец Бог наш, приняв их на святой и превысший небес и невещественный Свой жертвенник как аромат благоухания духовного, ниспослал нам Божественную благодать и дар Святого Духа, помолимся.

Лик: Го́споди, поми́луй.

О изба́витися нам от вся́кия ско́рби, гне́ва и ну́жды, Го́споду помо́лимся.

Об избавлении нас от всякой скорби, гнева, [опасности] и нужды Господу помолимся.

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю благода́тию.

Защити, спаси, помилуй и сохрани нас, Боже, Твоею благодатию.

Лик: Го́споди, поми́луй.

Дне всего́ соверше́нна, свя́та, ми́рна и безгре́шна, у Го́спода про́сим.

Дня сего совершенного, святого, мирного и безгрешного у Господа просим.

Лик: Пода́й, Го́споди.

А́нгела ми́рна, ве́рна наста́вника, храни́теля душ и теле́с на́ших, у Го́спода про́сим.

Ангела мира, верного наставника, хранителя душ и тел наших у Господа просим.

Лик: Пода́й, Го́споди.

Проще́ния и оставле́ния грехо́в и прегреше́ний на́ших, у Го́спода про́сим.

Прощения и оставления грехов и согрешений наших у Господа просим.

Лик: Пода́й, Го́споди.

До́брых и поле́зных душа́м нашим, и ми́ра мiрови, у Го́спода про́сим.

Доброго и полезного душам нашим и мира мiру у Господа просим.

Лик: Пода́й, Го́споди.

Про́чее вре́мя живота́ на́шего в ми́ре и покая́нии сконча́ти, у Го́спода про́сим.

Прочее время жизни нашей в мире и покаянии окончить у Господа просим.

Лик: Пода́й, Го́споди.

Христиа́нския кончи́ны живота́ на́шего, безболе́знены, непосты́дны, ми́рны, и до́браго отве́та на стра́шнем суди́щи Христо́ве про́сим.

Христианской кончины жизни нашей безболезненной, непостыдной, мирной, и доброго ответа на Страшном суде Христовом просим.

Лик: Пода́й, Го́споди.

Соедине́ние ве́ры и прича́стие Свята́го Ду́ха испроси́вше, са́ми себе́, и друг дру́га, и весь живо́т наш Христу́ Бо́гу предади́м.

Единства веры и общения Святого Духа испросив, сами себя и друг друга, и всю жизнь нашу Христу Богу предадим.

Лик: Тебе́, Го́споди.

Священник молится тайно

Молитва перед Причащением

Бо́же наш, Бо́же спаса́ти, Ты нас научи́ благодари́ти Тя досто́йно о благодея́ниих Твои́х, и́хже сотвори́л еси́ и твори́ши с на́ми. Ты, Бо́же наш, прие́мый Да́ры сия́, очи́сти нас от вся́кия скве́рны пло́ти и ду́ха, и научи́ соверша́ти святы́ню в стра́се Твое́м, я́ко да чи́стым свиде́тельством со́вести на́шея, прие́млюще ча́сть святы́нь Твои́х, соедини́мся свято́му Те́лу и Кро́ви Христа́ Твоего́. И прие́мше их досто́йне, и́мамы Христа́ живу́ща в сердца́х на́ших, и бу́дем храм Свята́го Твоего́ Ду́ха. Ей, Бо́же наш, и да ни еди́наго же нас пови́нна сотвори́ши, стра́шным Твои́м сим и небе́сным Та́йнам, ниже́ не́мощна душе́ю и те́лом, от е́же недосто́йне сих причаща́тися. Но да́ждь нам да́же до после́дняго на́шего издыха́ния, досто́йне приима́ти часть святы́нь Твои́х в напу́тие жи́зни ве́чныя, во отве́т благоприя́тен, и́же на Стра́шнем Суди́щи Христа́ Твоего́, я́ко да и мы со все́ми святы́ми, от ве́ка Тебе́ благоугоди́вшими, бу́дем причастницы ве́чных Твои́х благ, и́хже угото́вал еси́ лю́бящим Тя, Го́споди.

Боже наш, Боже спасения, Ты научи нас благодарить Тебя достойно за благодеяния Твои, которые Ты совершил и совершаешь для нас; Ты – Бог наш, принявший эти дары, очисти нас от всякой скверны плоти и духа и научи нас проводить святую жизнь в страхе пред Тобою, чтобы с чистым свидетельством совести нашей принимая часть святынь Твоих мы соединились со святым Телом и Кровью Христа Твоего; и, приняв их достойно, имели Христа живущим в сердцах наших и сделались храмом Святого Твоего Духа. Да, Боже наш, соделай же, чтобы никто из нас не был виновен против этих страшных Твоих и небесных Таинств и не стал немощным душою и телом от недостойного причащения их, но дай нам до последнего нашего вздоха достойно принимать часть Святынь Твоих, – в напутствие к жизни вечной, во благоприемлемый ответ на страшном суде Христа Твоего, чтобы и нам со всеми святыми, от века Тебе благоугодившими, стать причастниками вечных Твоих благ, которые Ты приготовил любящим Тебя, Господи.

Священник возглашает: И сподо́би нас, Влады́ко, со дерзнове́нием, неосужде́нно сме́ти призыва́ти Тебе́, Небе́снаго Бо́га Отца́, и глаго́лати.

И удостой нас, Владыка, со дерзновением, не в осуждение иметь смелость призывать Тебя, Небесного Бога, Отца, и возглашать:

Лик: О́тче наш, И́же еси́ на небесе́х, да святи́тся и́мя Твое́, да прии́дет Ца́рствие Твое́, да бу́дет во́ля Твоя́, я́ко на небеси́ и на земли́. Хлеб наш насу́щный да́ждь нам днесь; и оста́ви нам до́лги на́ша, я́коже и мы оставля́ем должнико́м на́шим; и не введи́ нас во искуше́ние, но изба́ви нас от лука́ваго.

Отче наш, Который на небесах! Да святится имя Твоё; да придёт Царство Твоё; да будет воля Твоя и на земле, как на небе; хлеб наш насущный дай нам сегодня; и прости нам долги наши, как и мы прощаем должникам нашим; и не введи нас во искушение, но избавь нас от лукавого.

Священник возглашает: Я́ко Твое́ есть Ца́рство, и си́ла, и сла́ва, Отца́, и Сы́на, и Свята́го Ду́ха, ны́не и при́сно, и во ве́ки веко́в.

Лик: Ами́нь.

Священник: Мир всем.

Лик: И ду́хови твоему́.

Диакон: Главы́ ва́ша Го́сподеви приклони́те.

Лик: Тебе́, Го́споди.

Молитва главопреклонения

Священник молится:

Влады́ко Го́споди, О́тче щедро́т и Бо́же вся́каго утеше́ния, прикло́ньшия Тебе́ своя́ главы́ благослови́, освяти́, соблюди́, укрепи́, утверди́, от вся́каго де́ла лука́ва отста́ви, вся́кому же де́лу благо́му сочета́й, и сподо́би неосужде́нно причасти́тися пречи́стых сих и животворя́щих Твои́х Та́ин, во оставле́ние грехо́в, в Ду́ха Свята́го прича́стие.

Владыка Господи, Отче милосердия и Боже всякого утешения! Склонивших пред Тобою главы свои благослови, освяти, сохрани, укрепи, утверди, от всякого дела злого отведи, а со всяким делом добрым сочетай, и сподоби не в осуждение причаститься этих пречистых и животворящих Твоих Таинств для прощения грехов, для приобщения Духу Святому.

Возглас: Благода́тию, и щедро́тами, и человеколю́бием Единоро́днаго Сы́на Твоего́, с Ни́мже благослове́н еси́, со Пресвяты́м и Благи́м и Животворя́щим Твои́м Ду́хом, ны́не и при́сно, и во ве́ки веко́в.

По благодати, и милосердию, и человеколюбию единородного Сына Твоего, с Которым благословен Ты, со всесвятым и благим и животворящим Твоим Духом, ныне и всегда, и во веки веков.

Лик: Ами́нь.

Священник молится:

Вонми́, Го́споди Иису́се Христе́ Бо́же наш, от свята́го жили́ща Твоего́, и от престо́ла сла́вы Ца́рствия Твоего́, и прииди́ во е́же освяти́ти нас, и́же горе́ со Отце́м седя́й, и зде нам неви́димо спребыва́яй. И сподо́би держа́вною Твое́ю руко́ю препода́ти нам Пречи́стое Те́ло Твое́ и Честну́ю Кровь, и на́ми всем лю́дем.

Внемли, Господи Иисусе Христе, Боже наш, из святого жилища Твоего и с престола Славы Царствия Твоего, и приди, чтобы освятить нас, Ты, на высоте с Отцом восседающий, и здесь с нами невидимо пребывающий. И благоволи могущественной Твоей рукою преподать нам пречистое Тело Твое и драгоценную Кровь, и через нас – всему народу.

Во время чтения этой молитвы диакон, стоя перед Царскими вратами опоясывается орарем крестообразно. Священник же, стоя на своем месте, также как и диакон, поклоняется, говоря тайно трижды: 

Бо́же, очи́сти мя, гре́шнаго, и поми́луй мя.

Закрываются Царские врата завесою.

Диакон: Во́нмем.

Священник, вознося Святый Хлеб, возглашает:

Свята́я святы́м.

Лик: Еди́н свят, / еди́н Госпо́дь, / Иису́с Христо́с, / во сла́ву Бо́га Отца́. Ами́нь.

Таже, причащению совершившуся, священник молится:

Благодари́м Тя, Го́споди Бо́же наш, о причаще́нии святы́х пречи́стых, безсме́ртных и небе́сных Твои́х Та́ин, и́хже дал еси́ нам во благодея́ние, и освяще́ние, и исцеле́ние душ и теле́с на́ших. Сам, Влады́ко всех, даждь бы́ти нам прича́стию свята́го Те́ла и Кро́ве Христа́ Твоего́ в ве́ру непосты́дну, в любо́вь нелицеме́рну, в преумноже́ние прему́дрости, во исцеле́ние души́ и те́ла, во отгна́ние вся́каго сопроти́внаго, в снабде́ние за́поведей Твои́х, во отве́т благоприя́тен, и́же на стра́шнем суди́щи Христа́ Твоего́.

Благодарим Тебя, Господи Боже наш, за причащение святых, пречистых, бессмертных и небесных Твоих Таинств, которые Ты дал нам во благодеяние и освящение и исцеление душ и тел наших. Сам, Владыка всех, соделай, да будет нам приобщение святого Тела и Крови Христа Твоего в веру непостыдную, в любовь нелицемерную, в исполнение мудростью, в исцеление души и тела, в отражение всякого противника, в соблюдение заповедей Твоих, во благоприемлемый ответ на страшном суде Христа Твоего.

И тако отверзаются двери святаго олтаря. И диакон, поклонився единою, приемлет потир с благоговением, и приходит во двери, и вознося святый потир, показует и́ людем, глаголя:

Со стра́хом Бо́жиим и ве́рою приступи́те.

Лик: Благослове́н Гряды́й во и́мя Госпо́дне, Бог Госпо́дь и яви́ся нам.

Таже приступают хотящии причащатися. И идут един по единому, и покланяются со всяцем умилением и страхом, согбенне руце к персем имуще, таже приемлет кийждо Божественныя Тайны. Священник же, причащая его, глаголет:

Причаща́ется раб Бо́жий, имярек, честна́го и свята́го Те́ла и Кро́ве Го́спода и Бо́га и Спа́са на́шего Иису́са Христа́, во оставле́ние грехо́в свои́х и в жизнь ве́чную.

Тогда прием диакон святый дискос верху святаго потира и глаголя воскресныя песни сия:

Воскресе́ние Христо́во ви́девше, / поклони́мся Свято́му Го́споду Иису́су, / еди́ному безгре́шному, /Кресту́ Твоему́ покланя́емся, Христе́, / и свято́е Воскресе́ние Твое́ пое́м и сла́вим: / Ты бо еси́ Бог наш, / ра́зве Тебе́ ино́го не зна́ем, / и́мя Твое́ имену́ем. /Прииди́те вси ве́рнии, / поклони́мся Свято́му Христо́ву Воскресе́нию: / се бо прии́де Кресто́м ра́дость всему́ ми́ру. / Всегда́ благословя́ще Го́спода, /пое́м Воскресе́ние Его́: /распя́тие бо претерпе́в, / сме́ртию смерть разруши́.

Воскресение Христа увидев, поклонимся Святому Господу Иисусу, единому безгрешному. Кресту Твоему поклоняемся, Христе, и Святое Воскресение Твоё поём и славим, потому что Ты – Бог наш, кроме Тебя иного не знаем, имя Твоё призываем. Придите, все верные, поклонимся святому Христову Воскресению, потому что вот, пришла через Крест радость всему миру. Всегда благословляя Господа, воспеваем Воскресение Его, потому что Он, распятие претерпев, смертью смерть сокрушил.

Свети́ся, свети́ся, / но́вый Иерусали́ме: / сла́ва бо Госпо́дня / на тебе́ возсия́. / Лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.

О Па́сха ве́лия и свяще́ннейшая, Христе́! / О Му́дросте, и Сло́ве Бо́жий, и Си́ло! / Подава́й нам и́стее Тебе́ причаща́тися, / в невече́рнем дни Ца́рствия Твоего́.

Отирает святою гу́бою зело добре, со вниманием и благоговением, глаголя словеса сия:

Отмы́й, Го́споди, грехи́ помина́вшихся зде́ Кро́вию Твое́ю Честно́ю, моли́твами святы́х Твои́х.

Священник же благословляет люди, возглашая:

Спаси́, Бо́же, лю́ди Твоя́, и благослови́ достоя́ние Твое́.

Лик же поет: Ви́дехом Свет и́стинный, / прия́хом Ду́ха Небе́снаго, / обрето́хом ве́ру и́стинную, / неразде́льней Тро́ице покланя́емся, / Та бо нас спасла́ есть.

И обращается священник ко святей трапезе и кадит трижды, глаголя в себе:

Вознеси́ся на Небеса́, Бо́же, и по всей земли́ сла́ва Твоя́.

Священник же, поклонився, и прием святый потир, и обращся ко дверем, зря на люди, глаголет тайно:

Благослове́н Бог наш:

И возгласно:

Всегда́, ны́не и при́сно, и во ве́ки веко́в.

Лик: Ами́нь.

Да испо́лнятся уста́ на́ша / хвале́ния Твоего́ Го́споди, / я́ко да пое́м сла́ву Твою́, / я́ко сподо́бил еси́ нас причасти́тися / Святы́м Твои́м, Боже́ственным, безсме́ртным и животворя́щим Та́йнам, / соблюди́ нас во Твое́й Святы́ни / весь день поуча́тися пра́вде Твое́й. / Аллилу́иа, аллилу́иа, аллилу́иа.

Да наполнятся уста наши / хвалою Тебе, Господи, / дабы нам воспевать Славу Твою, / ибо Ты удостоил нас причаститься / святых Твоих, божественных, бессмертных и животворящих Таинств. / Сохрани нас во Твоем освящении, / дабы весь день размышлять нам о правде Твоей. / Аллилуия, аллилуия, аллилуия.

И изшед диакон северною дверию, и став на обычном месте, глаголет:

Про́сти прии́мше Боже́ственных, святы́х, пречи́стых, безсме́ртных, небе́сных и животворя́щих, стра́шных Христо́вых Та́ин, досто́йно благодари́м Го́спода.

Приняв божественные, святые, пречистые, бессмертные, небесные и животворящие, страшные Христовы Таинства, достойно возблагодарим Господа!

Лик: Го́споди, поми́луй.

Заступи́, спаси́, поми́луй и сохрани́ нас, Бо́же, Твое́ю Благода́тию.

Лик: Го́споди, поми́луй.

День весь соверше́н, свят, ми́рен и безгре́шен испроси́вше, са́ми себе́ и друг дру́га, и весь живо́т наш Христу́ Бо́гу предади́м.

Лик: Тебе́, Го́споди.

Священник возглашает:

Я́ко Ты еси́ освяще́ние на́ше, и Тебе́ сла́ву возсыла́ем, Отцу́,и Сы́ну, и Свято́му Ду́ху, ны́не и при́сно, и во ве́ки веко́в.

Лик: Ами́нь.

Иерей: С ми́ром изы́дем.

Лик: О и́мени Госпо́дни.

Диакон: Го́споду помо́лимся.

Лик: Го́споди, поми́луй.

Молитва заамвонная, возглашаемая от священника:

Благословля́яй благословя́щия Тя, Го́споди, и освяща́яй на Тя упова́ющия, спаси́ лю́ди Твоя́, и благослови́ достоя́ние Твое́, исполне́ние Це́ркве Твоея́ сохрани́, освяти́ лю́бящия благоле́пие до́му Твоего́: Ты те́х воспросла́ви Боже́ственною Твое́ю си́лою, и не оста́ви нас, упова́ющих на Тя. Мир мiрови Твоему́ да́руй, це́рквам Твои́м, свяще́нником, во́инству и всем лю́дем Твои́м. Я́ко вся́кое дая́ние бла́го, и всяк дар соверше́н свы́ше есть, сходя́й от Тебе́ Отца́ све́тов, и Тебе́ сла́ву, и благодаре́ние, и поклоне́ние возсыла́ем, Отцу́, и Сы́ну, и Свято́му Ду́ху, ны́не и при́сно, и во ве́ки веко́в.

 Господи, благословляющий благословляющих Тебя, и освящающий на Тебя уповающих! Спаси народ Твой и благослови наследие Твое, полноту Церкви Твоей сохрани, освяти любящих благолепие дома Твоего! Ты их прославь божественной Твоею силою, и не оставь нас, надеющихся на Тебя. Даруй мир миру Твоему, церквам Твоим, священникам, воинству и всему народу Твоему. Ибо всякое даяние доброе и всякий дар совершенный свыше есть, нисходя от Тебя, Отца светов, и Тебе славу, и благодарение, и поклонение воссылаем, Отцу и Сыну и Святому Духу, ныне и всегда, и во веки веков.

Лик: Ами́нь.

Молитва, внегда потребити святая:

Испо́лнися и соверши́ся ели́ко по на́шей си́ле, Христе́ Бо́же наш, Твоего́ Смотре́ния та́инство. Име́ем бо сме́рти Твоея́ па́мять, ви́дехом воскресе́ния Твоего́ о́браз, напо́лнихомся безконе́чныя Твоея́ Жи́зни, наслади́хомся неистоща́емыя Твоея́ Пи́щи, Ея́же и в бу́дущем ве́це всем нам сподо́битися благоволи́, Благода́тию безнача́льнаго Твоего́ Отца́, и Свята́го и блага́го и животворя́щаго Твоего́ Ду́ха, ны́не и при́сно, и во ве́ки веко́в. Ами́нь.

Исполнилось и совершилось, насколько это в нашей силе, Христе Боже наш, Твоего домостроительства Таинство: ибо мы стяжали о смерти Твоей память, видели воскресения Твоего образ, преисполнились бесконечной Твоей жизнью, вкусили неистощимого Твоего блаженства, которого и в грядущем веке всех нас удостоиться благоволи, по благодати безначального Отца, и Святого и благого и животворящего Твоего Духа, ныне и всегда, и во веки веков.

Таже: Бу́ди и́мя Госпо́дне: трижды.

И псалом 33: Благословлю́ Го́спода:

Благословлю Господа на всякое время, / выну хвала Его во устех моих. / О Господе похвалится душа моя, / да услышат кротцыи и возвеселятся. / Возвеличите Господа со мною / и вознесем имя Его вкупе. / Взысках Господа и услыша мя, / и от всех скорбей моих избави мя. / Приступите к Нему и просветитеся, / и лица ваша не постыдятся. / Сей нищий воззва, и Господь услыша и, / и от всех скорбей eго спасе и. / Ополчится Ангел Господень окрест боящихся Его, / и избавит их. / Вкусите и видите, яко благ Господь; / блажен муж, иже уповает Нань. / Бойтеся Господа, вси святии Его, / яко несть лишения боящимся Его. / Богатии обнищаша и взалкаша, / взыскающии же Господа не лишатся всякаго блага. / Приидите, чада, послушайте мене, / страху Господню научу вас. / Кто есть человек хотяй живот, / любяй дни видети благи? / Удержи язык твой от зла, / и устне твои, еже не глаголати льсти. / Уклонися от зла, и сотвори благо. / Взыщи мира, и пожени и. / Очи Господни на праведныя, / и уши Его в молитву их. / Лице же Господне на творящия злая, / еже потребити от земли память их. / Воззваша праведнии, и Господь услыша их, / и от всех скорбей их избави их. / Близ Господь сокрушенных сердцем, / и смиренныя духом спасет. / Многи скорби праведным, / и от всех их избавит я Господь. / Хранит Господь вся кости их, / ни едина от них сокрушится. / Смерть грешников люта, / и ненавидящии праведнаго прегрешат. / Избавит Господь душы раб Своих, / и не прегрешат вси, уповающии на Него.

Буду благословлять Господа во всякое время, / хвала Ему всегда на устах моих. / В Господе восхвалится душа моя, – / да услышат кроткие и возвеселятся. / Возвеличьте Господа со мною / и вознесём имя Его вместе. / Я взыскал Господа, и Он услышал меня, / и от всех скорбей моих избавил меня. / Придите к Нему и просветитесь, / и лица ваши не постыдятся. / Этот нищий воззвал, и Господь услышал его, / и от всех скорбей его спас его. / Ополчится Ангел Господень вокруг боящихся Его / и избавит их. / Вкусите, и увидите, что благ Господь, – / блажен муж, который уповает на Него. / Бойтесь Господа, все святые Его, / ибо нет недостатка у боящихся Его. / Богатые обнищали и стали голодать, / а ищущие Господа не потерпят нужды ни в каком благе. / Придите, дети, послушайте меня, / страху Господню научу вас. / Кто – человек, желающий жить, / кто хочет увидеть добрые дни? / Удержи язык свой от зла / и уста свои от коварных речей. / Уклонись от зла и сотвори добро, / взыщи мира и устремись к нему: / очи Господни – на праведных, / и уши Его – к молитве их; / но лицо Господне – на творящих зло, / чтобы истребить с земли память о них. / Воззвали праведные – и Господь услышал их, / и от всех скорбей их избавил их. / Близко Господь к сокрушённым сердцем / и смиренных духом спасёт. / Много скорбей у праведных – / и от всех их избавит их Господь. / Хранит Господь все кости их, / ни одна из них не сокрушится. / Смерть грешников зла, / и ненавидящие праведного погрешат. / Избавит Господь души рабов Своих, / и не погрешат все, уповающие на Него.

Зри. Диакон же, вшед северною страною, потребляет Святая со страхом, и со всяким утверждением.

Священник же изшед, дает людем антидор. По скончании же псалма, и раздаянии антидора, глаголет:

Благослове́ние Госпо́дне на ва́с, Того́ благода́тию и человеколю́бием, всегда́, ны́не и при́сно, и во ве́ки веко́в.

Лик: Ами́нь.

Священник: Сла́ва Тебе́, Христе́ Бо́же, упова́ние на́ше, сла́ва Тебе́.

Лик: Сла́ва, и ны́не: Го́споди, поми́луй, трижды. Благослови́.

Священник глаголет отпуст.

Аще убо есть неделя:

Воскресы́й из ме́ртвых:

Аще ли же ни:

Христо́с, и́стинный Бог наш, моли́твами Пречи́стыя Своея́ Ма́тере (и прочая), и́же во святы́х отца́ на́шего Васи́лия Вели́каго, архиепископа Кесари́и Каппадоки́йския, и (святаго имярек, егоже есть храм и его же есть день), и всех святы́х, поми́лует и спасе́т нас, я́ко благ и человеколю́бец.

Христос, истинный Бог наш, по молитвам Пречистой Своей Матери, святых славных и всехвальных Апостолов, святых (имена святых храма и дня), святого отца нашего Василия Великого, архиепископа Кесарии Каппадокийской, святых праведных богоотцов Иоакима и Анны и всех святых, помилует и спасёт нас, как Благой и Человеколюбец.

Великаго господина и отца нашего имярек, / Святейшаго Патриарха Московскаго и всея Руси, / и господина нашего преосвященнейшаго имярек, / митрополита (или архиепископа, или епископа егоже есть область), / богохранимую страну нашу Российскую, / настоятеля, братию и прихожан святаго храма сего, / и вся православныя христианы, / Господи, сохрани их на многая лета.

Великого господина и отца нашего (имя), / Святейшего Патриарха Московского и всея Руси, / и господина нашего преосвященнейшего (имя), / митрополита (или: архиепископа, или: епископа, – название кафедры), / богохранимую страну нашу Российскую, / настоятеля, братию и прихожан святого храма сего (или: игумена с братией святой обители сей) / и всех православных христиан, / Господи, сохрани на многие лета.

Многолетие

Лик: Великаго господина и отца нашего имярек, / Святейшаго Патриарха Московскаго и всея Руси, / и господина нашего преосвященнейшаго имярек, / митрополита (или архиепископа, или епископа егоже есть область), / богохранимую страну нашу Российскую, / настоятеля, братию и прихожан святаго храма сего, / и вся православныя христианы, / Господи, сохрани их на многая лета.

Великого господина и отца нашего (имя), / Святейшего Патриарха Московского и всея Руси, / и господина нашего преосвященнейшего (имя), / митрополита (или: архиепископа, или: епископа, – название кафедры), / богохранимую страну нашу Российскую, / настоятеля, братию и прихожан святого храма сего (или: игумена с братией святой обители сей) / и всех православных христиан, / Господи, сохрани на многие лета.

Подпишитесь на email-рассылку 
Богослужения Великого поста с журналом «Фома»

В течение всего Великого поста 2026 года на сайте журнал «Фома» будут регулярно выходить специальные материалы о главном сокровище поста — богослужении. Подробно расскажем о структуре и символике великопостных служб. Предоставим тексты последований всех главных служб Великого поста. Чтобы присутствовать на богослужениях с пониманием происходящего и не пропустить новые разборы, подпишитесь на специальную email-рассылку:

E-mail