Акафист Похвала Богородицы

Кондак 1

Взбра́нной Воево́де победи́тельная, я́ко изба́вльшеся от злы́х, благода́рственная воспису́ем Ти́ раби́ Твои́, Богоро́дице; но я́ко иму́щая держа́ву непобеди́мую, от вся́ких на́с бе́д свободи́, да зове́м Ти́:

[Победную песнь небесной Воительнице и благодарность Той, что нас от бед
избавила твои рабы возносят, Богородица! Так пусть спасет нас Твоя мощь необоримая от бедствий всевозможных, чтобы взывали мы:]

Ра́дуйся, Неве́сто Неневе́стная.

Икос 1

А́нгел предста́тель с Небесе́ по́слан бы́сть рещи́ Богоро́дице: ра́дуйся, и со безпло́тным гла́сом воплоща́ема Тя́ зря́, Го́споди, ужаса́шеся и стоя́ше, зовы́й к Не́й такова́я:

[Первый из ангелов был послан с небес, чтобы Богородице радость возвестить. И
когда бесплотный вестник увидел, как Ты, Господь, принимаешь плоть, то замер в изумлении, взывая к Ней:]

Ра́дуйся, Е́юже ра́дость возсия́ет; ра́дуйся, Е́юже кля́тва исче́знет.

[Радуйся! Радость в Тебе воссияет. Радуйся! Проклятие в Тебе исчезает]

Ра́дуйся, па́дшаго Ада́ма воззва́ние; ра́дуйся, сле́з Е́виных избавле́ние.

[Радуйся, к падшему Адаму воззвание, Радуйся, Евиных слез утешение!]

Ра́дуйся, высото́ неудобовосходи́мая челове́ческими по́мыслы; ра́дуйся, глубино́ неудобозри́мая и а́нгельскима очи́ма.

[Радуйся, высота, куда помысел не взойдет человеческий, Радуйся, глубина, куда
взор не проникнет ангельский!]

Ра́дуйся, я́ко еси́ Царе́во седа́лище; ра́дуйся, я́ко но́сиши Нося́щаго вся́.

[Радуйся, ибо Ты – Престол Царский, Радуйся, ибо носишь Носящего вселенную.]

Ра́дуйся, Звездо́, явля́ющая Со́лнце; ра́дуйся, утро́бо Боже́ственнаго воплоще́ния.

[Радуйся, Звезда, породившая солнце, Радуйся, чрево Божьего воплощения!]

Ра́дуйся, Е́юже обновля́ется тва́рь; ра́дуйся, Е́юже покланя́емся Творцу́.

[Радуйся, творение в Тебе обновляется! Радуйся, Творец Твоим Младенцем
становится!]

Ра́дуйся, Неве́сто Неневе́стная.

Кондак 2

Ви́дящи Свята́я Себе́ в чистоте́, глаго́лет Гаврии́лу де́рзостно: пресла́вное твоего́ гла́са неудобоприя́тельно души́ Мое́й явля́ется: безсе́меннаго бо зача́тия рождество́ ка́ко глаго́леши, зовы́й: Аллилу́иа.

[Пресвятая, зная Свою непорочность, смело отвечала Гавриилу: Странные твои
слова трудно принять моей душе – ты предвещаешь рождение от зачатия без семени,
взывая: Аллилуйя!]

Икос 2

Ра́зум недоразумева́емый разуме́ти Де́ва и́щущи, возопи́ к служа́щему: из боку́ чи́сту, Сы́ну ка́ко е́сть роди́тися мо́щно, рцы́ Ми́? К Не́йже о́н рече́ со стра́хом, оба́че зовы́й си́це:

[Непознаваемую тайну познать желая, Дева вестника вопрошала: Как может
родиться сын от девственного чрева, скажи? На это он ответил Ей, с трепетом к Ней взывая]

Ра́дуйся, сове́та неизрече́ннаго Таи́ннице; ра́дуйся, молча́ния прося́щих ве́ро.

[Радуйся, таинство неизреченного совета, Радуйся, вера потаенных молитв!]

Ра́дуйся, чуде́с Христо́вых нача́ло; ра́дуйся, веле́ний Его́ глави́зно.

[Радуйся, преддверие Христовых чудес, Радуйся, начало наставлений Его!]

Ра́дуйся, ле́ствице небе́сная, Е́юже сни́де Бо́г; ра́дуйся, мо́сте, преводя́й су́щих от земли́ на не́бо.

[Радуйся, лестница, по которой с неба сошел Бог, Радуйся, мост, возводящий земное
на небеса!]

Ра́дуйся, А́нгелов многослову́щее чу́до; ра́дуйся, бесо́в многоплаче́вное пораже́ние.

[Радуйся, ангелов многохвальное удивление, Радуйся, демонов многослезное
уязвление!]

Ра́дуйся, Све́т неизрече́нно роди́вшая; ра́дуйся, е́же ка́ко, ни еди́наго же научи́вшая.

[Радуйся! Не описать, как родила ты Свет. Радуйся! На вопрос о том никому не дала
ответ.]

Ра́дуйся, прему́дрых превосходя́щая ра́зум; ра́дуйся, ве́рных озаря́ющая смы́слы.

[Радуйся, превосходящая знание мудрецов, Радуйся, просвещающая разум верных!]

Ра́дуйся, Неве́сто Неневе́стная.

Кондак 3

Си́ла Вы́шняго осени́ тогда́ к зача́тию Браконеиску́сную, и благопло́дная Тоя́ ложесна́, я́ко село́ показа́ сла́дкое, все́м хотя́щим жа́ти спасе́ние, внегда́ пе́ти си́це: Аллилу́иа.

[Тогда сила Всевышнего осенила не знавшую брака, и она зачала. И стало тогда
чрево плодородное, словно поле, пригодное всем, кто хочет с него пожать жатву спасения и воспеть: Аллилуйя!]

Икос 3

Иму́щи Богоприя́тную Де́ва утро́бу, востече́ ко Елисаве́ти: младе́нец же о́ноя а́бие позна́в Сея́ целова́ние, ра́довашеся, и игра́ньми я́ко пе́сньми вопия́ше к Богоро́дице:

[Дева, Бога приняв в свое чрево, поспешила к Елизавете; и нерожденный, Ее поцелуй распознав, возрадовался и во чреве взыграл, словно бы к Богородице воззвал:]

Ра́дуйся, о́трасли неувяда́емыя розго́; ра́дуйся, Плода́ безсме́ртнаго стяжа́ние.

[Радуйся! Ты пускаешь Побег неувядающий. Радуйся! Ты приносишь Плод неумирающий.]

Ра́дуйся, Де́лателя де́лающая Человеколю́бца; ра́дуйся, Сади́теля жи́зни на́шея ро́ждшая.

[Радуйся! Ты взращиваешь Растящего души. Радуйся! Ты жизнь даешь Подателю Жизни.]

Ра́дуйся, ни́во, растя́щая гобзова́ние щедро́т; ра́дуйся, трапе́зо, нося́щая оби́лие очище́ния.

[Радуйся, пашня, плодородная для жатвы умиления, Радуйся, трапеза, изобильная яствами милосердия!]

Ра́дуйся, я́ко ра́й пи́щный процвета́еши; ра́дуйся, я́ко приста́нище душа́м гото́виши.

[Радуйся! Луг отдохновения в тебе расцветает, Радуйся! Пристань для душ в тебе возникает.]

Ра́дуйся, прия́тное моли́твы кади́ло; ра́дуйся, всего́ ми́ра очище́ние.

[Радуйся, благоуханное к Богу ходатайство, Радуйся, за весь этот мир заступница!]

Ра́дуйся, Бо́жие к сме́ртным благоволе́ние; ра́дуйся, сме́ртных к Бо́гу дерзнове́ние.

[Радуйся, к людям Божье благоволение, Радуйся, к Богу людское дерзновение!]

Ра́дуйся, Неве́сто Неневе́стная.

Кондак 4

Бу́рю вну́трь име́я помышле́ний сумни́тельных, целому́дренный Ио́сиф смяте́ся, к Тебе́ зря́ небра́чней, и бракоокра́дованную помышля́я, Непоро́чная; уве́дев же Твое́ зача́тие от Ду́ха Свя́та, рече́: Аллилу́иа.

[Целомудренный Иосиф смутился, обуреваем сомнением. О Непорочная! Видя
тебя, непричастную браку, подозревал он нарушение верности, но, узнав о зачатии от Духа Святого, сказал: Аллилуйя!]

Икос 4

Слы́шаша па́стырие А́нгелов пою́щих плотско́е Христо́во прише́ствие, и те́кше я́ко к Па́стырю ви́дят Сего́ я́ко а́гнца непоро́чна, во чре́ве Мари́ине упа́сшася, Ю́же пою́ще ре́ша:

[Услышали пастухи, как ангелы поют о пришествии Христа во плоти и поспешили к
Пастырю, а увидели Агнца непорочного, во чреве Марии взлелеянного, и так о Ней воспели:]

Ра́дуйся, А́гнца и Па́стыря Ма́ти; ра́дуйся, дво́ре слове́сных ове́ц.

[Радуйся, Агнца и Пастыря Мать, Радуйся, загон для разумных овец!]

Ра́дуйся, неви́димых враго́в муче́ние; ра́дуйся, ра́йских две́рей отверзе́ние.

[Радуйся, защита от незримых зверей, Радуйся, ключ от райских дверей!]

Ра́дуйся, я́ко небе́сная сра́дуются земны́м; ра́дуйся, я́ко земна́я сликовству́ют небе́сным.

[Радуйся, небо вместе с землей ликует! Радуйся, земля вместе с небом танцует!]

Ра́дуйся, апо́столов немо́лчная уста́; ра́дуйся, страстоте́рпцев непобеди́мая де́рзосте.

[Радуйся, несмолкающая проповедь апостолов, Радуйся, непобедимое дерзновение подвижников!]

Ра́дуйся, тве́рдое ве́ры утвержде́ние; ра́дуйся, све́тлое благода́ти позна́ние.

[Радуйся, веры твердое укрепление, Радуйся, благодати светлое знамение!]

Ра́дуйся, Е́юже обнажи́ся а́д; ра́дуйся, Е́юже облеко́хомся сла́вою.

[Радуйся! Ты ад разоблачаешь. Радуйся! Ты в славу нас облекаешь.]

Ра́дуйся, Неве́сто Неневе́стная.

Кондак 5

Боготе́чную звезду́ узре́вше волсви́, тоя́ после́доваша зари́, и я́ко свети́льник держа́ще ю́, то́ю испыта́ху кре́пкаго Царя́, и дости́гше Непостижи́маго, возра́довашася, Ему́ вопию́ще: Аллилу́иа.

[Разглядели волхвы свет Божьей звезды, последовали за ее сиянием; держась ее,
словно светильника, нашли Владыку Всесильного и, подступив к Неподступному, с радостью воззвали: Аллилуйя!]

Икос 5

Ви́деша о́троцы халде́йстии на руку́ Деви́чу Созда́вшаго рука́ми челове́ки, и Влады́ку разумева́юще Его́, а́ще и ра́бий прия́т зра́к, потща́шася дарми́ послужи́ти Ему́, и возопи́ти Благослове́нней:

[Увидели сыны халдеев на руках у Девы Того, Чья рука сотворила людей. И, Владыку
в Нем распознав, хоть и принял Он облик раба, поспешили дарами Его почтить и к
благословенной воззвали:]

Ра́дуйся, Звезды́ незаходи́мыя Ма́ти; ра́дуйся, заре́ та́инственнаго дне́.

[Радуйся, мать незаходящей Звезды, Радуйся, заря таинственного Дня!]

Ра́дуйся, пре́лести пе́щь угаси́вшая; ра́дуйся, Тро́ицы таи́нники просвеща́ющая.

[Радуйся, угасившая пламя в печи лжи, Радуйся, просветившая причастных тайне Троицы!]

Ра́дуйся, мучи́теля безчелове́чнаго измета́ющая от нача́льства; ра́дуйся, Го́спода Человеколю́бца показа́вшая Христа́.

[Радуйся, изгнавшая тирана, что врагом человеческим был всегда, Радуйся, явившая
Владыку человеколюбивого – Христа!]

Ра́дуйся, ва́рварскаго избавля́ющая служе́ния; ра́дуйся, тиме́ния изыма́ющая де́л.

[Радуйся, от варварских суеверий избавление, Радуйся, от нечистых поступков
омовение!]

Ра́дуйся, огня́ поклоне́ние угаси́вшая; ра́дуйся, пла́мене страсте́й изменя́ющая.

[Радуйся, прекратившая поклонение огню, Радуйся, угасившая разжигание
страстей!]

Ра́дуйся, ве́рных наста́внице целому́дрия; ра́дуйся, все́х родо́в весе́лие.

[Радуйся, наставница в целомудрии для верных, Радуйся, благоразумие всех поколений!]

Ра́дуйся, Неве́сто Неневе́стная.

Кондак 6

Пропове́дницы богоно́снии, бы́вше волсви́, возврати́шася в Вавило́н, сконча́вше Твое́ проро́чество, и пропове́давше Тя́ Христа́ все́м, оста́виша И́рода я́ко буесло́вна, не ве́дуща пе́ти: Аллилу́иа.

[Стали волхвы богоносными вестниками, в Вавилон возвратившись. Твое
предсказание исполнили и Тебя, Христа, проповедовали всем – и обошли только Ирода как невежу, что воспеть не желал: Аллилуйя!]

Икос 6

Возсия́вый во Еги́пте просвеще́ние и́стины, отгна́л еси́ лжи́ тьму́: и́доли бо его́, Спа́се, не терпя́ще Твоея́ кре́пости, падо́ша, си́х же изба́вльшиися вопия́ху к Богоро́дице:

[Воссиял в Египте истинный свет, и тьму лжи разогнал. Тогда, о Спаситель, идолы
египтян пали, не вынеся силы Твоей, а те, кто был избавлен от них, воззвали к Богородице:]

Ра́дуйся, исправле́ние челове́ков; ра́дуйся, низпаде́ние бесо́в.

[Радуйся, человечества исправление, Радуйся, демонов падение!]

Ра́дуйся, пре́лести держа́ву попра́вшая; ра́дуйся, и́дольскую ле́сть обличи́вшая.

[Радуйся, хитрый обман поправшая, Радуйся, идолов ложь обличившая!]

Ра́дуйся, мо́ре, потопи́вшее фарао́на мы́сленнаго; ра́дуйся, ка́меню, напои́вший жа́ждущия жи́зни.

[Радуйся, море, что незримого фараона потопило, Радуйся, скала, что жаждущих
Жизни напоила!]

Ра́дуйся, о́гненный сто́лпе, наставля́яй су́щия во тьме́; ра́дуйся, покро́ве ми́ру, ши́рший о́блака.

[Радуйся, огненный столб, осветивший мрак, Радуйся, облачный покров, осенивший
мир!]

Ра́дуйся, пи́ще, ма́нны прие́мнице; ра́дуйся, сла́дости святы́я служи́тельнице.

[Радуйся, новой манны восприемница, Радуйся, священных благ подательница!]

Ра́дуйся, земле́ обетова́ния; ра́дуйся, из нея́же тече́т ме́д и млеко́.

[Радуйся, земля обетованная, Радуйся, изобильная медом и молоком!]

Ра́дуйся, Неве́сто Неневе́стная.

Кондак 7

Хотя́щу Симео́ну от ны́нешняго ве́ка преста́витися преле́стнаго, вда́лся еси́ я́ко младе́нец тому́, но позна́лся еси́ ему́ и Бо́г соверше́нный. Те́мже удиви́ся Твое́й неизрече́нней прему́дрости, зовы́й: Аллилу́иа.

[Ожидал Симеон, когда покинет он этот обманчивый мир. Ты явился ему
младенцем, но он распознал в тебе полноту Божества и, поразившись Твоей неизреченной мудрости, воззвал: Аллилуйя!]

Икос 7

Но́вую показа́ тва́рь, я́влься Зижди́тель на́м от Него́ бы́вшим, из безсе́менныя прозя́б утро́бы, и сохрани́в Ю́, я́коже бе́, нетле́нну, да чу́до ви́дяще, воспои́м Ю́, вопию́ще:

[Новое творение в Себе Самом явил Творец нам, созданиям Своим. Он из чрева, не
знавшего семени, пришёл, как и прежде, нетронутым его сохранив, чтобы мы, это чудо
увидев, воспели и возгласили:]

Ра́дуйся, цве́те нетле́ния; ра́дуйся, ве́нче воздержа́ния.

[Радуйся, нетления цвет, Радуйся, воздержания венец!]

Ра́дуйся, воскресе́ния о́браз облиста́ющая; ра́дуйся, а́нгельское житие́ явля́ющая.

[Радуйся! Ты прообразом Воскресения нас просветила. Радуйся! Ты ангельскую
жизнь в Себе Самой явила.]

Ра́дуйся, дре́во светлоплодови́тое, от него́же пита́ются ве́рнии; ра́дуйся, дре́во благосенноли́ственное, и́мже покрыва́ются мно́зи.

[Радуйся, древо с плодами сочными, от которых верные вкушают, Радуйся, ствол с
тенистой кроной, под которую многие прибегают!]

Ра́дуйся, во чре́ве нося́щая Изба́вителя плене́нным; ра́дуйся, ро́ждшая Наста́вника заблу́ждшим.

[Радуйся! Для плененных ты Искупителя во чреве носила. Радуйся! Для заблудших
Ты Проводника породила.]

Ра́дуйся, Судии́ пра́веднаго умоле́ние; ра́дуйся, мно́гих согреше́ний проще́ние.

[Радуйся, праведного Судьи умилостивление, Радуйся, ко множеству грешников
снисхождение!]

Ра́дуйся, оде́ждо наги́х дерзнове́ния; ра́дуйся, любы́, вся́кое жела́ние побежда́ющая.

[Радуйся, одеяние для стыдящихся наготы своей, Радуйся, любовь, побеждающая
любую из страстей!]

Ра́дуйся, Неве́сто Неневе́стная.

Кондак 8

Стра́нное рождество́ ви́девше, устрани́мся ми́ра, у́м на небеса́ прело́жше: сего́ бо ра́ди высо́кий Бо́г на земли́ яви́ся смире́нный челове́к, хотя́й привлещи́ к высоте́ Тому́ вопию́щия: Аллилу́иа.

[Увидев странное рождение, отстранимся от этого мира и ум возведем к
небесам. Ради этого Сам Всевышний Бог стал ничтожным человеком на земле, чтобы ввысь увлечь взывающих к Нему: Аллилуйя!]

Икос 8

Ве́сь бе́ в ни́жних и вы́шних ника́коже отступи́ неопи́санное Сло́во: снизхожде́ние бо Боже́ственное, не прехожде́ние же ме́стное бы́сть, и рождество́ от Де́вы Богоприя́тныя, слы́шащия сия́:

[Полностью было на земле, но вовсе не оставило небес Слово неописуемое: ибо Бог к
нам снизошел, ниоткуда не уходя, и родился от Девы, Бога принявшей и услышавшей:]

Ра́дуйся, Бо́га невмести́маго вмести́лище; ра́дуйся, честна́го та́инства две́ри.

[Радуйся, вместилище Бога невместимого, Радуйся, врата таинства досточтимого!]

Ра́дуйся, неве́рных сумни́тельное слы́шание; ра́дуйся, ве́рных изве́стная похвало́.

[Радуйся, весть, что сомнения сеет в неверных, Радуйся, похвала несомненная среди
верных!]

Ра́дуйся, колесни́це пресвята́я Су́щаго на Херуви́мех; ра́дуйся, селе́ние пресла́вное Су́щаго на Серафи́мех.

[Радуйся, колесница святая – в тебе Тот, кто превыше Херувимов! Радуйся, скиния
всеблагая – в тебе Тот, кто превыше Серафимов!]

Ра́дуйся, проти́вная в то́жде собра́вшая; ра́дуйся, де́вство и рождество́ сочета́вшая.

[Радуйся! Противоположное в тебе единым стало. Радуйся! Ты девственность с
родами сочетала.]

Ра́дуйся, Е́юже разреши́ся преступле́ние; ра́дуйся, Е́юже отве́рзеся ра́й.

[Радуйся! Тобой оковы греха разбиты. Радуйся! Тобой двери райские открыты]

Ра́дуйся, ключу́ Ца́рствия Христо́ва; ра́дуйся, наде́ждо бла́г ве́чных.

[Радуйся, ключ Христова Царствия, Радуйся, надежда на блага вечные!]

Ра́дуйся, Неве́сто Неневе́стная.

Кондак 9

Вся́кое естество́ а́нгельское удиви́ся вели́кому Твоего́ вочелове́чения де́лу; непристу́пнаго бо я́ко Бо́га, зря́ше все́м присту́пнаго Челове́ка, на́м у́бо спребыва́юща, слы́шаща же от все́х: Аллилу́иа.

[Все обладавшие ангельской природой существа поразились чуду Твоего
воплощения. Они увидели Бога неприступного как человека доступного, что обитает с нами, но отовсюду слышит: Аллилуйя!]

Икос 9

Вети́я многовеща́нныя, я́ко ры́бы безгла́сныя ви́дим о Тебе́, Богоро́дице, недоумева́ют бо глаго́лати, е́же ка́ко и Де́ва пребыва́еши, и роди́ти возмогла́ еси́. Мы́ же, та́инству дивя́щеся, ве́рно вопие́м:

[Перед тобой, Богородица, стали многословные риторы немы, словно рыбы:
недоумевают они, как Ты смогла родить, оставшись Девой. Мы же, это таинство созерцая, с верою воззовем:]

Ра́дуйся, прему́дрости Бо́жия прия́телище, ра́дуйся, промышле́ния Его́ сокро́вище.

[Радуйся, Премудрости Божией хранилище, Радуйся, Его Провидения
сокровищница!]

Ра́дуйся, любому́дрыя нему́дрыя явля́ющая; ра́дуйся, хитрослове́сныя безслове́сныя облича́ющая.

[Радуйся! Ты философов в неразумии уличила. Радуйся! Ты бессловесность
сочинителей явила.]

Ра́дуйся, я́ко обуя́ша лю́тии взыска́теле; ра́дуйся, я́ко увядо́ша баснотво́рцы.

[Радуйся! Вышли глупцами искусные вопрошатели. Радуйся! Умолкли древних
мифов сказители.]

Ра́дуйся, афине́йская плете́ния растерза́ющая; ра́дуйся, ры́барския мре́жи исполня́ющая.

[Радуйся, разорвавшая хитросплетения афинские, Радуйся, наполнившая сети
рыбацкие!]

Ра́дуйся, из глубины́ неве́дения извлача́ющая; ра́дуйся, мно́ги в ра́зуме просвеща́ющая.

[Радуйся! Ты выводишь из бездны неведения. Радуйся! Ты многих просвещаешь
светом знания.]

Ра́дуйся, кораблю́ хотя́щих спасти́ся; ра́дуйся, приста́нище жите́йских пла́ваний.

[Радуйся, корабль для ищущих спасения, Радуйся, гавань для плывущих по
морю житейскому!]

Ра́дуйся, Неве́сто Неневе́стная.

Кондак 10

Спасти́ хотя́ ми́р, И́же все́х Украси́тель, к сему́ самообетова́н прии́де, и Па́стырь сы́й, я́ко Бо́г, на́с ра́ди яви́ся по на́м челове́к: подо́бным бо подо́бное призва́в, я́ко Бо́г слы́шит: Аллилу́иа.

[Возжелал спасти мир Создатель вселенной и пришел в него, как обещал. Он, наш
Пастырь и Бог, ради нас стал подобен нам, и призвав подобное к подобному, Он услышал как Бог: Аллилуйя!]

Икос 10

Стена́ еси́ де́вам, Богоро́дице Де́во, и все́м к Тебе́ прибега́ющим: и́бо небесе́ и земли́ Творе́ц устро́и Тя́, Пречи́стая, все́лься во утро́бе Твое́й, и вся́ приглаша́ти Тебе́ научи́в:

[Ты – ограда для дев, Богородица, Дева, и для всех, кто к тебе прибегает. Ибо
Создатель неба и земли предназначил тебя, Непорочная, Чтобы в чрево Твое вселиться и всех научить взывать к тебе:]

Ра́дуйся, сто́лпе де́вства; ра́дуйся, две́рь спасе́ния.

[Радуйся, девства опора, Радуйся, спасения дверь!]

Ра́дуйся, нача́льнице мы́сленнаго назда́ния; ра́дуйся, пода́тельнице Боже́ственныя бла́гости.

[Радуйся, устроительница обновления умов. Радуйся, подательница Божьих благих
даров!]

Ра́дуйся, Ты́ бо обнови́ла еси́ зача́тыя сту́дно; ра́дуйся, Ты́ бо наказа́ла еси́ окра́денныя умо́м.

[Радуйся! Ты возродила тех, кто был зачат во стыде. Радуйся! Ты вразумила тех, чей
ум был помрачен.]

Ра́дуйся, тли́теля смы́слов упражня́ющая; ра́дуйся, Се́ятеля чистоты́ ро́ждшая.

[Радуйся, смирившая растлителя умов, Радуйся, породившая Сеятеля чистоты!]

Ра́дуйся, черто́же безсе́меннаго уневе́щения; ра́дуйся, ве́рных Го́сподеви сочета́вшая.

[Радуйся, чертог брака не плотского, Радуйся, с Господом верных обручившая!]

Ра́дуйся, до́брая младопита́тельнице де́вам; ра́дуйся, невестокраси́тельнице ду́ш святы́х.

[Радуйся, благая воспитательница дев, Радуйся, ведущая святые души к Жениху!]

Ра́дуйся, Неве́сто Неневе́стная.

Кондак 11

Пе́ние вся́кое побежда́ется, спростре́тися тща́щееся ко мно́жеству мно́гих щедро́т Твои́х: равночи́сленныя бо песка́ пе́сни а́ще прино́сим Ти́, Царю́ Святы́й, ничто́же соверша́ем досто́йно, я́же да́л еси́ на́м, Тебе́ вопию́щим: Аллилу́иа.

[Никакая песнь не сможет сравниться с величием многочисленных милостей
Твоих! Сколько бы гимнов и псалмов мы ни принесли Тебе, Святому Царю, не сумеем достойно воздать за Твои дары нам, поющим Тебе: Аллилуйя!]

Икос 11

Светоприе́мную свещу́, су́щим во тьме́ я́вльшуюся, зри́м Святу́ю Де́ву, невеще́ственный бо вжига́ющи о́гнь, наставля́ет к ра́зуму Боже́ственному вся́, заре́ю у́м просвеща́ющая, зва́нием же почита́емая, си́ми:

[Нам явилась Пресвятая Дева как свеча светозарная, во тьме воссиявшая. Зажигая
свет невещественный, всех ведет она к познанию Бога, сиянием наш разум освещая, почитание от нас принимая:]

Ра́дуйся, луче́ у́мнаго Со́лнца; ра́дуйся, свети́ло незаходи́маго Све́та.

[Радуйся, луч мысленного солнца, Радуйся, носитель негасимого светоча!]

Ра́дуйся, мо́лние, ду́ши просвеща́ющая; ра́дуйся, я́ко гро́м враги́ устраша́ющая.

[Радуйся, молния, души просвещающая, Радуйся, гром, врагов устрашающий!]

Ра́дуйся, я́ко многосве́тлое возсиява́еши просвеще́ние; ра́дуйся, я́ко многотеку́щую источа́еши реку́.

[Радуйся! От тебя взошло светило блистательное! Радуйся! От тебя проистекла река
полноводная!]

Ра́дуйся, купе́ли живопису́ющая о́браз; ра́дуйся, грехо́вную отъе́млющая скве́рну.

[Радуйся! Ты купель собой изобразила. Радуйся! Ты печать греха удалила.]

Ра́дуйся, ба́не, омыва́ющая со́весть; ра́дуйся, ча́ше, че́рплющая ра́дость.

[Радуйся, купель для омовения совести, Радуйся, чаша, исполненная ликованием!]

Ра́дуйся, обоня́ние Христо́ва благоуха́ния; ра́дуйся, животе́ та́йнаго весе́лия.

[Радуйся, благоуханный аромат Христа, Радуйся, таинственного пиршества жизнь!]

Ра́дуйся, Неве́сто Неневе́стная.

Кондак 12

Благода́ть да́ти восхоте́в, долго́в дре́вних, все́х долго́в Реши́тель челове́ком, прии́де Собо́ю ко отше́дшим Того́ благода́ти, и раздра́в рукописа́ние, слы́шит от все́х си́це: Аллилу́иа.

[Искупитель всех людей пожелал простить давние долги и по собственной воле
поселился среди тех, кто благодать Его покинул, разорвал начертанное рукой и отовсюду слышит: Аллилуйя!]

Икос 12

Пою́ще Твое́ Рождество́, хва́лим Тя́ вси́, я́ко одушевле́нный хра́м, Богоро́дице: во Твое́й бо всели́вся утро́бе содержа́й вся́ руко́ю Госпо́дь, освяти́, просла́ви и научи́ вопи́ти Тебе́ все́х:

Ра́дуйся, селе́ние Бо́га и Сло́ва; ра́дуйся, свята́я святы́х бо́льшая.

Ра́дуйся, ковче́же, позлаще́нный Ду́хом; ра́дуйся, сокро́вище живота́ неистощи́мое.

Ра́дуйся, честны́й ве́нче люде́й благочести́вых; ра́дуйся, честна́я похвало́ иере́ев благогове́йных.

Ра́дуйся, це́ркве непоколеби́мый сто́лпе; ра́дуйся, Ца́рствия неруши́мая стено́.

Ра́дуйся, Е́юже воздви́жутся побе́ды; ра́дуйся, Е́юже низпа́дают врази́.

Ра́дуйся, те́ла моего́ врачева́ние; ра́дуйся, души́ моея́ спасе́ние.

Ра́дуйся, Неве́сто Неневе́стная.

Кондак 13

О, Всепе́тая Ма́ти, ро́ждшая все́х святы́х Святе́йшее Сло́во! Ны́нешнее прие́мши приноше́ние, от вся́кия изба́ви напа́сти все́х, и бу́дущия изми́ му́ки, о Тебе́ вопию́щих: Аллилу́иа, аллилу́иа, аллилу́иа.

Этот кондак читается трижды, затем 1-й икос «Ангел предстатель…» и 1-й кондак «Взбранной Водеводе…».

Молитва

Пресвята́я Влады́чице моя́ Богоро́дице, святы́ми Твои́ми и всеси́льными мольба́ми, отжени́ от мене́, смире́ннаго и окая́ннаго раба́ Твоего́, уны́ние, забве́ние, неразу́мие, нераде́ние, и вся́ скве́рная, лука́вая и ху́льная помышле́ния от окая́ннаго моего́ се́рдца и́ от помраче́ннаго ума́ моего́, и погаси́ пла́мень страсте́й мои́х, я́ко ни́щь е́смь и окая́нен: и изба́ви мя́ от мно́гих и́ лю́тых воспомина́ний и предприя́тий, и от все́х де́йств злы́х свободи́ мя: я́ко благослове́нна еси́ от все́х родо́в, и сла́вится Пречестно́е и́мя Твое́ во ве́ки веко́в. Ами́нь.

Тропарь, глас 2

Моление теплое и стена необоримая, милости источниче, мирови прибежище, прилежно вопием Ти: Богородице Владычице, предвари и от бед избави нас, едина вскоре предстательствующая.

Ин тропарь, глас 8

Повеленное тайно прием в разуме, в крове Иосифове тщанием предста безплотный, глаголя Неискусобрачней: Приклонивый схождением небеса вмещается неизменно весь в Тя; Егоже и видя в ложеснах Твоих, приемша рабий зрак, ужасаюся звати Тебе: радуйся, Невесто Неневестная.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву и потщися на умоление, предстательствующи присно, Богородице, чтущих Тя.

Ин кондак, глас 6

Не имамы иныя помощи, не имамы иныя надежды, разве Тебе, Владычице, ты нам помози, на Тебе надеемся и Тобою хвалимся, Твои бо есмы раби, да не постыдимся.