Фото https://www.flickr.com/photos/spbpda/13925181746/in/photolist-ndwcos-nfypqM-nWEi2C-ndvYqu-9C1U6u-ndvCL8-nfy37n-ndsD1C-ndvBLy-nfBiEb-ndwu9C-7PXQWQ-9BUy1V-nfvjJ6-9BZz5x-nfvjTz-9BV7Tg-ndsAgV-ne1h81-9zGqV3-nfz8Tv-nfAxQN-nfAdim-egMEbm-ndvN5o-nfAmtj-7QCpRB-ndvxTy-ndsCSs-9BUKXT-nfv4it-ekD2u4-ndvycj-nfAT3A-nfz2vT-nfyPvR-nWEu9q-nfAtbN-ndszid-ndwnv6-ndvmE1-nfBf2u-ndsA5s-9C22cY-nfAU29-ndsAN7-3KbRv1-9C35mU-7Qqki4-ndsAy9

Часы Пасхи

Молитвами святых отцев наших, Господи Иисусе Христе, помилуй нас. Аминь.

Тропарь:

Христос воскре́се из ме́ртвых, сме́ртию смерть попра́в, и су́щим во гробе́х живот дарова́в. (Трижды)

Воскресение Христово видевше, поклони́мся святому Господу Иисусу, Единому Безгрешному. Кресту Твоему поклоняемся, Христе, и святое Воскресение Твое пое́м и сла́вим. Ты бо еси Бог наш, разве Тебе иного не знаем, имя Твое именуем. Прииди́те вси ве́рнии, поклони́мся святому Христову Воскресению: се бо прии́де Крестом радость всему миру. Всегда благословяще Господа, пое́м Воскресение Его: распятие бо претерпе́в, смертию смерть разруши. (трижды)

Ипакои:

Предвари́вшия утро я́же о Марии, и обре́тшия камень отвале́н от гроба, слы́шаху от Ангела: во свете присносу́щнем Су́щаго, с ме́ртвыми что ищете яко человека? Видите гро́бныя пелены́, тецы́те и миру пропове́дите, яко воста́ Господь, умертви́вый смерть, яко есть Сын Бога, спасающаго род человеческий.

Кондак:

Аще и во гроб снизше́л еси, Безсме́ртне, но адову разруши́л еси силу, и воскре́сл еси яко Победитель, Христе Боже, жена́м мироносицам веща́вый: Радуйтеся!, и Твоим апостолом мир да́руяй, падшим подая́й воскресение.

Во гробе пло́тски, во аде же с душе́ю яко Бог, в раи́ же с разбойником, и на Престоле был еси, Христе, со Отцем и Духом, вся исполня́яй, неопи́санный.

Слава Отцу и Сыну и Святому Духу:
Яко Живоносец, яко рая́ красне́йший, воистинну и черто́га всякаго ца́рскаго показа́ся светлейший, Христе, гроб Твой, источник нашего Воскресения.

И ныне и присно и во веки веков. Аминь:
Вы́шняго освяще́нное Божественное селение, радуйся: Тобою бо даде́ся радость, Богородице, зовущим: благословенна Ты в жена́х еси, Всенепоро́чная Владычице.

Господи помилуй. (40 раз)

Слава Отцу и Сыну и Святому Духу, и ныне и присно, и во веки веков. Аминь:

Честнейшую Херувим и сла́внейшую без сравнения Серафим, без истления Бога Слова ро́ждшую, су́щую Богородицу, Тя величаем.

Христос воскре́се из мертвых, смертию смерть поправ и су́щим во гробе́х живо́т дарова́в. (трижды)

Молитвами святых отцев наших, Господи Иисусе Христе, помилуй нас. Аминь.

Читайте также другие публикации о Пасхе

На заставке фрагмент фото Saint-Petersburg Theological Academy

Звёзд: 1Звёзд: 2Звёзд: 3Звёзд: 4Звёзд: 5 (16 голосов, средняя: 4,56 из 5)
Загрузка...
26 апреля 2016
Поделиться:

  • Н. П.
    Н. П. 2 года назадОтветить

    "Молитвами святых отЕЦ наших", а не "отцЕВ"

Загрузить ещё