Кому молиться о больных детях?

Святой великомученик и целитель Пантелеимон

Великомученик Пантелеимон родился в Никомидии в семье отца-язычника и матери-христианки, обучался врачебному искусству, принял христианство. Бескорыстно лечил больных именем Христа, за что был арестован и заключен в тюрьму, где претерпел жестокие пытки и был казнен. Почитается как заступник за всех болящих.

Молитва святому великомученику и целителю Пантелеимону

Святы́й великому́чениче и цели́телю Пантелеи́моне, Бо́га ми́лостиваго подража́телю! При́зри благосе́рдием и услы́ши нас, гре́шных, пред свято́ю твое́й ико́ною усе́рдне моля́щихся. Испроси́ нам у Го́спода Бо́га, Ему́ же со А́нгелы предстои́ши на Небеси́, оставле́ние грехо́в и прегреше́ний на́ших. Исцели́ боле́зни душе́вныя же и теле́сныя рабо́в Бо́жиих, ны́не помина́емых, зде предстоя́щих, и всех христиа́н правосла́вных, к твоему́ заступле́нию притека́ющих. Се бо мы по грехо́м на́шим лю́те одержи́мы есмы́ мно́гими неду́ги и не и́мамы по́мощи и утеше́ния, к тебе́ же прибега́ем, я́ко даде́ся ти благода́ть моли́тися за ны и цели́ти всяк неду́г и вся́ку боле́знь. Да́руй у́бо всем нам святы́ми моли́твами твои́ми здра́вие и благомо́щие души́ и те́ла, преспе́яние ве́ры и благоче́стия и вся к житию́ вре́менному и ко спасе́нию потре́бная. Я́ко да, сподо́бившися тобо́ю вели́ких и бога́тых ми́лостей, просла́вим тя и Пода́теля всех благ, ди́внаго во святы́х, Бо́га на́шего, Отца́, и Сы́на, и Свята́го Ду́ха. Ами́нь.

Святая великомученица Параскева Пятница

Великомученица Параскева, названная так в честь дня крестных страданий Господа (Параскева означает «Пятница»), пострадала за веру в III веке, отказавшись отречься от Христа перед язычниками и претерпев жестокие мучения. Она особо почитается в православии как целительница душевных и телесных недугов, а также как хранительница семейного благополучия. 

Молитва святой великомученице Параскеве Пятнице

О, свята́я и преблаже́нная му́ченице Христо́ва Параске́во, красото́ деви́ческая, му́чеников похвало́, чистоты́ о́бразе, великоду́шных зерца́ло, прему́дрых удивле́ние, ве́ры христиа́нския храни́тельнице, и́дольския льсти́ обличи́тельнице, Ева́нгелия Боже́ственнаго побо́рнице, за́поведей Госпо́дних ревни́тельнице, сподо́бльшаяся приити́ ко приста́нищу ве́чнаго поко́я и в черто́зе Жениха́ твоего́ Христа́ Бо́га све́тло веселя́щаяся, сугу́бым венце́м де́вства и му́ченичества украше́нная! Мо́лим тя, свята́я му́ченице, бу́ди о нас печа́льница ко Христу́ Бо́гу, Его́же преблаже́ннейшим зре́нием при́сно весели́тися; моли́ Всеми́лостиваго, и́же сло́вом о́чи слепы́м отве́рзе, да изба́вит нас от боле́зни оче́с на́ших, теле́сных вку́пе и душе́вных; разжени́ твои́ми святы́ми моли́твами те́мный мрак прибы́вший от грехо́в на́ших, испроси́ у Отца́ Све́та свет благода́ти душе́вным и теле́сным очесе́м на́шим; просвети́ нас, омраче́нных грехми́, све́том Бо́жия благода́ти, да твои́х ра́ди святы́х моли́тв да́стся безоче́сным сла́дкое зре́ние. О, вели́кая уго́дница Бо́жия! О, му́жественнейшая де́во! О, кре́пкая му́ченице свята́я Параске́во! Святы́ми твои́ми моли́твами бу́ди нам, гре́шным, помо́щница, хода́тайствуй и моли́ся о окая́нных и зело́ неради́вых гре́шницех, ускори́ на по́мощь нам, и́бо зело́ немощны́ есмы́. Моли́ Го́спода, чи́стая деви́це, моли́ Милосе́рдаго, свята́я му́ченице, моли́ Жениха́ твоего́, непоро́чная Христо́ва неве́сто, да твои́ми моли́твами посо́бствоваши, мра́ка же грехо́внаго избы́вше, во све́те и́стинныя ве́ры и дея́ний Боже́ственных вни́дем во свет ве́чный дне невече́рняго, во град весе́лия при́снаго, в не́мже ты ны́не све́тло блиста́еши сла́вою и весе́лием безконе́чным, славосло́вящи и воспева́ющи со все́ми Небе́сными Си́лами Трисвяти́тельное Еди́ное Божество́, Отца́ и Сы́на и Свята́го Ду́ха, ны́не и при́сно и во ве́ки веко́в. Ами́нь.

Святой праведный Симеон Богоприимец

Праведный Симеон Богоприимец — благочестивый старец, которому было предсказано, что он не умрёт, пока не увидит Мессию. По внушению Духа Святого он пришёл в Иерусалимский храм в день Сретения, где принял на руки Младенца Христа и произнёс пророческую молитву «Ныне отпущаеши».

Молитва святому праведному Симеону Богоприимцу

О вели́кий уго́дниче Бо́жий и Богоприи́мче Симео́не! Предстоя́ Престо́лу вели́каго Царя́ и Бо́га на́шего Иису́са Христа́, ве́лие дерзнове́ние и́маши к Нему́, на объя́тиих твои́х на́шего ра́ди спасе́ния носи́тися изво́лившему. К тебе́ у́бо, я́ко многомо́щному предста́телю и кре́пкому о нас моли́твеннику, прибега́ем мы, гре́шнии и недосто́йнии. Моли́ бла́гость Его́, я́ко да отврати́т от нас гнев Свой, пра́ведно по дело́м на́шим на ны дви́жимый, и, презре́в безчи́сленная прегреше́ния на́ша, обрати́т нас на путь покая́ния и на стези́ за́поведей Свои́х утверди́т нас. Огради́ моли́твами твои́ми в ми́ре жизнь на́шу и во всем благо́м благо́е поспеше́ние испроси́, вся к животу́ и благоче́стию потре́бная нам да́руя. И я́коже дре́вле Вели́кий Новгра́д явле́нием чудотво́рныя ико́ны твоея́ от губи́тельства сме́ртнаго изба́вил еси́, та́ко и ны́не нас и вся гра́ды и ве́си страны́ на́шея от вся́ких напа́стей, и бед, и внеза́пныя сме́рти предста́тельством твои́м изба́ви, и от всех враг ви́димых и неви́димых покро́вом твои́м защити́, и всей держа́ве Росси́йстей бу́ди опло́т тверд и укрепле́н, я́ко да ти́хое и безмо́лвное житие́ поживе́м во вся́ком благоче́стии и чистоте́, и та́ко в ми́ре вре́менное сие́ житие́ преше́дше, в ве́чный дости́гнем поко́й, иде́же сподо́бимся Небе́снаго Ца́рствия Христа́ Бо́га на́шего, Ему́же вся́кая сла́ва подоба́ет, со Отце́м и Пресвяты́м Его́ Ду́хом, ны́не и при́сно, и во ве́ки веко́в. Ами́нь.

Святой мученик младенец Гавриил Белостокский

Младенец Гавриил Белостокский, родившийся в 1684 году, был замучен в шестилетнем возрасте. Его нетленные мощи, чудесно сохранившиеся даже после пожара, были обретены через 30 лет после погребения. Святой Гавриил почитается как небесный покровитель детей.

Молитва святому мученику младенцу Гавриилу Белостокскому

Младе́нческаго незло́бия храни́телю и му́ченическаго му́жества носи́телю, Гаврии́ле блаже́нне, страны́ на́шея адама́нте драгоце́нный и иуде́йскаго нече́стия обличи́телю! К тебе́ мы, гре́шнии, моли́твенно прибега́ем и, о гресе́х свои́х сокруша́ющеся, малоду́шия же своего́ стыдя́щеся, любо́вию зове́м ти: на́ших скверн не возгнуша́йся, чистоты́ сый сокро́вище, на́шего малоду́шия не омерзи́, долготерпе́ния учи́телю, но па́че сих, не́мощи на́ша от Небе́с ви́дя, тех исцеле́ния нам твое́ю пода́ждь моли́твою и твоея́ Христу́ ве́рности подража́тели нас бы́ти научи́. А́ще ли терпели́вно крест искуше́ний и злострада́ний понести́ не возмо́жем, оба́че и тогда́ ми́лостивыя твоея́ по́мощи не лиши́ нас, уго́дниче Бо́жий, но свобо́ду и осла́бу нам у Го́спода испроси́. Та́же и моля́щияся о ча́дех свои́х ма́тери услы́ши, здра́вию и спасе́нию младе́нцем от Го́спода пода́тися умоля́яй. Не́сть такова́го жесто́каго се́рдца, е́же слы́шанием о му́ках твои́х, святы́й младе́нче, не умили́тся, и а́ще кроме́ сего́ умиле́ннаго воздыха́ния никоего́же блага́го деяния принести́ возмо́жем, но и таковы́м умиле́нным по́мыслом на́ши умы́ и се́рдце, блаже́нне, просвети́в, на исправле́ние жития́ на́шего благода́тию Бо́жиею нас наста́ви. Вложи́ в нас о спасе́нии души́ и о сла́ве Бо́жией ре́вность неуста́нную и о часе́ сме́ртнем па́мять неусы́пную храни́ти помози́ нам. Наипа́че же в сме́ртнем успе́нии на́шем терза́ния де́монская и по́мыслы отча́яния от душ на́ших предста́тельством твои́м отжени́ и сия́ упова́нием Боже́ственнаго проще́ния испо́лни, во е́же и тогда́ и ны́не сла́вити нам милосе́рдие Отца́, и Сы́на, и Свята́го Ду́ха и твое́ кре́пкое заступле́ние во ве́ки веко́в. Ами́нь.

Святой праведный отрок Артемий Веркольский

Святой Артемий Веркольский (XVI в.) — отрок-праведник, живший в селе Верколе. В 12 лет погиб от удара молнии, после чего односельчане, считая такую смерть знаком гнева Божия, оставили его тело непогребённым в лесу. Через 32 года (в 1577 г.) мощи были обретены нетленными и прославились чудесами.

Молитва святому праведному Артемию Веркольскому

О, великосла́вный уго́дниче Бо́жий, о, вели́кий чудотво́рче, святы́й и пра́ведный Арте́мие, херуви́ме земны́й, челове́че Небе́сный, А́нгелов собесе́дниче, Небе́сный жи́телю! При́зри с высоты́ Небе́сныя све́тлым о́ком твои́м и ниспосли́ нам лучи́ Бо́жия благода́ти. Свети́льниче Боговозжже́нный, твои́ми святы́ми моли́твами разжени́ мрак грехо́в на́ших, упроси́ у Отца́ све́тов свет благода́ти душа́м на́шим, всех правове́рных ско́рый быв помо́щник и засту́пник. Всяк бо, с ве́рою под кров защище́ния твоего́ моли́твенно притека́яй и заступле́ния Твоего́ у Го́спода прося́й, а́бие посо́бствуем быва́ет, Бо́жию же ми́лость обрета́ет и жела́ния се́рдца своего́ не лиша́ется, но про́сит благода́ти и прие́млет дар на по́льзу проше́ния. Ты еси, пра́ведный Арте́мие, вертогра́д, Бо́гом насажде́нный, в не́мже цвет здравотво́рный процвете́, е́же исцели́тися мно́гим от зе́льнаго трясави́чнаго неду́га. О, коль мно́зи твое́ю чуде́сною по́мощию слепи́и прозре́ша, глуси́и слух прия́ша, хроми́и возскочи́ша и ходя́ша, немощни́и де́йство рук прия́ша, безу́мнии воуми́шася, разсла́блении в жи́лах укрепи́шася, сля́ченнии испра́вишася и иму́щии вре́ды исцеле́ша! Еще́ же и скве́рнии де́мони моли́твою твое́ю отгна́шася, и ини́и неисце́льнии неду́зи разреши́шася. Та́ко, святы́й и пра́ведный Арте́мие, всем всегда ми́лостив явля́ешися. У́бо и о нас неисповеди́мую Бо́жию бла́гость умоли́, да оста́вит нам Госпо́дь до́лги на́ша, и да храни́т госуда́рство Росси́йское в ми́ре и благоде́нствии, в кре́пости и оби́лии, и ве́ру правосла́вную да укрепи́т, церко́вныя же раско́лы да утоли́т, и вся правосла́вныя христиа́ны да спасе́т. Мы же твою па́мять святу́ю от ро́да в род че́стно пра́здновати бу́дем, сла́вяще просла́вльшаго тя Христа́ Го́спода, Ему́же подоба́ет вся́кая сла́ва, честь и поклоне́ние, со Безнача́льным Его́ Отце́м и со Пресвяты́м и Благи́м и Животворя́щим Ду́хом, ны́не и при́сно, и в безконе́чныя ве́ки веко́в. Ами́нь.

Стилиан Пафлагонский (Чадозаступник)

Преподобный Стилиан Пафлагонский, живший в V веке, с юности избрал путь аскетического подвига, раздав имущество и удалившись в пустынную пещеру. Господь даровал ему особую благодать молитвенного заступничества за детей. К святому приходили матери, чьи дети были больны, а также бесплодные женщины, получая по его молитвам исцеление и дар материнства. На иконах его изображают держащим младенца на руках. Он почитается как небесный покровитель детей.

Молитва преподобному Стилиану Пафлагонскому

О, свяще́нная главо́, преподо́бне о́тче Стилиа́не! По́двигом до́брым подвиза́вся на земли́, на небесе́х восприя́л еси́ вене́ц пра́вды от Христа́ Бо́га на́шего. Те́мже на тво́й святы́й о́браз взира́юще, о пресла́внем сконча́нии жи́тельства твоего́ ра́дуемся и чти́м святу́ю па́мять твою́. Почита́юще же твое́ ве́лие дерзнове́ние пред Го́сподем, со смире́нием мо́лим тя́, преподо́бне о́тче: воззри́ у́бо благосе́рдым о́ком любве́ твоея́ на на́с, недосто́йных рабо́в твои́х, и потщи́ся богоприя́тным твои́м хода́тайством испроси́ти у Царя́ ца́рствующих и Го́спода госпо́дствующих, да проба́вит вели́кия и бога́тыя ми́лости Своя́ на на́с, гре́шных, да пода́ст на́м ду́х пра́выя ве́ры, ду́х любве́, ми́ра и ра́дости о Ду́се Свя́те, да изба́вит ны́ от вся́ких бе́д и напа́стей, да ниспо́слет вся́ поле́зная ко спасе́нию ду́ш на́ших. Е́й, свя́тче Бо́жий, не посрами́ упова́ния на́шего, е́же на тя́ по Бо́зе и Богоро́дице возлага́ем, но бу́ди на́м помо́щник и покрови́тель во спасе́ние, да сподо́бимся сконча́ти житие́ на́ше в покая́нии, и восприи́мем ве́чная блага́я во Ца́рствии Христа́ Бо́га на́шего, и просла́вим человеколю́бие Отца́ и Сы́на и Свята́го Ду́ха и твое́ свято́е заступле́ние ны́не и при́сно и во ве́ки веко́в. Ами́нь.