Великая вечерня
Благословляет священник, и поем яко обычно предначинательный псалом. Таже стихословие, первая кафисма.
На Го́споди воззва́х, поставим стихов 10, и поем стихиры воскресны осмогласника 3, и анатолиевы 3, и честнаго Креста 4, глас 5:
Подобен: Ра́дуйся по́стников:
Возсия́й, Госпо́день Кре́сте, / светолу́чныя мо́лния твоея́ благода́ти, / в сердца́ чтущих тя, / и Богоприя́тною любо́вию прие́млющих, мировожделе́нне, / и́мже сле́зное потреби́ся се́тование, / и сме́ртных се́тей изба́вихомся, / и к при́сному весе́лию приидо́хом. / Покажи́ красоты́ твоея́ благоле́пие, / воздая́ние пода́ждь воздержа́ния рабо́м твои́м, / ве́рно прося́щим твое́ бога́тное заступле́ние, / и ве́лию ми́лость.
[Осияй, Господень Крест, / светозарными молниями Твоей благодати / сердца Тебя чтущих / и с боговдохновенною любовью обнимающих, миру вожделенный! / Тобою исчезло слезное уныние, / и от сетей смерти мы избавились, / и перешли к непрестанной радости. / Покажи красоты Твоей благолепие, / воздаяние за воздержание подавая рабам Твоим, / с верою просящим щедрого покровительства Твоего, / и великой милости]
Ра́дуйся, живоно́сный Кре́сте, / Це́ркве кра́сный раю́, / дре́во нетле́ния, прозя́бшее нам / ве́чныя сла́вы наслажде́ние: / и́мже бесо́встии отгоня́ются полцы́, / и а́нгельстии свеселя́тся чи́нове, / и совокупле́ния ве́рных пра́зднуют. / Ору́жие непобеди́мое, / утвержде́ние неруши́мое, ве́рных побе́до, / свяще́нников похвало́, / Христо́вы ны́не стра́сти и нам пода́ждь дости́гнути, / и ве́лию ми́лость.
[Радуйся, живоносный Крест, / Церкви прекрасный рай, древо нетления, / произрастившее нам вечной славы наслаждение; / Тобою бесовские полчища отгоняются, / и веселятся Ангелов воинства, / и собрания верных празднуют. / Оружие непобедимое, твердыня нерушимая, / царей победа, священников похвала, – / ныне даруй и нам достигнуть / Христовых страстей и воскресения.]
Ра́дуйся, живоно́сный Кре́сте, / благоче́стия непобеди́мая побе́да, / дверь ра́йская, ве́рных утвержде́ние, / Це́ркве огражде́ние, / и́мже тля разори́ся и упраздни́ся, / и попра́ся сме́ртная держа́ва, / и вознесо́хомся от земли́ к небе́сным, / ору́жие непобеди́мое, бесо́в сопротивобо́рче, / сла́во му́чеников, / преподо́бных я́ко вои́стинну удобре́ние, / приста́нище спасе́ния, / да́руяй ми́ру ве́лию ми́лость.
[Радуйся, живоносный Крест, / знамение неодолимое благочестия победы, / дверь рая, верных утверждение, Церкви ограждение, / которым уничтожено и упразднено проклятие, / и поглощена сила смерти, / и мы вознесены от земли к небесам, / оружие непобедимое, демонам противоборствующий, / слава мучеников, / преподобных истинное украшение, / пристанище спасения, / дарующий миру великую милость.]
Гряди́, первозда́нная дво́ице, / ли́ка отпа́дшая го́рних, за́вистию человекоуби́йцы, / го́рькою сла́стию дре́ва, дре́вле вкуше́нием. / Се всечестно́е вои́стинну Дре́во предгряде́т, / к нему́же прите́кше ра́достию облобыза́йте, / и возопи́йте к нему́ с ве́рою: / ты на́ше воззва́ние, Кре́сте всечестны́й, / дре́во Богоблаже́нное, са́де небе́сный, / его́же плода́ причасти́вшеся, нетле́ние улучи́хом, / Еде́ма пе́рваго прие́мше изве́стно, / и ве́лию ми́лость.
[Иди, первозданных двоица, / отпавшая от хора горних Сил по зависти человекоубийцы, / через вкушение в древности / горького услаждения от древа. / Вот, воистину всесвященное Древо пред нами является! / К нему прибегая, радостно его обнимите, / и возгласите к нему с верою: / «Ты наша помощь, Крест всесвященный, / древо богоблаженное, насаждение небесное! / Твоего плода вкусив, мы бессмертия достигли, / получив Эдем прежний непреложно / и великую милость.]
Сла́ва, глас 3: Христе́ Бо́же наш, / во́льное распя́тие во о́бщее воскресе́ние ро́да челове́ческаго восприе́мый, / и тро́стию Креста́, обагре́нием червле́ным Своя́ пе́рсты окровави́вый, / оста́вительная нам ца́рски подписа́ти человеколю́бствовавый, / не пре́зри нас, бе́дствующих, и па́ки от Тебе́ разстоя́ние, / но уще́дри, еди́не долготерпели́ве, во обстоя́нии лю́ди Твоя́, / и воста́ни, побори́ борю́щия ны, я́ко всеси́лен.
[Христе Боже наш, / добровольное распятие ради общего воскресения рода человеческого принявший, / и Крестом и кровью, обагрившей персты Твои, / как тростью и пурпуром освобождение нам по-царски подписать / человеколюбиво благоволивший! / Не презри нас, бедствующих и вновь с Тобою разделенных, / но пожалей, Единый Долготерпеливый, / в напастях пребывающий Твой народ, / и восстань, сразись с воюющими против нас, / как всемогущий!]
И ны́не, Богородичен гласа.
Вход. Све́те ти́хий: Прокимен: Госпо́дь воцари́ся: Ектения, и прочее яко обычно.
На литии стихира храма.
Сла́ва, и ны́не, глас 5: Зря́щи Тя тварь вся на Кресте́ на́га ви́сяща, / Соде́теля и Зижди́теля всех, / изменя́шеся стра́хом, и рыда́ше; / со́лнце же свет омрачи́, / и земля́ колеба́шеся, ка́мение же разседа́шеся, / и хра́ма све́тлость раздира́шеся. / Ме́ртвии воста́ша от гробо́в, / и а́нгельския си́лы ужасо́шася, глаго́люще: / о чудесе́! Судия́ су́дится, / и стра́ждет хотя́ за спасе́ние ми́ра, и обновле́ние.
[Все творение, видя висящим на Кресте нагим / Тебя, Творца и Создателя всего, / изменялось в страхе и сокрушалось: / солнце умалило свет и земля волновалась, / скалы же распадались и блистающая завеса храма разрывалась, / мертвые восставали из гробниц / и Ангельские воинства поражались и восклицали: / «О чудо! Судия подвергается суду, / страдает добровольно / для спасения мира и обновления!»]
На стиховне стихиры осмогласника, яже по алфавиту.
Сла́ва, и ны́не, глас 4: Пособи́вый, Го́споди, кро́ткому Дави́ду / победи́ти иноплеме́нника, / ве́рным лю́дем на́шим спобо́рствуй, / и ору́жием Креста́ низложи́ враги́ на́ша, / покажи́ благоутро́бне на нас дре́вния ми́лости Твоя́, / и да разуме́ют вои́стинну, я́ко Ты еси́ Бог, / и на Тя наде́ющиися побежда́ем, / моля́щиися обы́чно Пречи́стей Твое́й Ма́тери, / дарова́тися нам вели́цей ми́лости.
[Господи, Ты помог кротчайшему Давиду / победить иноплеменника, / и верному нашему царю содействуй в битвах, / и оружием Креста врагов наших низложи; / яви на нас, Милосердный, древние милости Твои, / и да познают истинно, что Ты – Бог, / и мы, на Тебя надеясь, побеждаем, / при обычных пречистой Твоей Матери ходатайствах / о даровании нам великой милости.]
Тропарь, Богоро́дице Де́во: дважды и крестный единожды, глас 1: Спаси́, Го́споди, лю́ди Твоя.
И прочее последование бдения: яко обычно.
Последование утрени
По шестопсалмии, Бог Госпо́дь, во глас осмогласника, и глаголем тропарь воскресный дважды.
Сла́ва, тропарь крестный, глас 1:
Спаси́, Го́споди, лю́ди Твоя́, / и благослови́ достоя́ние Твое́, / побе́ды правосла́вным христиа́ном на сопроти́вныя да́руя, / и Твое́ сохраня́я Кресто́м Твои́м жи́тельство.
[Спаси, Господи, людей Твоих / и благослови наследие Твое, / победы над врагами даруя / и Крестом Твоим сохраняя Твой народ.]
И ны́не, Богородичен: Гаврии́лу веща́вшу Тебе́, Де́во, ра́дуйся, / со гла́сом воплоща́шеся всех Влады́ка, / в Тебе́, святе́м киво́те, / я́коже рече́ пра́ведный Дави́д: / яви́лася еси́ ши́ршая небе́с, / поноси́вши Зижди́теля Твоего́. / Сла́ва все́льшемуся в Тя, / сла́ва проше́дшему из Тебе́, / сла́ва свободи́вшему нас рождество́м Твои́м.
[Гавриил возгласил Тебе, Дева, «Радуйся», / и с тем возгласом воплощался всех Владыка / в Тебе, святом Ковчеге, / как сказал праведный Давид. / Явилась Ты пространнее небес, / носив Создателя Твоего. / Слава Вселившемуся в Тебя; / слава Происшедшему из Тебя; / слава Освободившему нас рождением от Тебя.]
И обычное стихословие. Седальны глаголем воскресны.
По полиелеи, [аще где храм честнаго Креста] седален Креста, глас 8.
Подобен: Повеле́нное та́йно:
В раи́ у́бо пре́жде дре́вом / обнажи́ о вкуше́нии враг, нанося́ умерщвле́ние, / Креста́ же дре́во, живота́ одея́ние челове́ком нося́, наведе́ на земли́, / и мир весь испо́лнися вся́кия ра́дости. / Его́же ви́дяще покланя́ема, / Бо́гу в ве́ре лю́дие согла́сно воззове́м: / испо́лнь храм сла́вы Его́. [Дважды.]
[В раю прежде враг нас обнажил, / вкушением от древа принося умерщвление; / но Древо Креста, одеяние жизни людям несущее, / водружено было на земле, / и весь мир исполнился всякой радости. / Видя поклонение Ему, / мы, люди, с верою согласно Богу воззовем: / «Исполнен храм славы Его!»]
Степенна гласа. Евангелие утреннее. Воскресе́ние Христо́во: псалом 50.
Слава, глас 8: Покая́ния отве́рзи ми две́ри, Жизнода́вче, / у́тренюет бо дух мой ко хра́му свято́му Твоему́, / храм нося́й теле́сный весь оскверне́н: / но я́ко щедр, очи́сти / благоутро́бною Твое́ю ми́лостию.
И ныне, Богородичен: На спасе́ния стези́ наста́ви мя, Богоро́дице, / сту́дными бо окаля́х ду́шу грехми́, / и в ле́ности все житие́ мое́ ижди́х: / но Твои́ми моли́твами / изба́ви мя от вся́кия нечистоты́.
Таже, глас 6: Поми́луй мя, Бо́же, / по вели́цей ми́лости Твое́й, / и по мно́жеству щедро́т Твои́х, / очи́сти беззако́ние мое́.
Мно́жества соде́янных мно́ю лю́тых помышля́я окая́нный, / трепе́щу стра́шнаго дне су́днаго: / но наде́яся на ми́лость благоутро́бия Твоего́, / я́ко Дави́д вопию́ Ти: / поми́луй мя, Бо́же, / по вели́цей Твое́й ми́лости.
Канон воскресен, и Богородицы, на 6, таже Триоди на 8, творение господина Феодора Студита. Глас 1.
Песнь 1.
Ирмос: Воскресе́ния день, / просвети́мся, лю́дие. / Па́сха, Госпо́дня Па́сха, / от сме́рти бо к жи́зни, / и от земли́ к небеси́, / Христо́с Бог нас преведе́, / побе́дную пою́щия.
[Воскресения день! / Просияем люди! / Пасха! Господня Пасха! / Ибо от смерти к жизни и с земли к небесам / Христос Бог нас перевел, / песнь победную поющих.]
Торжества́ день, воста́нием Христо́вым, / смерть безве́стна показа́ся, / жи́зни возсия́ заря́, / Ада́м воста́в лику́ет ра́достию, / те́мже воскли́кнем, побе́дную пою́ще.
[Торжества день: / воскресением Христовым / смерть с наших глаз исчезла, / воссияла жизни заря, / Адам, восстав, ликует радостно; / потому воскликнем, / песнь победную воспевая.]
Поклоне́ния день честна́го Креста́, / прииди́те к сему́ вси, / воста́ния бо Христо́ва зари́, / светосия́яй предлага́ет ны́не, / того́ облобыза́им душе́вно ра́дующеся.
[День поклонения / священному Кресту, / придите к Нему все: / ибо Он восстания Христова лучи, / светом сияя, являет ныне; / Его облобызаем с душевной радостью.]
Яви́ся вели́кий Госпо́день Кре́сте, / покажи́ ми зрак Боже́ственный красоты́ твоея́ ны́не, / досто́йно покло́нника хвалы́ твоея́, / и́бо я́ко одушевле́нну тебе́, / и возглаша́ю, и облобыза́ю тя.
[Покажись, великий Господень Крест, / яви мне ныне образ / божественной красоты Твоей, / а меня самого – поклонником, / достойным восхвалять Тебя! / И вот, я Тебе и возглашаю, как одушевленному, / и обнимаю Тебя.]
Да восхва́лят согла́сно не́бо и земля́, / я́ко предлежи́т всем всеблаже́ннейший Крест, / на не́мже пригвожде́н теле́сне пожре́ся Христо́с, / того́ лобыза́им душе́вно ра́дующеся.
[Да возгласят согласно / хвалу небо и земля, / ибо лежит пред всеми / всеблаженнейший Крест, / на котором пригвожденный телесно / принесен был в жертву Христос; / будем лобызать его с душевной радостью.]
Слава, Троичен: О Тро́ице начерта́ньми! О Еди́нице зра́ком! / О́тче, Сы́не, и Ду́ше, / единоси́льная Еди́нице, / в сове́те и хоте́нии, и держа́вы нача́ле, мир Твой сохрани́, / мир подаю́щи.
[О Троица отличиями! / О Единица образом! / Отец, Сын и Дух, / равное силою Единство, / советом Своим, и волей, и могущественной властью / мiр Твой сохраняй, мир подавая.]
И ныне, Богородичен: Иску́са ника́коже ве́дущи му́жеска Де́во, / безсе́менно ражда́еши Младе́нца, / чи́сто но́сиши рожде́ние, / ми́ра Творца́ Христа́ Бо́га, / Того́ моли́ умири́ти вся́ческая.
[Общения с мужем не зная совсем, / Ты, Дева, без семени рождаешь Младенца, / непорочно носишь Рожденного, / мира Творца, Христа Бога; / Его умоли все умиротворить.]
Катавасия: Боже́ственнейший прообрази́ дре́вле Моисе́й, / в Чермне́м мо́ри / прове́д Изра́иля Кресто́м Твои́м, / во́ду жезло́м пресе́к, / песнь Тебе́ исхо́дную / воспева́я, Христе́ Бо́же.
[Божественнейший Моисей / в древности Крест Твой прообразовал, / когда в Красном море провел Израиль, / рассекши влагу жезлом, / и песнь исхода воспевая Тебе, Христе Боже.]
Песнь 3.
Ирмос: Прииди́те, пи́во пие́м но́вое, / не от ка́мене непло́дна чудоде́емое, / но нетле́ния исто́чник / из гро́ба одожди́вша Христа́, / в Не́мже утвержда́емся.
[Придите, будем пить питие новое, / не из камня бесплодного чудесно изводимое, / но бессмертия источник, / пролившийся из гроба Христом, / на Котором мы утверждаемся.]
Прииди́те, песнь пои́м но́ву, / разруше́ние а́дово торжеству́юще, / из гро́ба бо Христо́с воскре́се, / смерть плени́в, и спасе́ вся́ческая.
[Придите, песнь воспоем новую, / разрушение ада празднуя: / ибо из гроба Христос воскрес, / смерть победив, / и спас вселенную.]
Прииди́те, почерпе́м ве́рнии, / не от исто́чника источа́ющаго во́ду тле́нную, / но от исто́чника просвеще́ния, / Креста́ Христо́ва поклоне́нием, / о не́мже и хва́лимся.
[Придите, почерпнем, верные, / не из родника, изливающего воду тленную, / но от источника просвещения, / поклоняясь Христову Кресту, / Которым и хвалимся!]
Дре́вле, его́же прообразова́ше Моисе́й дла́ньма, / Крест Твой ны́не облобыза́юще, / у́мнаго Амали́ка побежда́ем, Влады́ко Христе́, / и́мже и спаса́емся.
[То, что в древности прообразовал / Моисей распростертыми руками, – / Крест Твой ныне обнимая, / невещественного Амалика побеждаем, Владыка Христе, / и им спасаемся.]
Очи́ма и устна́ма чи́стыма / пою́ще песнь ра́дования, / Госпо́дню Кресту́ ра́достию / поклони́мся ве́рнии, пле́щуще пе́сньми.
[Очами и устами чистыми, / исполняя ликующий напев, / Господню Кресту радостно поклонимся, верные, / с громогласными песнопениями.]
Слава, Троичен: Еди́наго в трех Ипоста́сех Бо́га безнача́льнаго чту: / неразде́льнаго Существа́ зра́ком, / Отца́, Сы́на, и Ду́ха Жива́го, / в ни́хже крести́хомся.
[Единого в трех Ипостасях / Бога безначального чту, / нераздельного образом естества: / Отца, Сына и Духа Живого, / в Которых мы крестились.]
И ныне, Богородичен: В купине́ Моисе́й Твое́ обра́зно та́инство дре́вле, Чи́стая, ви́де, / я́коже бо о́ныя пла́мень, / огнь Божества́ Твою́ утро́бу не опали́.
[В кусте терновом Моисей / в древности образно узрел / таинство Твое, Чистая: / ведь огонь Божества, как пламя тот куст, / Твоего чрева не опалил.]
Катавасия: Утверди́, Влады́ко Христе́, / Кресто́м на ка́мени мя ве́ры, / не поколеба́тися уму́ прило́ги врага́ зла́го, / еди́н бо еси́ Свят.
[Утверди, Владыка Христе, / Крестом Твоим меня на камне веры, / да не поколеблется ум мой / от нападений злого врага, / ибо Ты один свят!]
Седален, глас 6:
Крест Твой, Го́споди, освяти́ся, / в нем бо быва́ют исцеле́ния боля́щим во гресе́х, / и́мже Тебе́ припа́даем, поми́луй нас.
[Крест Твой, Господи, освящен: / ибо от него происходят исцеления / пребывающим в немощи греховной; / чрез него мы к Тебе припадаем, / помилуй нас!]
Стих: Возноси́те Го́спода Бо́га на́шего, и покланя́йтеся подно́жию но́гу Его́, / я́ко свя́то есть.
Днесь проро́ческое испо́лнися сло́во: / се бо покланя́емся, на ме́сто, / иде́же стоя́сте но́зе Твои́, Го́споди, / и дре́ва спасе́ния вкуси́вше, / грехо́вных страсте́й свобо́ду улучи́хом, / моли́твами Богоро́дицы, еди́не Человеколю́бче.
[В сей день исполнилось пророческое слово: / ибо вот, мы поклоняемся месту, / где стояли ноги Твои, Господи; / и от Древа спасения вкусив, / свободу от страстей греховных получили, / по молитвам Богородицы, единый Человеколюбец.]
Слава: То́кмо водрузи́ся дре́во, Христе́, Креста́ Твоего́, / основа́ния поколеба́шася сме́рти, Го́споди, / Его́же бо поглоти́ жела́нием ад, отпусти́ тре́петом. / Яви́л еси́ нам спасе́ние Твое́, Святы́й, / и славосло́вим Тя, Сы́не Бо́жий, поми́луй нас.
[Только лишь было водружено / древо Креста Твоего, Христе, / – и поколебались основания смерти, Господи: / ибо Того, Кого алчно поглотил ад, / он отпустил с трепетом. / Ты показал нам спасение Твое, Святой, / и мы славословим Тебя: / «Сын Божий, помилуй нас!»]
И ныне, Богородичен: Богоро́дице Де́во, моли́ Сы́на Твоего́ / пригво́ждшагося во́лею на Кресте́, / и воскре́сша из ме́ртвых, Христа́ Бо́га на́шего, / спасти́ся душа́м на́шим.
[Богородица Дева, моли Сына Твоего / добровольно пригвожденного ко Кресту / и воскресшего из мертвых, Христа Бога нашего, / о спасении душ наших.]
Песнь 4.
Ирмос: На Боже́ственней стра́жи / богоглаго́ливый Авваку́м / да ста́нет с на́ми, и пока́жет / светоно́сна А́нгела, / я́сно глаго́люща: / днесь спасе́ние ми́ру, / я́ко воскре́се Христо́с, / я́ко всеси́лен.
Се воскре́се Христо́с, / мироно́сицам жена́м а́нгел рече́: / не рыда́йте, ше́дше рцы́те апо́столом: / ра́дуйтеся, днесь спасе́ние ми́ру, / мучи́тельство врага́ сме́ртию разруши́ся.
[«Вот, воскрес Христос», – / женам-мироносицам Ангел возгласил, – / «не рыдайте, идите, / скажите апостолам: Радуйтесь! / В сей день – спасение миру: / самовластие врага / смертью уничтожено!»]
Живоно́снаго Твоего́ Креста́, / покло́нную ра́дость днесь Христе́ срета́юще, / предсре́тение твори́м всесвяты́я стра́сти Твоея́, / ю́же во спасе́ние ми́ра / соде́лал еси́ Спа́се, я́ко всеси́лен.
[Радость поклонения / Живоносному Твоему Кресту / в сей день, Христе, встречая, / предпразднство совершаем всесвятого страдания Твоего, / которое для спасения мира / Ты перенес, Спаситель, / как всемогущий.]
Днесь быва́ет ра́дость на небеси́ и на земли́, / я́ко Христо́во зна́мение ми́ру явля́ется Крест треблаже́нный, / сей бо предложе́н быв, / источа́ет кла́няющимся ему́ ра́дость приснотеку́щую.
[В сей день бывает радость / на небе и на земле, / ибо Христово знамение миру является, / Крест треблаженный: / ведь Он, лежащий перед нами, / источает поклоняющимся Ему / радость неиссякаемую.]
Что Ти принесе́м, Христе́, / я́ко честно́му Кресту́ дал еси́ нам поклони́тися? / На не́мже всесвята́я кровь Твоя́ излия́ся, / иде́же и плоть Твоя́ гвоздьми́ водрузи́ся, / его́же облобыза́юще ны́не благодари́м Тя.
[Что Тебе принесем Христе? / Ибо Ты священному Кресту / дал нам поклониться, / на котором излилась / всесвятая кровь Твоя, / к которому и плоть Твоя / гвоздями была прибита. / Его лобызая, ныне / Тебя благодарим.]
Троичен: Еди́наго Божества́ пою́ три Ипоста́си, / неразде́льно, есте́ственне про́сто пропове́дая, / Отца́ безнача́льна, Сы́на, и Ду́ха Свята́го сопресто́льна, / госпо́дство еди́но, и еди́но ца́рство, / еди́ну держа́ву присносу́щную.
[Единого Божества Три Ипостаси воспеваю, / нераздельным провозглашая простое Естество: / Отца безначального, Сына и Духа Святого сопрестольного, / господство единое и одно и то же Царство, / владычество вечное.]
Богородичен: Еди́на в жена́х яви́лася еси́ / вещь пречу́дна Чи́стая, слы́шание стра́шное, / естество́ бо Ты обнови́ла еси́, без се́мене ро́ждши, / пребыва́ющи па́ки я́коже пре́жде Де́ва, / роди́выйся бо из Тебе́, Бог есть и́стинный.
[Ты одна явила из всех жен / вещь пречудную, дело страшное: / ибо Ты, Чистая, обновила естество, / родив без семени, но пребывая вновь, как прежде Девой: / ведь Родившийся от Тебя – Бог истинный.]
Катавасия: На Кресте́ Тя, Си́льне, / свети́ло вели́кое ви́дев, / тре́петом взя́тся, / лучи́ сопря́тав скры, / вся же тварь воспе́ со стра́хом Твое́ долготерпе́ние, / и́бо испо́лнися земля́ / Твоего́ хвале́ния.
[На Кресте Тебя, Сильный, / светило великое узрев, / трепетом подвигнутое, лучи свои спрятало, сокрыло, / а все творение воспело в страхе Твое долготерпение; / и подлинно исполнилась земля / хвалою Тебе.]
Песнь 5.
Ирмос: У́тренюем у́треннюю глубоку́, / и вме́сто ми́ра песнь принесе́м Влады́це, / и Христа́ у́зрим / пра́вды Со́лнце, / всем жизнь возсия́юща.
[Бодрствовать будем с раннего утра / и, вместо мvра, песнь принесем Владыке, / и Христа узрим – правды Солнце, / всем жизнь излучающее.]
Возсия́л еси́ от гро́ба, незаходи́мый Све́те, / ми́ру облиста́я нетле́ние, / потреби́л еси́, Го́споди, сме́ртный плач от коне́ц, / я́ко благоутро́бен.
[Воссиял Ты из гроба, незаходящий Свет, / миру блистая нетлением, / и отогнал, Господи, смертную печаль / от концов земли, как милосердный.]
Присту́пим очище́ннии воздержа́нием, / те́пле облобыза́юще во хвале́нии Дре́во всесвято́е, / на не́мже Христо́с распина́емь, / спасе́ мир, я́ко благоутро́бен.
[Приступим, очищенные воздержанием, / горячо лобзая с хвалою Древо Всесвятое, / на Котором распинаемый, Христос / спас мир, как милосердный.]
Лику́ют в весе́лии а́нгельстии чи́ни, / днесь Креста́ Твоего́ поклоне́нием: / тем бо низложи́л еси́ бесо́вския полки́, / спасы́й, Христе́, челове́чество.
[Ликуют в веселии Ангелов полки / в сей день поклонения Кресту Твоему: / ибо Им Ты демонов полчища сокрушил / и спас, Христе, человечество.]
Рай други́й позна́ся Це́рковь, / я́коже пре́жде дре́во иму́щая живоно́сное, / Крест Твой, Го́споди, / из него́же прикоснове́нием безсме́ртию причасти́хомся.
[Раем иным явилась Церковь, / как прежде имея Древо живоносное / – Крест Твой, Господи; и мы, касаясь его, / чрез него к бессмертию приобщаемся.]
Слава, Троичен: Собезнача́льны три сла́влю, еди́наго Существа́: / Бо́га Отца́, Сы́на, и Ду́ха, / Свет еди́н трисия́тельный, / ку́пнодержа́вное ца́рство, в неслия́нном тождестве́.
[Трех равно безначальных славлю / Бога единого существом: / Отца, Сына и Духа, / Свет единый трисиятельнейший, / единовластное Царство / в неслитном тождестве.]
И ныне, Богородичен: Родила́ еси́ естества́ зако́ном, но па́че зако́на, / Тебе́ бо еди́ныя безсе́менно Рождество́, / стра́шный и помышля́емый нрав, / и глаго́лемый рожде́ния Твоего́, Всенепоро́чная.
[Зачала Ты по закону естества, / но и выше этого закона: / ибо у Тебя одной / роды были без семени; / страшно и постичь умом и возвестить / образ рождения от Тебя Христа, / Всенепорочная.]
Катавасия: У́тренююще Тя воспева́ем, Спа́се ще́дре, / мир обре́тше Кресто́м Твои́м, / и́мже обнови́л еси́ род челове́ческий / ко све́ту невече́рнему вводя́ нас.
[С рассвета мы воспеваем / Тебя, Спаситель мира, / мир обретя Крестом Твоим, / которым обновил Ты человеческий род, / приводя нас к свету немеркнущему.]
Песнь 6.
Ирмос: Снизше́л еси́ в преиспо́дняя земли́, / и сокруши́л еси́ вереи́ ве́чныя, / содержа́щия свя́занныя, Христе́, / и тридне́вен, я́ко от ки́та Ио́на, / воскре́сл еси́ от гро́ба.
[Сошел Ты в глубочайшие места земли / и сокрушил засовы вечные, / державшие заключенных в оковы, Христе, / и на третий день, как из кита Иона, / воскрес из гроба.]
Воскре́сл еси́ смерть упраздни́в, Христе́, / я́коже вели́кий Царь, / от а́довых сокро́вищ воззва́л еси́ нас / в наслажде́ние Ца́рства Небе́снаго, в зе́млю безсме́ртия.
[Ты воскрес, смерть сокрушив, Христе, / как великий Царь, / из хранилищ ада призвав нас / к наслаждению Царства Небесного, / в землю бессмертия.]
Пле́щуще пе́сньми Боже́ственными, ве́рнии, воскли́кнем Бо́гу, / Крест Госпо́день целу́юще, / освяще́ния бо источа́ет исто́чник, всем су́щим в ми́ре.
[Рукоплеща песнями божественными, / воскликнем Богу, верные, / Крест Господень целуя: / ибо изливает Он источник освящения / всем, живущим в мире.]
Исполня́ется песнописа́тельный глас: / се бо покланя́емся пречи́стых ног Твои́х подно́жию Всеси́льне, / Кресту́ Твоему́ честно́му, тривожделе́нному дре́ву.
[Исполняется слово из песнопения: / ибо вот, мы поклоняемся / пречистых ног Твоих подножию, Всесильный, / священному Твоему Кресту, / трижды вожделенному Древу.]
Е́же ви́де дре́во в Твой хлеб вложе́ное, во проро́цех рыда́тель, / Крест Твой, Ще́дре, облобыза́юще, / воспева́ем Твоя́ у́зы, и погребе́ние, копие́ же и гво́здия.
[Древо, вложенное в Твой хлеб, / то, что узрел / скорбный песнопевец из числа пророков, / Крест Твой целуя, Милосердный, / мы воспеваем Твои узы, и погребение, / и копье с гвоздями.]
На ра́мех его́же изво́лил еси́, Христе́, носи́ти святы́й Крест, / и на сем вознести́ся, и распя́тися пло́тию, / облобыза́юще собира́ем кре́пость на враги́ неви́димыя.
[На плечах благоволил Ты, Христе, / Крест святой нести, / и на нем быть вознесенным и распятым плотию; / обнимая его, мы получаем силу / против врагов невидимых.]
Троичен: Еди́ницу в трех начерта́ниих пою́, / и Тро́ицу во еди́ном естестве́ покланя́емую,/ Бо́га тро́е ку́пно, Свет трисо́лнечный, / Отца́, и Сы́на, и Свята́го Ду́ха.
[Единицу с тремя отличиями воспеваю / и Троицу, в естестве едином поклоняемую, Бога: / Трех вместе, Свет трисолнечный, / Отца, и Сына, и Святого Духа.]
Богородичен: Чуде́с вели́кое чу́до в Тебе́ яви́ся нескве́рная А́гнице, / взе́млющаго бо ми́ра грех, А́гнца родила́ еси́, / Его́же моли́ приле́жно о пою́щих Тя.
[Из чудес великое чудо / в Тебе явилось, непорочная Агница, / ибо подъемлющего грех мира Агнца Ты родила. / Моли Его усердно о воспевающих Тебя.]
Катавасия: О́браз Боже́ственнаго Креста́, / Ио́на во чре́ве ки́тове / просте́ртыма дла́ньма проначерта́, / и взира́ше спасе́н от зве́ря / си́лою Твое́ю, Сло́ве.
[Образ божественного Креста / Иона во чреве кита / распростертыми руками предначертал, / и воспрянул, от зверя спасенный / силою Твоею, Слово.]
Кондак, глас 7. Самогласен:
Не ктому́ пла́менное ору́жие храни́т врат Еде́мских, / на ты́я бо на́йде пресла́вный соу́з дре́во Кре́стное, / сме́ртное жа́ло и а́дова побе́да прогна́ся, / предста́л бо еси́, Спа́се мой, вопия́ су́щим во а́де: / вни́дите па́ки в рай.
[Уже пламенный меч / не охраняет врат Эдема, / ибо он чудесно связан / древом Креста. / Изгнаны жало смерти и победа ада, / и Ты, Спаситель мой, предстал, / взывая во аде пребывавшим: / «Снова входите в рай!»]
Икос: Три кресты́ водрузи́ на Голго́фе Пила́т, / два разбо́йников, и еди́н Жизнода́вца. / Его́же ви́де ад, и рече́ су́щим до́ле: / о слуги́ мои́, и си́лы моя́! / Кто водрузи́в гво́здие в се́рдце мое́, / древяны́м мя копие́м внеза́пу прободе́? / И растерза́юся, вну́тренними мои́ми болю́, утро́бою уязвля́юся, / чу́вства моя́ смуща́ют дух мой, / и понужда́юся изрыга́ти Ада́ма, и су́щия от Ада́ма, дре́вом да́нныя ми: / Дре́во бо сия́ вво́дит па́ки в рай.
[Три креста водрузил на Голгофе Пилат: / два – разбойникам, и один – жизни Подателю. / Его увидел ад и обратился / к находившимся в преисподней: / «О служители мои и воинства мои! / Кто Он, вонзивший гвоздь в сердце мое? / Деревянным копьем Он пронзил меня внезапно, / и скоро буду я расторгнут! / Внутренности мои болят, чрево мое страдает, / чувства мои дух мой томят, / и понуждаем я извергнуть Адама и тех, кто от Адама, / из-за древа преданных мне. / Ведь это Древо их вводит снова в рай!»]
Синаксарий.
Песнь 7.
Ирмос: О́троки от пе́щи изба́вивый, / быв Челове́к, / стра́ждет я́ко сме́ртен, / и стра́стию сме́ртное, / в нетле́ния облачи́т благоле́пие, / Еди́н благослове́н / отце́в Бог и препросла́влен.
[Отроков из печи Избавивший, / став человеком, / страдает как смертный, / и Своим страданием / облекает смертное в красоту бессмертия, / Единый благословенный / Бог отцов и препрославленный.]
Воскре́сл еси́ из гро́ба тридне́вно, я́ко спяй, Го́споди, / а́довы вра́тари порази́в Боже́ственною си́лою, / и дре́вния воздви́г пра́отцы / еди́не благослове́нный / отце́в Бо́же и препросла́вленный.
[Восстал Ты в третий день из гроба, / как от сна, Господи, / привратников ада поразив / божественною силою / и воздвигнув древних праотцев, / Единый благословенный / Бог отцов и препрославленный.]
Цевни́цею пе́сней лику́юще / возра́дуемся днесь лю́дие Кре́стным поклоне́нием / на сем пригвозди́вшагося Христа́ сла́вяще, / еди́наго благослове́ннаго / отце́в Бо́га и препросла́вленнаго.
[С лирой песней торжествуя, / в сей день возрадуемся, люди, / ради поклонения Кресту, / на нем пригвожденного Христа славя, / Единого благословенного / Бога отцов и препрославленного.]
Показа́вый умерщвле́ния орга́н, жи́зни де́лателище, / ми́ру облобыза́тельное, Твой Крест Всеще́дре, / тому́ покланя́ющияся освяти́, / еди́не благослове́нный / отце́в Бо́же и препросла́вленный.
[Явив орудие умерщвления / жизни источником, желанным миру, / Крест Твой, Всемилосердный, / Ему поклоняющихся освяти, / Единый благословенный / Боже отцов, и препрославленный.]
Еди́не ми́лостиве и благоутро́бне, просвети́, / освяти́ еди́не Иису́се, / покланя́ющияся ве́рно Твоему́ Кресту́ , / и Боже́ственным страда́нием, / еди́не благослове́нный / отце́в Бо́же и препросла́вленный.
[Единый милостивый и благосердный, / просвети, освяти, единый Иисусе, / поклоняющихся с верою / Твоему Кресту и божественным страданиям, / Единый благословенный / Боже отцов и препрославленный.]
Слава, Троичен: Еди́ницу в трех Ипоста́сех, пою́ Божество́: / Свет бо Оте́ц, Свет Сын, Свет Дух, / Све́ту неразде́льну пребыва́ющу, / еди́нством есте́ственным, / и треми́ луча́ми Лиц сия́ющу.
[Как Единицу в трех Ипостасях / я воспеваю Божество: / ибо свет Отец, свет Сын, свет Дух, / Свет, нераздельным пребывающий в единстве Естества / и тремя лучами Лиц сияющий.]
И ныне, Богородичен: Всех проро́к многоимени́тое Ты еси́ пропове́дание, / врата́ бо Бо́жия, ру́чка злата́я, земля́ свята́я, / яви́лася еси́ Де́во Богоневе́стная, / ро́ждшая пло́тию Иису́са Христа́, / отце́в Бо́га и препросла́вленна.
[Ты всех пророков проповедь многоименная, / ибо вратами Божиими, золотым сосудом с манной, / землей святою Ты явилась, / Дева, Божия Невеста, / родившая по плоти Иисуса Христа, / Бога отцов, и препрославленного.]
Катавасия: Из пла́мене о́троки избавле́й, / плоть прии́м прише́л еси́ на зе́млю, / и на Кресте́ пригвожде́н, / спасе́ние нам дарова́л еси́, Христе́, / еди́н благослове́н отце́в Бо́же, / и препросла́влен.
[Из пламени отроков Избавивший, / плоть приняв, пришел на землю / и, пригвожденный ко Кресту, / спасение нам даровал, – / Единый благословенный Бог отцов / и препрославленный.]
Песнь 8.
Ирмос: Сей нарече́нный и святы́й день, / Еди́н суббо́т Царь и Госпо́дь, / пра́здников пра́здник / и торжество́ есть торже́ств, / во́ньже благослови́м Христа́ во ве́ки.
[Этот желанный и святой день, / первый от субботы, царственный и главный, / есть праздников праздник / и торжество из торжеств. / В сей день благословляем Христа вовеки!]
Ми́ро в рука́х что держите́ вся́ко? / Кого́ же взыску́ете? / Ны́не явле́йся ю́ноша во гро́бе, вопия́: / воскре́се Христо́с и Бог наш, / возста́вивый естество́ челове́ков от а́довых сокро́вищ.
[«Миро что еще держите в руках? / И Кого вы ищете?» / – ныне явившийся во гробе юноша взывает, – / «Воскрес Христос и Бог наш, / воздвигнув смертных естество / из адских глубин!»]
Ра́дуйся требога́тое дре́во и Боже́ственное, Кре́сте, / све́те су́щим во тьме, / четвероконе́чный мир сия́нием твои́м, / воста́ния Христо́ва проявле́й зари́, / сподо́би вся ве́рныя дости́гнути Па́сху.
[Радуйся, Древо треблаженное и божественное, / Крест, свет пребывающим во тьме, / четырехконечный мiр, / блеском Твоим предвещающий / воскресения Христова сияние, / удостой всех верных достигнуть Пасхи.]
В сий день благоуха́ют ми́ра боже́ственныя мирополо́жницы, / живоми́рственное дре́во Крест Христо́в, / обоня́им его́ Богодухнове́нныя вони́, / тому́ покланя́ющеся ве́рно во ве́ки.
[В сей день благоухает миро / из божественного своего вместилища / Древо, полное аромата животворного, Крест Христов: / ощутим Его запах богодухновенный, / поклоняясь Ему с верою вовеки.]
Гряди́ Елиссе́е проро́че, / рцы я́ве, что дре́во о́ное, / е́же в во́ду вложи́л еси́? / Крест Христо́в, и́мже от глубины́ тли извлеко́хомся, / тому́ покланя́ющеся ве́рно во ве́ки.
[Иди, Елисей пророк, скажи открыто, / что это за дерево, которое в воду ты вложил? / Это Крест Христов, / которым мы извлечены были из глубины тления / и поклоняемся Ему с верою вовеки.]
Дре́вле Иа́ков прообразу́я Крест Твой, Христе́, / Ио́сифа покланя́шеся Боже́ственнаго жезла́ кра́еви, / скиптр сей стра́шный Ца́рствия Твоего́ предви́дев: / ему́же ны́не покланя́емся ве́рно во ве́ки.
[В древности Иаков, / прообразуя Крест Твой, Христе, Иосифу, / преклонялся на верх божественного жезла, / скипетр сей страшный Царства Твоего провидев, / которому мы ныне с верою / поклоняемся вовеки.]
Благослови́м Отца́ и Сы́на и Свята́го Ду́ха, Го́спода.
Троичен: Еди́но в трех начерта́ниих Существо́ сла́вя, / не слива́ю единоли́чно трех, ниже́ пресеца́ю зра́ка, / Отца́, и Сы́на, со Ду́хом: / Еди́н бо над все́ми Бог в Тро́ице.
[Единое Существо с тремя отличиями славя, / не сливаю Трех в одно лицо, / и не рассекаю единства образа / Отца и Сына с Духом: / ибо один над всеми Бог в Троице.]
И ны́не и при́сно и во ве́ки веко́в, ами́нь.
Богородичен: Еди́на в ма́терех яви́лася еси́, / Де́ва Богоневе́сто Мари́е, / без му́жа роди́вши Христа́ Спа́са, / чистоты́ зна́мение сохрани́вши: / Тебе́ ублажа́ем ве́рнии во ве́ки.
[Одна среди матерей явилась Ты, / Дева Мария, Божия Невеста, / без мужа родившей Спасителя Христа / и чистоты печать сохранившей; / Тебя мы, верные, прославляем вовеки.]
Катавасия: Ру́це в ров ве́рженый львов, / иногда́ вели́кий во проро́цех, / крестообра́зно просте́р Дании́л, / неврежде́н от сих сне́ди спасе́ся, / благословя́ Христа́ Бо́га во ве́ки.
[Некогда в ров со львами вверженный / и руки распростерший крестообразно / великий среди пророков Даниил / невредимым от съедения ими сохранился, / благословляя Христа Бога вовеки.]
Песнь 9.
Ирмос: Свети́ся, свети́ся, / но́вый Иерусали́ме: / сла́ва бо Госпо́дня / на тебе́ возсия́, / лику́й ны́не / и весели́ся, Сио́не. / Ты же, Чи́стая, красу́йся, Богоро́дице, / о воста́нии Рождества́ Твоего́.
[Светись, светись, новый Иерусалим, / ибо слава Господня над тобою взошла! / Ликуй ныне и красуйся, Сион! / Ты же радуйся, Чистая Богородица, / о воскресении Рожденного Тобой.]
Во гроб соше́л еси́ жизнода́вче и Бо́же, / и сокруши́л еси́ вся закле́пы же и вереи́, / и ме́ртвыя воскреси́л еси́, / сла́ва воста́нию Твоему́, вопию́щия, / Христе́ Спа́се всеси́льне.
[Во гроб Ты сошел, / Податель жизни и Боже, / и все: и замки ада, и засовы сокрушил, / и мертвых воздвиг, взывавших: / «Слава воскресению Твоему, / Христе, Спаситель всемогущий!»]
Гроб Твой жизнь мне Христе́ источи́, содержа́й бо жизнь, / предста́в возопи́л еси́ живу́щим во гробе́х: / су́щии во у́зах разреши́теся, / Аз бо ми́ра избавле́ние приидо́х.
[Гроб Твой жизнь мне источил, Христе, / ибо Ты, Владыка жизни, / представ, вогласил обитателям гробниц: / «Те, кто во узах, дается вам свобода, / ибо Я, мира избавление, пришел!»]
Пе́сньми да взыгра́ют вся древа́ дубра́вная, / тезоимени́тое дре́во Креста́ зря́ще облобыза́емое днесь: / на не́мже Христо́с вознесе́ главу́, / я́коже проро́чествует боже́ственный Дави́д.
[С песнопениями да возликуют / все деревья дубрав, / соименное им Древо Крестное созерцая, / лобзаемое в настоящий день: / на нем Христос вознес Свою главу, / как Давид божественный пророчествует.]
Дре́вом уме́рый, дре́во тя обрето́х жи́зни, Христоно́сне Кресте мой, / храни́телю мой неруши́мый, / на де́моны кре́пкая держа́во, / тебе́ покланя́яйся днесь зову́: / освяти́ мя сла́вою твое́ю.
[Из-за райского дерева умерший, / как древо жизни я Тебя обрел, / христоносный мой Крест, / хранитель мой несокрушимый, / против демонов могущественная сила! / Тебе поклоняясь, я в сей день взываю: / «Освяти меня славою Твоей!»]
Весели́ся, ра́дуйся, Це́рковь Бо́жия, / дре́ву требога́тному покланя́ющися днесь, / всесвята́го Креста́ Христо́ва: / Ему́же слу́жат чи́нове а́нгельстии, / и со стра́хом предстоя́т.
[Веселись, радуйся, Церковь Божия, / трижды славному Древу / всесвятого Креста Христова поклоняясь в сей день, / которому полки Ангелов служат / и со страхом предстоят.]
Троичен: Тро́ице Ли́цы, еди́нице Естество́м покланя́юся, / Тебе́ Божество́ Свято́е, / Отцу́, и Сы́ну, со Святы́м же Ду́хом, / еди́ному нача́лу, еди́ному Ца́рству, / все́ми влады́чествующему.
[Троице Лиц, Единице естеством / поклоняюсь я Тебе, Божество Святое: / Отцу и Сыну со Святым Духом, / единому Началу, единому Царству, / над всеми Владычествующему.]
Богородичен: Гора́ вели́кая в ню́же всели́ся Христо́с, / Ты яви́лася еси́ Де́во, / я́коже боже́ственный Дави́д вопие́т: / Е́юже мы вознесо́хомся к небеси́, / всыни́вшеся Ду́хом Всеблаже́нная.
[Горой великой, в Которую вселился Христос, / Ты явилась, Дева Всеблаженная, / как божественный Давид взывает. / Ею мы возвысились к небесам, / получив усыновление Духом.]
Катавасия: О Ма́ти Де́во, / и Богоро́дице нело́жная, / ро́ждшая безсе́менно Христа́ Бо́га на́шего, / на Крест возне́сшагося пло́тию, / Тя ве́рнии вси досто́йно с Ним ны́не велича́ем.
[О Матерь-Дева и Богородица истинная, / родившая без семени Христа Бога нашего, / на Крест вознесшегося плотию! / Тебя все мы, верные, вместе с Ним / достойно ныне величаем.]
Ексапостиларий воскресен. И Креста.
Подобен: Со ученики́:
Слава: Крест Христо́в честны́й / днесь предложе́нный ви́девше поклони́мся, / и ве́рно возвесели́мся, облобыза́юще любо́вию, / на сем во́лею распе́ншагося прося́ще Го́спода, сподо́бити всех нас, / и Кресту́ честно́му поклони́тися, / и дости́гнути Воскресе́ние неосужде́нно.
[Крест Христов драгоценный / узрев в сей день / пред нами возлежащим, поклонимся / и с верою возвеселимся, / с любовию его лобзая, / и на нем добровольно распятого Господа прося / удостоить всех нас и Кресту священному поклониться, / и Воскресения всем достигнуть неосужденно.]
И ныне, Богородичен: Дре́ву, на не́мже Всечи́стая, / пречи́стеи дла́ни о нас простре́, / пригвозди́выйся Сын Твой, / ны́не благоче́стно покланя́ющимся, / даждь нам мир, и мироспаси́тельныя всечестны́я стра́сти предвари́ти, / и све́тлой мирора́достной господоимени́той Па́сце поклони́тися, и светоно́сному дню.
[Древу, на котором пречистые Свои длани / за нас распростер пригвожденный на нем / Сын Твой, Всечистая, / ныне мы благоговейно поклоняемся. / Даруй же нам мир / и удостой достигнуть спасительных для мiра / дней всесвященных страданий Христа, / и светлой и миру радостной Господней Пасхе поклониться / и светоносному дню!]
На хвалитех поставим стихов 8, и поем стихиры воскресны, осмогласника 4, и трипеснца подобны 3, повторяюще 1, глас 4.
Подобен: Я́ко до́бля:
Во гла́сех воскли́кнем, / в пе́снех возвели́чим, / Крест честны́й облобыза́юще, / и к нему́ возопии́м: / Кре́сте всече́стне, / освяти́ на́ша ду́ши и телеса́ си́лою твое́ю, / и от вся́каго вре́да сопроти́вных соблюди́ неврежде́ны, / благоче́стно покланя́ющияся тебе́.
[Громко воскликнем, / в песнях возвеличим / Крест драгоценный, его лобзая, / и к нему возгласим: / «Крест всесвященный, / освяти наши души и тела силою твоею, / и от всякого вреда противников неуязвимыми сохрани / благоговейно тебе поклоняющихся!»]
Приступи́вше почерпи́те неистоща́емых вод, / Креста́ благода́тию пролива́емых: / се предлежа́щее ви́дяще Дре́во свято́е, / дарова́ний исто́чник, / напое́ное кро́вию и водо́ю Влады́ки всех, / на том во́лею возне́сшагося, / и земны́я воздви́гшаго.
[Приступив, почерпните / из потоков неистощимых, / благодатию Креста изливаемых: / вот, мы видим лежащее пред нами / святое Древо, дарований источник, / орошенное кровию и водою из ребра Владыки всех, / добровольно вознесенного на нем / и смертных вознесшего.]
Стих: Возноси́те Го́спода Бо́га на́шего, и покланя́йтеся подно́жию но́гу Его́, / я́ко свя́то есть.
Це́ркве утвержде́ние, / мона́шествующих похвала́ и спасе́ние, / ты еси́ Кре́сте всече́стне, / те́мже покланя́ющеся тебе́, / и се́рдцем и душе́ю просвеща́емся днесь, / Боже́ственною благода́тию на тебе́ Пригвозди́вшагося, / и держа́ву льсти́ваго разори́вшаго, / и кля́тву потре́бльшаго.
[Церкви утверждение, царей могущество, / монашествующих похвала и спасение / ты, Крест всесвященный; / потому, поклоняясь тебе, / мы и сердцем и душою просвещаемся в сей день / божественною благодатию на тебе Пригвожденного, / и силу коварного врага сокрушившего, / и проклятие изгладившего.]
Стих: Бог же Царь наш пре́жде ве́ка, / соде́ла спасе́ние посреде́ земли́.
И повторяюще первую стихиру, таже глаголем стих: Воскресни́, Го́споди Бо́же мой, да вознесе́тся рука́ Твоя́, / не забу́ди убо́гих Твои́х до конца́.
И поем самогласен, глас 8:
Высокому́драго ра́зума злых фарисе́ев, / всех Госпо́дь при́тчею убежа́ти сего́ научи́, / и не высокому́дрствовати па́че, / е́же подоба́ет му́дрствовати, / всех наказа́, прописа́ние и о́браз Сам быв, / да́же до распя́тия и сме́рти, / Сам Себе́ излия́в. / Благодаря́ще у́бо с мытаре́м рцем: / пострада́вый за ны, и безстра́стен пребы́вый, Бо́же, / от страсте́й нас изба́ви, / и спаси́ ду́ши на́ша.
[Высокомудрствующего разума порочнейших фарисеев / Господь всех притчею избегать научил / и не высокомудрствовать более, чем подобает мудрствовать, всех наставил, / Сам став примером того и образцом, / до распятия и смерти Сам Себя уничижив. / Потому благодарно с мытарем возгласим: / «Пострадавший за нас и бесстрастным пребывший Боже, / от страстей нас избавь, / и спаси души наши!»]
Сла́ва, паки тойже. И ны́не: Преблагослове́нна еси́:
Славословие великое. Егда же начинаем пети: Сла́ва в вы́шних: Тогда приидет иерей оболчен во вся священническия одежды, [или аще где будет старей, то от первейшаго в своих им местех должно есть сему быти]. И взем кадильницу, кадит святую трапезу, и честный Крест, таже подъемлет его на дискосе со хранильницею на главу свою, и исходит от левыя страны престола северными дверьми, предыдущим ему свещам двум, и кадильнице, и отходит до царских врат. Скончану же бывшу славословию, и Трисвятому, глаголет священник: Прему́дрость, про́сти. И начинаем тропарь: Спаси́ Го́споди лю́ди Твоя́: трижды. И приходит иерей нося честный Крест пред святыя двери: и тамо уготовану четвероножнику, и полагается верху его честный Крест, и отверз хранильницу, кадит крестообразно от четырех стран.
И абие поем тропарь, глас 6:
Кресту́ Твоему́ покланя́емся, Влады́ко, / и свято́е Воскресе́ние Твое́ сла́вим. [Трижды.]
И начинают покланятися, аще где во обители, игумен, или ин первенствуяй во священных, такожде и прочии священницы покланяющеся пред честным Крестом дважды. Целуют же прежде старейшии, и по целовании, паки покланяются единожды, такожде творят и прочии священницы, десная страна и левая. Такожде приходит и братия два два покланяющеся по чину их.
Кланяющимся же братиям поем самогласны сия, глас 2:
Прииди́те ве́рнии, / животворя́щему Дре́ву поклони́мся, / на не́мже Христо́с Царь сла́вы во́лею ру́це распросте́р, / вознесе́ нас на пе́рвое блаже́нство, / и́хже пре́жде сла́стию враг укра́д, / изгна́ны от Бо́га сотвори́. / Прииди́те ве́рнии, Дре́ву поклони́мся, / и́мже сподо́бихомся неви́димых враг сокруши́ти главы́. / Прииди́те вся оте́чествия язы́ков, / Крест Госпо́день пе́сньми почти́м: / ра́дуйся Кре́сте, па́дшаго Ада́ма соверше́нное избавле́ние! / О тебе́ ве́рнии хва́лятся, / я́ко твое́ю си́лою исма́ильтеския лю́ди держа́вно покаря́ющии. / Тебе́ ны́не со стра́хом христиа́не целу́юще: / на тебе́ пригвозди́вшагося Бо́га сла́вим, глаго́люще: / Го́споди, на том пригвозди́выйся, поми́луй нас, / я́ко Благ и Человеколю́бец.
[Придите, верные, / животворящему Древу поклонимся, / на котором Христос, Царь славы, / добровольно руки распростер / и возвысил к прежнему блаженству / нас, которых враг, услаждением ограбив, / соделал изгнанными от Бога. / Придите, верные, поклонимся Древу, / благодаря которому мы удостоились / сокрушать головы невидимых врагов. / Придите, все племена народов, / Крест Господень песнопениями почтим. / Радуйся Крест, падшего Адама совершенное искупление! / Тобою вернейшие цари наши хвалятся, / ибо они твоею силою народ измаильтян могущественно покоряют. / Ныне тебя со страхом целуя, / мы, христиане, славим / пригвожденного на тебе Бога, возглашая: / «Распятый на нем, Господи, помилуй нас, / как благой и Человеколюбец!»]
Глас 8: Днесь Влады́ка тва́ри, и Госпо́дь сла́вы, / на Кресте́ пригвожда́ется и в ре́бра пробода́ется, / же́лчи и о́цта вкуша́ет, сла́дость церко́вная, / венце́м от те́рния облага́ется, / покрыва́яй не́бо о́блаки, / оде́ждею облачи́тся поруга́ния, / и зауша́ется бре́нною руко́ю, / руко́ю созда́вый челове́ка. / По плеще́ма бие́н быва́ет, / одева́яй не́бо о́блаки. / Заплева́ния и ра́ны прие́млет, / поноше́ния и зауше́ния, / и вся терпи́т мене́ ра́ди осужде́ннаго, / Изба́витель мой и Бог, / да спасе́т мир от пре́лести, я́ко благоутро́бен.
[В сей день Владыка творения и Господь славы / ко Кресту пригвождается / и в ребра пронзается; / желчи и уксуса вкушает Услада Церкви; / венец из терний возлагается / на Покрывающего небо облаками; / в одежду посмеяния облекают / и бьют по лицу созданной из земли рукою / Создавшего Своей рукою человека; / по спине бичуют / Одевающего небо облаками; / принимает оплевания и раны, / оскорбления и удары / и все терпит ради меня, осужденного, / Искупитель мой и Бог, / да спасет мир от заблуждения, как Милосердный.]
Слава, глас 8: Днесь неприкоснове́нный существо́м, / прикоснове́н мне быва́ет, / и стра́ждет стра́сти, / свобожда́яй мя от страсте́й. / Свет подава́яй слепы́м, / от беззако́нных усте́н оплева́ется, / и дае́т плещи́ за плене́нныя на ра́ны. / Сего́ Чи́стая Де́ва и Ма́ти на Кресте́ зря́щи, / боле́зненно веща́ше: / увы́ мне Ча́до Мое́, / что сие́ сотвори́л еси́? / Кра́сный добро́тою па́че всех челове́к, / бездыха́нный, беззра́чный явля́ешися, / не име́я ви́да, ниже́ добро́ты. / Увы́ Мне Мой Све́те! / Не могу́ спя́ща зре́ти Тя, / утро́бою уязвля́юся, / и лю́тое ору́жие се́рдце Мое́ прохо́дит. / Воспева́ю Твоя́ стра́сти, / покланя́юся благоутро́бию Твоему́, / Долготерпели́ве сла́ва Тебе́.
[В сей день Неприступный по существу / доступным мне становится / и терпит страдания / Освобождающий меня от страстей; / подающий свет слепым / оплевывается беззаконными устами / и за пленников подставляет спину ранам. / Его видя на Кресте, / чистая Дева и Матерь мучительно вещала: / «Увы Мне, Дитя Мое, что Ты это сделал? / Цветущий красотою более всех людей, / бездыханным, невзрачным являешься, / не имеющим ни вида, ни красоты. / Увы Мне, Свет Мой, / не могу спящим видеть Тебя, / терзаюсь внутренно и страшный меч сквозь сердце Мое проходит. / Воспеваю страдания Твои, / поклоняюсь милосердию Твоему; / долготерпеливый Господи, слава Тебе!»]
И ныне, глас тойже: Днесь проро́ческое испо́лнися сло́во, / се бо покланя́емся на ме́сто, / иде́же стоя́сте но́зе Твои́, Го́споди, / и Дре́ва спасе́ния вкуси́вше, / грехо́вных страсте́й свобо́ду улучи́хом, / моли́твами Богоро́дицы, еди́не Человеколю́бче.
[В сей день исполнилось пророческое слово: / ибо вот, мы поклоняемся месту, / где стояли ноги Твои, Господи; / и от Древа спасения вкусив, / свободу от страстей греховных получили / по молитвам Богородицы, единый Человеколюбец.]
Таже ектении, и отпуст. Сла́ва, и ны́не, стихира Евангельская в притворе, и чтется оглашение Студитово, и час первый, и совершенный отпуст.
На литургии
Изобразительная. Блаженна гласа на 6, и от канона Креста песнь 3-я на 4.
Тропарь Крестный, глас 1:
Спаси́, Го́споди, лю́ди Твоя́, / и благослови́ достоя́ние Твое́, / побе́ды правосла́вным христиа́ном на сопроти́вныя да́руя, / и Твое́ сохраня́я Кресто́м Твои́м жи́тельство.
[Спаси, Господи, людей Твоих / и благослови наследие Твое, / победы над врагами даруя / и Крестом Твоим сохраняя Твой народ.]
Кондак, глас 7. Самогласен:
Не ктому́ пла́менное ору́жие храни́т врат Еде́мских, / на ты́я бо на́йде пресла́вный соу́з дре́во Кре́стное, / сме́ртное жа́ло и а́дова побе́да прогна́ся, / предста́л бо еси́, Спа́се мой, вопия́ су́щим во а́де: / вни́дите па́ки в рай.
[Уже пламенный меч / не охраняет врат Эдема, / ибо он чудесно связан / древом Креста. / Изгнаны жало смерти и победа ада, / и Ты, Спаситель мой, предстал, / взывая во аде пребывавшим: / «Снова входите в рай!»]
Вместо же Трисвятаго поем:
Кресту́ Твоему́ покланя́емся, Влады́ко, / и свято́е Воскресе́ние Твое́ сла́вим.
Прокимен Апостола, глас 6:
Спаси́, Го́споди, лю́ди Твоя́, / и благослови́ достоя́ние Твое́. Стих: К Тебе́, Го́споди, воззову́, Бо́же мой, да не премолчи́ши от мене́.
[Спаси, Господи, народ Твой / и благослови наследие Твоё. Стих: К Тебе, Господи, я воззову. Боже мой, не промолчи, презрев меня.]
Апостол ко Евреем, зачало 311.
Бра́тие, иму́ще у́бо Архиере́а вели́ка, проше́дшаго небеса́, Иису́са Сы́на Бо́жия, да держи́мся испове́дания. Не и́мамы бо архиере́а не могу́ща спострада́ти не́мощем на́шим, но искуше́на по вся́чeским по подо́бию, ра́зве греха́. Да приступа́ем у́бо с дерзнове́нием к престо́лу благода́ти, я́ко да прии́мем ми́лость и благода́ть обря́щем во благовре́менну по́мощь. Всяк бо первосвяще́нник, от челове́к прие́млемь, за челове́ки поставля́ется на слу́жбы я́же к Бо́гу, да прино́сит да́ры же и жéртвы о гресе́х. Спострада́ти моги́й неве́жствующим и заблужда́ющим: поне́же и той не́мощию обложе́н есть. И сего́ ра́ди до́лжен есть я́коже о лю́дех, та́коже и о себе́ приноси́ти за гре́хи. И никто́же сам о себе́ прие́млет честь, но зва́нный от Бо́га, я́коже и Ааро́н. Та́ко и Христо́с, не Себе́ просла́ви бы́ти первосвяще́нника, но Глаго́лавый к Нему́: Сын Мой еси́ Ты, Аз днесь роди́х Тя. Я́коже и и́нде глаго́лет: Ты еси́ свяще́нник во век по чи́ну Мелхиседе́кову.
[Братья, имея Первосвященника великого, прошедшего небеса, Иисуса, Сына Божия, будем твердо держаться исповедания. Ибо мы имеем не такого первосвященника, который не может сострадать немощам нашим, но искушенного во всем подобно нам, кроме греха. Так будем же приступать со дерзновением к престолу благодати, чтобы получить нам милость и обрести благодать для благовременной помощи. Ибо всякий первосвященник, из людей избираемый, для людей поставляется на служение пред Богом, чтобы приносить дары и жертвы за грехи, способный снисходить к немощным и заблуждающимся, поскольку и сам подвержен немощи; из-за нее он и должен, как за народ, так и за себя, приносить жертвы о грехах. И никто сам себе не присваивает этой чести, но призываемый Богом так, как и Аарон. Так и Христос не Сам Себя прославил, став Первосвященником, но Сказавший к Нему: «Ты – Сын Мой, Я сегодня родил Тебя»; как и в другом месте Он говорит: «Ты – Священник вовек по чину Мелхиседека».]
Аллилуиа, глас 1.
Стих: Помяни́ сонм Твой, его́же стяжа́л еси́ испе́рва. Стих: Бог же Царь наш пре́жде ве́ка, соде́ла спасе́ние посреде́ земли́.
[Вспомни сонм Твой, который Ты приобрёл от начала. Стих: Бог же, Царь наш прежде века, соделал спасение посреди земли]
Евангелие от Марка, зачало 37.
Рече́ Госпо́дь: и́же хо́щет по Мне ити́, да отве́ржется себé, и во́змет крест свой, и по Мне гряде́т. И́же бо а́ще хо́щет ду́шу свою́ спасти́, погуби́т ю, а и́же погуби́т ду́шу свою́ Менé ра́ди и Eва́нгелия, той спасе́т ю. Ка́я бо по́льза челове́ку, а́ще приобря́щет мир весь, и отщети́т ду́шу свою́? Или́ что даст челове́к изме́ну на души́ свое́й? И́же бо а́ще постыди́тся Менé и Мои́х слове́с в ро́де сем прелюбоде́йнем и гре́шнем, и Сын Челове́ческий постыди́тся eго́, eгда́ прии́дет во сла́ве Oтца́ Своего́ со а́нгелы святы́ми. И глаго́лаше им: ами́нь глаго́лю вам, я́ко суть не́цыи от зде стоя́щих, и́же не и́мут вкуси́ти сме́рти, до́ндеже ви́дят Ца́рствие Бо́жие прише́дшее в си́ле.
[Сказал Господь: Кто хочет за Мною пойти, да отречется от самого себя, и возьмет крест свой, и следует за Мною. Ибо кто хочет душу свою спасти, тот погубит ее; кто же погубит душу свою ради Меня и Евангелия, тот спасет ее. Ибо какая польза человеку, если он приобретет весь мiр, а душе своей повредит? Ибо что даст человек в выкуп за душу свою? Ибо кто постыдится Меня и Моих слов в роде этом прелюбодейном и грешном, того постыдится и Сын Человеческий, когда придет во славе Отца Своего с Ангелами святыми. И говорил Он им: Истинно говорю вам: есть некоторые из стоящих здесь, которые не вкусят смерти, доколе не увидят Царства Божия, пришедшего в силе.]
Причастный: Зна́менася на нас свет лица́ Твоего́, Го́споди.
[Отметил нас свет лица Твоего, Господи.]
