Всенощное бдение под Вход Господень в Иерусалим

На малой вечерне

От незлобивых младенец Христе, / на жребяти седя приял еси победную песнь, грядый ко страсти: / трисвятым пением от Ангел воспеваемый.

[От беззлобных младенцев, Христе, / восседая на молодом осле / принял Ты победную песнь, шествуя на страдание, / Трисвятым гимном Ангелами воспеваемый.]

Се Царь твой Сионе, / кроток и спасаяй грядет на жребяти, / враги взыскуяй поразити в крепости: / радуйся и красуйся с ваием празднующи.

[Вот Царь Твой, Сион, / кроткий и спасающий шествует на молодом осле, / стремясь поразить врагов Своею мощью; / радуйся и веселись, с пальмовыми ветвями празднуя!]

Восплещим согласно вернии, / ветви добродетелей и мы, яко отроцы / ныне приносяще Христу, / и сему Божественных дел распрострем одеяния, / и таинственно Сего приимем.

[Будем и мы, верные, согласно рукоплескать, / ветви добродетелей как дети ныне принося Христу; / и расстелим Ему божественных дел одежды / и таинственно Его примем.]

Ваиа добродетелей братие, / принесем Христу Богу грядущему, / нас ради человечески пострадати волею, / Божества крепостию всем безстрастие даровати.

[Пальмовые ветви добродетелей / принесем, братия, Христу Богу, идущему / за нас как человек пострадать по Своей воле / и силою Божества всем бесстрастие даровать.]

Слава, и ныне, подобен тойже: На плещах херувимских яко Бог носимый, / седает на жребя, / нас ради на снедь грядый хотением: / приидите усердно Сего с ваием воспоим.

[На плечах Херувимов как Бог носимый / восседает на молодом осле / за нас на заклание идя по Своей воле. / Давайте Его усердно / с пальмовыми ветвями воспоем!]

Стихиры на стиховне, глас 2. Подобен: «Дом Евфрафов:»

Светлися Сионе / новый ваием, / воспевай со отроки, / се Царь твой спасаяй / к страсти грядет.

[Блистай, новый Сион, / и ветвями пальм воспевай с детьми: / Вот, Царь твой спасающий / идет к страданию.]

Стих: Из уст младенец и ссущих совершил еси хвалу.

[Из уст младенцев и грудных детей / Ты устроил хвалу.]

Веселитеся / Адаме и Ево, / с пророки, / се призвати вас страстию, / Господь приходит.

[Веселитесь, Адам / и Ева с пророками: / вот, вновь призвать вас к Себе Своим страданием / Христос стремится.]

Стих: Господи Господь наш, яко чудно имя Твое по всей земли.

[Господи, Господь наш, / как чудно имя Твоё по всей земле.]

Горе со Отцем, и Духом, / ангельскую Приемый песнь, / обнищавает странно доле, / и отроческую песнь / приемлет.

[В высоте со Отцом и Духом / принимающий от Ангелов песнь, / странным образом становится нищим на земле / и хвалу детей принимает.]

Слава, и ныне, подобен тойже: Пою Твое страшное / смотрение страхом, / еже осанна взываю Тебе: / мене бо грядеши спасти, / благословенный Господи.

[Воспеваю со страхом / Твое повергающее в трепет промышление / и «Осанна!» взываю Тебе: / ибо Ты идешь меня спасти, Благословенный Господи!]

Ныне отпущаеши: Трисвятое. И прочее якоже обычай.

И тропари, глас 1:

Общее воскресение / прежде Твоея Страсти уверяя, / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе победителю смерти вопием: / осанна в вышних, / благословен Грядый во имя Господне.

[Вобщем воскресении / прежде Твоего страдания удостоверяя, / из мертвых воздвиг Ты Лазаря, Христе Боже. / Потому и мы, как дети, держа символы победы, / Тебе – Победителю смерти воззовем: / «Осанна в вышних, / благословен Грядущий во имя Господне!»]

И другий, глас 4:

Спогребшеся Тебе крещением, Христе Боже наш, / безсмертныя жизни сподобихомся Воскресением Твоим, / и воспевающе зовем: / осанна в вышних, / благословен Грядый во имя Господне.

Погребенные с Тобой в крещении, Христе Боже наш, / мы бессмертной жизни удостоились воскресением Твоим / и в песнях восклицаем: / «Осанна в вышних, / благословен Грядущий во имя Господне!»

Также ектения и отпуст.

На Великой вечерне

На Господи воззвах: стихиры на 10, глас 6. Преподобного Иоанна Дамаскина.

Днесь благодать Святаго Духа нас собра, / и вси вземше крест Твой глаголем, / благословен Грядый во имя Господне, / осанна в вышних. [Дважды.]

Всей день благодать Святого Духа нас собрала; / и все мы, взяв Крест Твой, возглашаем: / «Благословен Грядущий во имя Господне! / Осанна в вышних!»

Имеяй престол небо, и подножие землю, / Бога Отца Слово и Сын соприсносущный, / на жребяти безсловеснем смирися днесь, в Вифанию пришед. / Темже дети еврейския, / ветви руками держаще, хваляху гласом: / осанна в вышних, / благословен грядый Царь Израилев. [Дважды.]

Андрея Иерусалимского: Имеющий престолом небо и подножием землю, / Слово Бога Отца / и Сын Его, столь же вечный, / Ты в сей день воссел смиренно / на бессловесном молодом осле, в Вифанию придя. / Потому дети еврейские, / ветви держа в руках, / восхваляли Тебя восклицанием: / «Осанна в вышних, / благословен Грядущий Царь Израилев!»

Приидите и мы днесь весь новый Израиль, / яже от язык Церковь, / со пророком Захариею возопиим: / радуйся зело дщи Сионова, / проповедуй дщи Иерусалимова: / яко се Царь твой грядет тебе кроток и спасаяй, / и вседый на жребя осле, сына подъяремнича: / празднуй яже детей, ветви руками держащи похвали: / осанна в вышних, / благословен грядый Царь Израилев. [Дважды.]

Андрея Пирра: Станем и мы, весь новый Израиль, / Церковь призванных из всех народов, / взывать в сей день вместе с пророком Захарией: / «Безмерно радуйся, дочь Сиона; / провозглашай, дочь Иерусалима, / ибо вот, Царь Твой приходит к Тебе, кроткий и спасающий, / воссевший на молодом осле, сыне подъяремной». / Празднуй подобно детям, держа ветви в руках, / возноси Ему хвалу: / «Осанна в вышних, / благословен Грядущий Царь Израилев!»

Честное воскресение Твое прообразуя нам, / воздвигл еси умершаго повелением Твоим, / бездыханнаго Лазаря друга Блаже, / из гроба четверодневна смердяща. / Темже и на жребя возшед образно, / якоже на колеснице носимь, / языки укротевая Спасе. / Сего ради и хваление приносит возлюбленный Израиль / из уст ссущих, и младенец незлобивых, / зрящих Тя Христе, входяща во святый град, / прежде шести дней Пасхи. [Дважды.]

Священное воскресение Твое предзнаменуя нам, / Ты, Благой, умершего друга Твоего Лазаря / воздвиг повелением Своим, / из гроба на четвертый день, бездыханного, смердящего. / Потому и на осленка Ты воссел, Спаситель, / как на колеснице носимый на нем, / образно призвание язычников тем предвещая. / Потому и хвалу Тебе / приносит возлюбленный Израиль / устами грудных младенцев и детей беззлобных, / видящих Тебя, Христе, входящим во Святой Град / за шесть дней до Пасхи.

Прежде шести дней Пасхи прииде Иисус во Вифанию, / и приступиша к нему ученицы Его, глаголюще Ему: / Господи, где хощеши, уготоваем Ти ясти Пасху. / Он же посла их: / идите в преднюю весь, / и обрящете человека, скудель воды носяща: / последуйте ему, и дому владыце рцыте: / Учитель глаголет, / у тебе сотворю Пасху со ученики Моими. [Дважды.]

За шесть дней до Пасхи / пришел Иисус в Вифанию. / И подошли к Нему ученики Его, говоря Ему: / «Господи, где угодно Тебе, / чтобы мы приготовили Тебе вкусить Пасху?» / Он же послал их: / «Пойдите в ту часть города, которая перед вами, / и встретите человека, несущего кувшин с водою; / идите за ним и хозяину дома скажите: / «Учитель говорит: / у тебя Я совершу Пасху с учениками Моими».

Слава: В сей день благодать Святого Духа нас собрала:

И ныне: повторяем то же.

Вход. Прокимен: Господь воцарился: И чтения праздника:

Бытия чтение: [Глава 49, ст. 1 – 12.]

Призва Иаков сыны своя, и рече им: соберитеся, да возвещу вам, что срящет вас в последния дни. Соберитеся, и послушайте мене сынове Иаковли: послушайте Израиля, послушайте отца вашего. Иудо, тебе похвалят братия твоя: руце твои на плещу враг твоих: поклонятся тебе сынове отца твоего. Скимен львов Иуда, от леторасли сыне мой возшел еси: возлег уснул еси яко лев, и яко скимен, кто возбудит его? Не оскудеет князь от Иуды, и вождь от чресл его, дондеже приидут отложеная ему: и той чаяние языков. Привязуяй к лозе жребя свое, и к винничию жребца осляте своего: исперет вином одежду свою, и кровию гроздия одеяние свое. Радостотворны очи его паче вина, и белы зубы его паче млека.

Призвал Иаков сыновей своих и сказал им: «Соберитесь, чтобы я возвестил вам, что случится с вами в поcледние дни. Соберитесь и послушайте меня, сыны Иакова, послушайте Израиля, (послушайте) отца вашего. Иуда! Тебя восхвалят братья твои. Руки твои на хребте врагов твоих; поклонятся тебе сыны отца твоего. Детеныш льва Иуда, от ростка, сын мой, ты взошел. Возлег, уснул он, как лев и как львенок: кто пробудит его? Не прекратится князь от Иуды и предводитель от чресл его, доколе не придет Тот, Кому назначено, и Он – ожидание народов. Привязывая к винограду осленка своего и к лозе – сына ослицы своей, Он вымоет в вине одежду свою и в крови грозда одеяние своё. Радостны очи его от вина, и зубы его белее молока!»

Пророчества Софониева чтение: [Глава 3, ст. 14 – 19.]

Тако глаголет Господь: радуйся дщи Сионова зело, проповедуй дщи Иерусалимова, веселися и преукрашайся от всего сердца твоего, дщи Иерусалимля. Отъят Господь неправды твоя, и избавил тя есть из руки враг твоих: воцарится Господь посреде тебе, и не узриши зла ктому. Во время оно речет Господь Иерусалиму: дерзай Сионе, да не ослабеют руце твои. Господь Бог твой в тебе, Сильный спасет тя: наведет на тя веселие, и обновит тя в любви Своей, и возвеселится о тебе во украшении, яко в день праздника. И соберу сотреныя твоя: горе, кто приимет нань поношение? Се Аз сотворю в тебе, тебе ради, глаголет Господь, во время оно, и спасу утисненную, и отриновенную прииму, и положу я в похваление, и имениты по всей земли.

Так говорит Господь: Радуйся безмерно, дочь Сиона! Провозглашай, дочь Иерусалима! Веселись и наслаждайся от всего сердца своего, дочь Иерусалима! Устранил Господь преступления твои, искупил тебя из руки врагов твоих! Господь, Царь Израилев – посреди тебя: (и) больше ты не увидишь зла. В то время скажет Господь Иерусалиму: «Дерзай, Сион, да не ослабеют руки твои: Господь Бог твой среди тебя, Сильный спасет тебя; привлечет на тебя радость, обновит тебя в любви Своей, и возрадуется о тебе с наслаждением, как в день праздника. И соберу Я сокрушенных твоих. Увы! Кто принял на нее поношение? Вот, Я действую в тебе ради тебя в то время – говорит Господь; и спасу угнетенную, и отвергнутую приму, и сделаю их похвалою и знаменитыми на всей земле.

Пророчества Захариина чтение: [Глава 9, ст. 9 – 15.]

Тако глаголет Господь: радуйся зело дщи Сионя, проповедуй дщи Иерусалимля, се Царь твой грядет тебе праведен и спасаяй, Той кроток, и всед на подъяремника и жребца юна. И потребит колесницы от Ефрема, и кони от Иерусалима, и потребит лук бранный, и множество, и мир от языков: и обладает водами от моря до моря, и от рек до исходищ земли. И ты в крови завета твоего, испустил еси узники твоя от рова не имуща воды. Сядите в тверделех связани сонмища, и за един день пришельствия твоего сугубо воздам ти. Занеже напрягох тя Себе Иудо яко лук, исполних Ефрема, и воздвигну чада твоя Сионе на чада еллинска, и осяжу тя яко меч ратника. И Господь на них явится, и изыдет яко молния стрела его: и Господь Бог Вседержитель в трубу вострубит, и пойдет в шуме прещения Своего. Господь Вседержитель защитит их.

Так говорит Господь: Радуйся безмерно, дочь Сиона! Провозглашай, дочь Иерусалима! Вот, Царь твой грядет к тебе, праведный и спасающий; Он кроток и восседает на подъяремной и осленке молодом. И истребит колесницы у Ефрема и коня из Иерусалима, и истреблен будет лук военный, и многолюдство и мир у народов; и будет Он начальствовать от вод до моря, и от рек до теснин земли. И ты, ради крови завета твоего, отпустил узников твоих изо рва, где нет воды. (И) вы пребудете в твердынях, узники сонмища, и за один день пленения твоего вдвойне воздам тебе. Ибо Я натянул Себе тебя, Иуда, как лук, преисполнил Ефрема; и воздвигну детей твоих, Сион, на детей Эллинов, и держать буду тебя, как меч бойца. И Господь будет над ними, и выйдет, как молния, стрела Его. И Господь Бог Вседержитель в трубу вострубит, и пройдет в волнении угрозы Своей: Господь Вседержитель защитит их.

На литии стихиры самогласны, глас 1:

Всесвятый Дух, / апостолы научивый глаголати иными странными языки, / Той детем еврейским неискусозлобным повелевает звати: / осанна в вышних, / благословен грядый Царь Израилев.

Всесвятой Дух, Апостолов научивший / говорить иными необычными языками, / Он же не знающим зла детям еврейским повелевает взывать: / «Осанна в вышних, / благословен Грядущий Царь Израилев!»

Собезначальный и соприсносущный, / Сын и Слово Отчее, / на жребяти безсловесном седя, / прииде днесь во град Иерусалим, / Егоже херувими со страхом зрети не могут, / дети восхвалиша, с ваием и ветвьми, / хвалу таинственно воспевающе: / осанна в вышних, осанна Сыну Давидову, / пришедшему спасти от прелести весь род наш.

Сын и Слово Отца, / как и Он начала не имеющий и вечный, / на осленке бессловесном восседая, / пришел в сей день во град Иерусалим. / Того, на Кого Херувимы из страха взирать не могут, / дети восхвалили с побегами пальм и ветвями, / хвалу таинственно воспевая: / «Осанна в вышних, (осанна Сыну Давидову), / пришедшему спасти от заблуждения род наш!»

Прежде шести дней Пасхи, / глас Твой услышася Господи, во глубинах адовых: / темже и Лазаря четверодневна воздвигл еси. / Дети же еврейския взываху: / осанна Боже наш, слава Тебе.

За шесть дней до Пасхи / голос Твой, Господи, услышан был в глубинах ада, / тем самым и воздвиг Ты Лазаря, / четыре дня пребывшего во гробе. / Дети же еврейские восклицали: / «Осанна! Боже наш, слава Тебе!»

Глас 2: Входящу Ти Господи / во святый град, на жребяти седя, / потщался еси приити на страсть, / да совершиши закон и пророки. / Дети же еврейския воскресения победу предвозвещающе, / сретаху Тя с ветвьми и ваием, глаголюще: / благословен еси Спасе, помилуй нас.

Когда входил Ты, Господи, / во святой город, восседая на осленке, / Ты с готовностью шел к страданию, / во исполнение Закона и Пророков. / Дети же еврейские победу воскресения предвозвещая, / Тебя встречали с ветвями и побегами пальм и возглашали: / «Благословен Ты, Спаситель, помилуй нас!»

Слава Тебе Христе, / в вышних седящему на престоле, / и ныне чаемому с честным Твоим Крестом. / Темже веселится дщи Сионова, / радуются языцы земнии, / ветви держат дети, ризы же ученицы, / и вся вселенная научися вопити Тебе: / благословен еси Спасе, помилуй нас.

Слава Тебе, Христе, восседающему в Вышних на престоле, / и ныне ожидаемому с Священным Твоим Крестом! / Потому веселится дочь Сиона, / радуются племена земные, / ветви держат дети, а одежды – ученики, / и вся вселенная научилась взывать Тебе: / «Благословен Ты, Спаситель, помилуй нас!»

Слава и ныне, глас 3: Прежде шести дней бытия Пасхи, / прииде Иисус во Вифанию, / воззвати умерша четверодневна Лазаря, / и проповедати воскресение. / Сретоша же его и жены, / Марфа и Мария сестры Лазаревы, вопиюще к Нему: / Господи, аще бы еси был зде, не бы умерл брат наш. / Тогда глагола к ним: / не предрекох ли вам: веруяй в Мя, аще и умрет, жив будет: / покажите ми, где положисте его? / И вопияше к нему Зиждитель всех: / Лазаре, гряди вон.

За шесть дней до наступления Пасхи / пришел Иисус в Вифанию, / чтобы из гроба вызвать / четыре дня назад умершего Лазаря / и тем о воскресении предвозвестить. / И встретили Его жены, / Марфа и Мария, сестры Лазаря, взывая к Нему: / «Господи, если бы Ты был здесь, / не умер бы брат наш». / Тогда Он сказал им: / «Не говорил ли Я вам прежде: / Верующий в Меня, если и умрет, жив будет? / Покажите Мне, где вы положили его». / И воззвал к нему Творец всего: / «Лазарь, выходи!»

И обычныя литии молитвы в паперти.

На стиховне стихиры самогласны, глас 8:

Радуйся и веселися граде Сионе, / красуйся и радуйся Церкве Божия: / се бо Царь твой прииде в правде, / на жребяти седя, от детей воспеваемый: / осанна в вышних, благословен еси, / Имеяй множество щедрот, помилуй нас.

Радуйся и веселись град Сион, / ликуй и торжествуй Церковь Божия! / Ибо вот, пришел Царь Твой праведный, / восседающий на молодом осле / и детьми приветствуемый в песни: / «Осанна в вышних, благословен Ты, / имеющий милосердие безмерное, помилуй нас!»

Стих: Из уст младенец и ссущих совершил еси хвалу.

Из уст младенцев и грудных детей / Ты устроил хвалу.

Прииде Спас днесь во град Иерусалим, / исполнити Писание, / и вси прияша в руки ваиа: / ризы же подстилаху Ему, / ведуще, яко Той есть Бог наш, / Емуже херувими вопиют непрестанно: / осанна в вышних, благословен еси, / Имеяй множество щедрот помилуй нас.

Пришел Спаситель в сей день во град Иерусалим, / чтобы исполнить Писание, / и все взяли в руки пальмовые ветви / и одежды расстилали перед Ним, / зная, что Он – Бог наш, / Которому Херувимы взывают непрестанно: / «Осанна в вышних, благословен Ты, / имеющий милосердие безмерное, помилуй нас!»

Стих: Господи Господь наш, яко чудно имя Твое по всей земли.

Господи, Господь наш, / как чудно имя Твоё по всей земле.

На херувимех носимый, и певаемый от серафим, / возсел еси на жребя Давидски Блаже: / и дети Тя воспеваху Боголепно, / иудее же хуляху беззаконно: / стропотное языков, седалище жребца прообразоваше, / из неверия в веру претворяемое. / Слава Тебе Христе, / едине Милостиве и Человеколюбче.

На Херувимах Носимый / и воспеваемый Серафимами, / Ты, Благой, воссел на молодом осле, как Сын Давидов, / и дети воспевали Тебя, как подобает славить Бога, / Иудеи же поносили беззаконно. / Сидение же на необъезженном осленке / прообразовало, что безудержные язычники / от неверия к вере изменяются. / Слава Тебе, Христе, / Единый Милостивый и Человеколюбец!

Слава, глас 6: Днесь благодать Святаго Духа нас собра, / и вси вземше крест Твой глаголем, / благословен Грядый во имя Господне, / осанна в вышних.

В сей день благодать Святого Духа нас собрала; / и все мы, взяв Крест Твой, возглашаем: / «Благословен Грядущий во имя Господне! / Осанна в вышних!»

И ныне: повторяем то же.

Ныне отпущаеши: Трисвятое, и прочее по обычаю.

И глаголем тропарь отпустительный, глас 1:

Тропарь, глас 1

Общее воскресение / прежде Твоея Страсти уверяя, / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе победителю смерти вопием: / осанна в вышних, / благословен Грядый во имя Господне. Дважды.

Вобщем воскресении / прежде Твоего страдания удостоверяя, / из мертвых воздвиг Ты Лазаря, Христе Боже. / Потому и мы, как дети, держа символы победы, / Тебе – Победителю смерти воззовем: / «Осанна в вышних, / благословен Грядущий во имя Господне!»

Тропарь, глас 4

Спогребшеся Тебе крещением, Христе Боже наш, / безсмертныя жизни сподобихомся Воскресением Твоим, / и воспевающе зовем: / осанна в вышних, / благословен Грядый во имя Господне.

Погребенные с Тобой в крещении, Христе Боже наш, / мы бессмертной жизни удостоились воскресением Твоим / и в песнях восклицаем: / «Осанна в вышних, / благословен Грядущий во имя Господне!»

И Буди имя Господне: 3. И псалом: Благословлю Господа: И предложится чтение. Слово торжественное праздника.

На утрени

На Бог Господь: оба тропаря праздника:

Тропарь, глас 1

Общее воскресение / прежде Твоея Страсти уверяя, / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе победителю смерти вопием: / осанна в вышних, / благословен Грядый во имя Господне. (дважды.)

Вобщем воскресении / прежде Твоего страдания удостоверяя, / из мертвых воздвиг Ты Лазаря, Христе Боже. / Потому и мы, как дети, держа символы победы, / Тебе – Победителю смерти воззовем: / «Осанна в вышних, / благословен Грядущий во имя Господне!»

Слава, и ныне, и другий, глас 4: Спогребшеся Тебе крещением, Христе Боже наш, / безсмертныя жизни сподобихомся Воскресением Твоим, / и воспевающе зовем: / осанна в вышних, / благословен Грядый во имя Господне.

Погребенные с Тобой в крещении, Христе Боже наш, / мы бессмертной жизни удостоились воскресением Твоим / и в песнях восклицаем: / «Осанна в вышних, / благословен Грядущий во имя Господне!»

По 1-м стихословии седален, глас 4.

Подобен: Удивися Иосиф:

С ветвьми умно очищени душами, / якоже дети Христа восхвалим верно, / велегласно зовуще Владыце: / благословен еси Спасе в мир пришедый, / спасти Адама от древния клятвы, / духовно быв Человеколюбче Новый Адам, якоже благоволил еси:/ вся Слове к полезному устроивый, слава Тебе.

Как дети с ветвями, чистыми душами / мысленно Христа с верою восхвалим, / громогласно взывая Владыке: / «Благословен Ты, Спаситель, в мир пришедший, / чтобы спасти Адама от древнего проклятия, / став новым, духовным Адамом, / по Своему благоволению, Человеколюбец. / Все к полезному устроивший, / Слово Божие, слава Тебе!»

Слава, и ныне, иный седален, глас 4.

Подобен: Явился еси:

Четверодневна Лазаря от гроба возставивый Господи, / вся научил еси вопити с ваием и ветвьми Тебе: / благословен еси Грядый.

На четвертый день воскресив Лазаря из гроба, Господи, / Ты всех научил / с побегами пальм и ветвями взывать Тебе: / «Благословен Ты, грядущий!»

И чтение во Евангелии толковом Иоанна Златоустаго.

По 2-м стихословии седален, глас 4.

Подобен: Удивися:

Над другом Твоим Христе слезы точиши тайно, / и воздвизаеши из мертвых Лазаря лежаща мертва, / в немже сострадание показал еси человеколюбно: / уведевше же Твое пришествие Иисусе, / множество младенец изыдоша днесь, в руках ваиа держаще, / осанна Тебе взывающе: / благословен еси, во еже мир спасти Пришедый.

Над другом Твоим, Христе, / Ты слезы проливаешь таинственно, / и воздвигаешь из мертвых Лазаря, лежавшего умершим, / тем самым сострадание Твое Ты человеколюбиво показал. / Узнав же о приходе Твоем, Спаситель, / в сей день вышло множество младенцев, / державших пальмовые ветви в руках, / «Осанна!» – Тебе взывая, – / «Благословен Ты, для спасения мира пришедший!»

Слава, и ныне, иный седален, глас 1.

Подобен: Камени запечатану:

Восхвалите согласно людие и языцы: / Царь бо ангельский взыде ныне на жребя, / и грядет хотяй на Кресте поразити враги, яко силен. / Сего ради и дети с ваием взывают песнь: / слава Тебе пришедшему Победителю: / слава Тебе Спасу Христу: / слава Тебе благословенному, / единому Богу нашему.

Хвалу воспойте согласно, народы и племена, – / ибо Царь Ангелов воссел ныне на осленка, / и идет, желая поразить на Кресте врагов, как сильный. / Потому и дети с пальмовыми ветвями возглашают песнь: / «Слава Тебе, пришедшему Победителю; / слава Тебе, Спасителю Христу; / слава Тебе, Благословенному, Единому Богу нашему!»

И чтение тогоже слова. Таже полиелей.

Величание:

Величаем Тя, / Живодавче Христе, / осанна в вышних, / и мы Тебе вопием: / благословен Грядый во имя Господне.

Величаем Тебя, / Податель жизни Христе: / «Осанна в вышних!» / и взываем Тебе: / «Благословен Грядущий во имя Господне!»

Псалом избранный

Господи, Господь наш, яко чудно имя Твое по всей земли. / Яко взятся великолепие Твое превыше небес. / Из уст младенец и ссущих совершил еси хвалу. / Врагов Твоих ради, разрушиши врага и местника. / Запретил eси языком, и погибе нечестивый. / Камень, егоже небрегоша зиждущии, сей бысть во главу угла. / От Господа бысть сей, и есть дивен во очесех наших. / Господь в Сионе велик, и высок есть над всеми людьми. / Тамо сокруши крепости луков. / Слыша и возвеселися Сион, и возрадовашася дщери Иудейския. / Возвестити в Сионе имя Господне, и хвалу Его во Иерусалиме. / Яко Бог спасет Сиона, и созиждутся гради Иудейстии. / Тебе подобает песнь, Боже, в Сионе, и Тебе воздастся молитва во Иерусалиме. / Благословен грядый во имя Господне, Бог Господь, и явися нам. / Составите праздник во учащающих до рог олтаревых. / Во дворех дому Господня, посреде тебе, Иерусалиме. / Воцарится Господь во век, Бог твой, Сионе, в род и род. / Хвала Его пребывает в век века.

Господи, Господь наш, как чудно имя Твоё по всей земле. / Ибо превознеслось великолепие Твоё превыше небес! / Из уст младенцев и грудных детей Ты устроил хвалу. / Ради врагов Твоих, чтобы уничтожить врага и мстителя. / Ты наказал народы, – и погиб нечестивый. / Камень, который отвергли строители, он оказался во главе угла. / От Господа это было, и дивно в очах наших. / Господь на Сионе велик и высок над всеми народами. / Там сокрушил Он силы луков. / Услышал и возвеселился Сион, и дочери Иудеи возрадовались. / Да возвестят на Сионе имя Господне и хвалу Ему в Иерусалиме. / Ибо Бог спасет Сион, и обстроятся города Иудейские. / Тебе подобает, Боже, песнь на Сионе, и Тебе воздадут обет в Иерусалиме. / Благословен Грядущий во имя Господне, Бог – Господь, и Он явился нам! / Устройте праздник среди толпящихся до рогов жертвенника! / Во дворах дома Господня, посреди тебя, Иерусалим. / Будет царствовать Господь вовек, Бог Твой, Сион, в род и род. / Хвала Ему пребывает во век века.

Слава, и ныне: Аллилуия (3).

И по полиелеи седален, глас 8.

Подобен: Повеленное:

На престоле херувимсте, / и на жребяти возсед нас ради, / и к страсти вольней достиг, днесь слышит детей возглашающих, / осанна, народов вопиющих: / Сыне Давидов, ускори спасти, / ихже создал еси, благословенне Иисусе: / на сие бо пришел еси, / да разумеем славу Твою.

На престоле Херувимском Сидящий, / и на осленке Воссевший ради нас, / и приблизившийся к добровольному страданию, / в сей день слышит детей, возглашающих «Осанна!», / толпы взывающие: «Сын Давидов, / поспеши спасти Тобою созданных, благословенный Иисусе! / Ибо Ты для того пришел, / чтобы мы познали славу Твою!»

Слава, и ныне: повторяем то же. Таже, степенна, первый антифон 4-го гласа.

Прокимен, глас 4

Из уст младенец и ссущих / совершил еси хвалу. Стих: Господи Господь наш, яко чудно имя Твое по всей земли.

Из уст младенцев и грудных детей / Ты устроил хвалу. Стих: Господи, Господь наш, как чудно имя Твоё по всей земле.

Всякое дыхание:

Евангелие от Матфеа, зачало 83:

Во время оно, егда приближися Иисус во Иерусалим, и приидоша в Виффагию к горе Елеонстей, тогда Иисус посла два ученика, глаголя има: идита в весь, яже прямо вама, и абие обрящета oсля привязано, и жребя с ним, отрешивша приведита Ми. И аще вама кто речет что, речета, яко Господь ею требует: абие же послет я. Сие же все бысть, да сбудется реченное пророком, глаголющим: Рцыте дщери Сионове, се Царь твой грядет тебе кроток, и всед на oсля и жребя, сына подъяремнича. Шедша же ученика и сотворша, якоже повеле има Иисус. Приведоста oсля и жребя, и возложиша верху ею ризы своя, и вседе верху их. Множайшии же народи постилаху ризы своя по пути, друзии же резаху ветви от древ, и постилаху по пути. Народи же предходящии (Ему) и вследствующии зваху, глаголюще: осанна Сыну Давидову, благословен Грядый во имя Господне, осанна в вышних. И вшедшу Ему во Иерусалим, потрясеся весь град, глаголя: кто есть Сей? Народи же глаголаху: Сей есть Иисус Пророк, иже от Назарета Галилейска.

В то время, когда приближался Иисус к Иерусалиму и пришли в Виффагию на горе Масличной, тогда Иисус послал двух учеников и сказал им: идите в селение, которое напротив вас; и тотчас найдете ослицу привязанную и осленка с ней; отвяжите и приведите Мне. И если кто скажет вам что-нибудь, вы ответите, что они нужны Господу, и тотчас пошлет их. А произошло это, чтобы исполнилось сказанное чрез пророка: Скажите дочери Сиона: вот, Царь твой грядет к тебе, кроткий и воссевший на ослицу и на осленка, сына подъяремной. Ученики, отправившись и сделав, как повелел им Иисус, привели ослицу и осленка и положили на них одежды, и Он сел поверх их. И очень многие в толпе разостлали свои одежды по дороге, другие же резали ветви с деревьев и расстилали по дороге; а народ, шедший впереди Его и следовавший за Ним, восклицал: Осанна Сыну Давидову! Благословен Грядущий во имя Господне! Осанна в вышних! И когда вошел Он в Иерусалим, весь город пришел в движение, и говорили: кто это? Народ же говорил: это пророк Иисус из Назарета Галилейского.

Видевше же архиерее и книжницы чудеса, яже сотвори, и oтроки зовуща в церкви, и глаголюща: осанна Сыну Давидову, негодоваша. И реша Ему: слышиши ли, что сии глаголют? Иисус же рече им: ей. Несте ли чли николиже, яко изоуст младенец и ссущих совершил еси хвалу? И оставль их, изыде вон из града в Вифанию, и водворися ту.

А первосвященники и книжники, увидев дивные дела, которые Он совершил, и детей, восклицающих в храме: Осанна Сыну Давидову! — вознегодовали и сказали Ему: слышишь Ты, что они говорят? Иисус же ответил им: да! Разве вы никогда не читали: «Из уст младенцев и грудных детей Ты устроил Себе хвалу»? И оставив их, вышел из города в Вифанию и провел там ночь.

Воскресение Христово: не глаголем. Но абие псалом 50. Таже иерей взем кадило, кадит крестообразно, глаголя молитву на благословение ваиа.

Воскресение Христово: не поем, а сразу же читаем 50 псалом. Затем предстоятель, покадив крестообразно предложенные пальмовые или иные ветви, произносит молитву на их благословение.

Диакон: Господу помолимся.

Мы же: Господи помилуй.

Господи Боже наш, седяй на херувимех, возставивый силу Твоего Сына, Господа нашего Иисуса Христа, да спасет мир Крестом, и погребением, и воскресением Своим. Егоже и ныне пришедша во Иерусалим на вольную страсть, людие седящии во тьме, и сени смертней, приемше воскресения знамения, ветви древес, и ваиа финик, воскресение знаменующе сретоша. Сам Владыко и нас по подражанию онех, в предпразднственный сей день, ваиа и ветви древес в руках носящих соблюди и сохрани. Да якоже онии народи и дети осанна Тебе приношаху, и мы такожде в песнех и пениих духовных, животворящаго и тридневнаго Воскресения достигнем, в томже Христе Иисусе Господе нашем: с Нимже благословен еси, с Пресвятым, и Благим, и Животворящим Твоим Духом, ныне и присно, и во веки веков, аминь.

Господи Боже наш, восседающий на Херувимах, воздвигший силу Твою и пославший единородного Твоего Сына, Господа нашего Иисуса Христа, да спасет Он мир Крестом, погребением и Воскресением Своим. Его, пришедшего в Иерусалим на добровольное страдание, люди, пребывавшие во тьме и тени смертной, встретили, взяв символы победы – ветви деревьев и побеги пальм, и воскресение тем предсказали. Сам, Владыка, и нас, в этот предпраздничный день пальмовые и древесные ветви в подражание им в руках держащих и как те толпы и дети возгласы «Осанна» Тебе приносящих, соблюди и сохрани. Чтобы нам с гимнами и песнями духовными удостоиться достигнуть животворящего и тридневного Воскресения, во Христе Иисусе, Господе нашем, с Которым благословен Ты, со Всесвятым, и Благим, и Животворящим Твоим Духом, ныне и всегда, и во веки веков. Аминь.

Когда же братья целуют Евангелие, предстоятель раздает ветви.

Слава, глас 2: Днесь Христос входит / во град Вифанию, на жребяти седяй, / безсловесие разрешая язык злейшее, / древле свирепеющее.

В сей день Христос входит во Град Святой, / восседая на молодом осле / и прекращая злейшее неразумие язычников, / издревле бесплодное.

И ныне: повторяем то же. Таже, Помилуй мя Боже:

После 50 псалма стихира, глас 6

Днесь благодать Святаго Духа нас собра, / и вси вземше крест Твой глаголем, / благословен Грядый во имя Господне, / осанна в вышних.

В сей день благодать Святого Духа нас собрала; / и все мы, взяв Крест Твой, возглашаем: / «Благословен Грядущий во имя Господне! / Осанна в вышних!»

Посем молитва: Спаси Боже люди: Господи помилуй, 12.

Песнь 1.

Ирмос: Явишася источницы бездны, / влаги непричастны, / и открышася моря волнующася основания бурею, / манием бо запретил еси ему, / изрядныя же люди спасл еси, / поющия победную песнь Тебе, Господи.

Явились источники бездны / не имеющими влаги / и открылось дно моря волнуемого, / ибо буре его Ты мановением запретил / и спас народ особенный, / песнь победную поющий Тебе, Господи.

Из уст младенец незлобивых, и ссущих, / хвалу Твоих раб совершил еси, / разрушити супостата, / и отмстити страстию Креста, падение древняго Адама, / древом же воскресити сего, / поюща победную песнь Тебе Господи.

Из уст младенцев беззлобных / и грудных детей / хвалебный хор Твоих служителей Ты устроил, / чтобы уничтожить противника / и страданием на Кресте воздать / за падение древнего Адама, / через Древо же и воскресить его, / песнь победную поющего Тебе, Господи.

Хваление Церковь преподобных, / живущему в Сионе, Тебе Христе приносит: / о Тебе же Израиль, Творце своем радуется, / и горы языцы противообразнии каменосердечнии, от лица Твоего возвеселишася, / поюще победную песнь Тебе Господи.

Церковь святых приносит / хвалу Тебе, Христе, / обитающему на Сионе, / Израиль же радуется о Тебе, своем Создателе, / и горы – образ жестокосердных язычников, – / возвеселились пред лицом Твоим, / песнь победную воспевая Тебе, Господи.

Катавасия: Явились источники бездны:

Песнь 3.

Ирмос: Точащий, краесекомый повелением Твоим, / твердый ссаша Камень израильтестии людие. / Камень же Ты еси Христе, и Жизнь, / на Немже утвердися Церковь, зовущая: / осанна, благословен еси, Грядый.

От скалы, потекшей по велению Твоему, / – твердой, обрывистой, – пил народ Израильский; / но скала эта и жизнь – Ты, Христе, / на Котором утверждена Церковь, взывающая: / «Осанна, благословен Ты, Грядущий!»

Мертвеца четверодневна повелением Твоим, / из мертвых с трепетом ад испусти Лазаря. / Воскресение бо Ты Христе и жизнь, / в Немже утвердися Церковь зовущи: / осанна, благословен еси Грядый.

Мертвеца четверодневного Лазаря отпустил / трепещущий ад из мертвых по Твоему велению; / ибо воскресение и жизнь Ты, Христе, / на Котором утверждена Церковь, взывающая: / «Осанна, благословен Ты, Грядущий!»

Воспойте людие боголепно в Сионе, / и молитву воздадите Христу во Иерусалиме, / Сам грядет во славе со областию: / в Немже утвердися Церковь зовущи: / осанна благословен еси Грядый.

Воспойте, люди, достойно Бога на Сионе / и воздайте обет Христу в Иерусалиме: / Он идет во славе со властью, – / Тот, на Ком утверждена Церковь, взывающая: / «Осанна, благословен Ты, Грядущий!»

Ипакои, глас 6:

Светвьми воспевше прежде, / с древесы последи яша Христа Бога, неблагодарнии иудее. / Мы же верою непреложною присно почитающе / яко благодетеля, выну вопием Ему: / благословен еси, грядый Адама воззвати.

Прежде воспев Его с ветвями, / после с кольями захватили / безрассудные Иудеи Христа Бога. / Мы же с верою непреложною / всегда почитая Его, как Благодетеля, / непрестанно взываем Ему: / «Благословен Ты, Идущий призвать к Себе Адама!»

И чтение праздника.

Песнь 4.

Ирмос: Христос грядый – явственно Бог наш, / приидет и не закоснит, / от горы приосененныя чащи, / Отроковицы раждающия Неискусомужныя, / пророк древле глаголет. / Тем вси вопием: / слава силе Твоей, Господи.

«Христос, открыто Грядущий Бог наш, / придет и не замедлит / от горы, осененной чащей, – / Девы, рождающей не зная мужа», – / говорит древний пророк; / потому все мы будем восклицать: / «Слава силе Твоей, Господи!»

Да точат веселие крепкое мастительное, горы, и вси холми, / и древа дубравная да взыграют: / Христа хвалите языцы, / и Тому вси людие радующеся возопийте: / слава силе Твоей Господи.

Да источат елеем бурное веселие / горы и все холмы, / и деревья дубравные да рукоплещут; / хвалите Христа, язычники, / и все люди в радости восклицайте Ему: / «Слава силе Твоей, Господи!»

Крепостию царствуяй веки Господь, облечен приидет, / Сего красоты же и славы, несравненно есть благолепие в Сионе. / Темже вси вопием: / слава силе Твоей Господи.

Царствующий над веками Господь / придет, облеченной силою; / благолепие красоты и славы Его / несравненно на Сионе; / потому все мы будем восклицать: / «Слава силе Твоей, Господи!»

Пядию измеривый небо, дланию же землю, / Господь прииде, Сион бо избра, / в немже жити и царствовати изволи, / и возлюби люди верно вопиющия: / слава силе Твоей Господи.

Пядью измеривший небо / и землю дланью, / Господь пришел, ибо избрал Он Сион, / в котором жить и царствовать благоволил, / и возлюбил народ, с верою восклицающий: / «Слава силе Твоей, Господи!»

Песнь 5.

Ирмос: На гору Сион взыди, благовествуяй, / и Иерусалиму проповедуяй, / в крепости вознести глас: / преславная глаголашася о Тебе, Граде Божий. / Мир на Израиля, и спасение языком.

Взойди на гору, Сиону благовествующий, / и с силой голос возвысь, / Иерусалиму провозглашающий: / «Славное сказано о тебе, город Божий, – / мир Израилю и спасение язычникам!»

В вышних седяй на херувимех Бог, / и призираяй на смиренныя, / Той грядет во славе со областию, / и исполнятся всяческая Божественныя хвалы Его. / Мир на Израиля, и спасение языком.

В высотах восседающий на Херувимах Бог, / и на дольнее взирающий, / Сам приходит во славе со властью, / и все исполнится божественной хвалою Ему, / – мир Израилю и спасение язычникам!

Сионе Божий, горо святая, и Иерусалиме, / окрест очи твои возведи, и виждь / собранная чада твоя в тебе: / се бо приидоша издалеча, поклонитися Царю твоему. / Мир на Израиля, и спасение языком.

Сион Божий, гора святая, / и Иерусалим, возведи очи свои вокруг / и взгляни на собравшихся в тебе чад твоих: / ибо вот, они пришли издалека / поклониться Царю твоему, – / мир Израилю и спасение язычникам!

Песнь 6.

Ирмос: Возопиша с веселием праведных дуси: / ныне миру Завет Новый завещается, / и кроплением да обновятся людие, Божия крове.

В радости воскликнули духи праведных: / «Ныне Новый Завет с миром заключается, / и да обновятся люди окроплением / Божественною Кровию!»

Приими Израилю Божие царство, / и пребываяй во тьме, свет да узрит великий, / и кроплением да обновятся людие, / Божественныя крове.

Прими, Израиль, Царство Божие, / и блуждающий во тьме да узрит свет великий, / и да обновятся люди окроплением / Божественною Кровию!

Разрешены своя юзники Сионе испусти, / и от рова неведения безводна изведи, / и кроплением да обновятся людие, / Божественныя крове.

Отпусти своих узников освобожденными, Сион, / и из безводного рва неведения их возведи, / и да обновятся люди окроплением / Божественною Кровию!

Кондак, глас 6

На престоле на Небеси, / на жребяти на земли носимый, Христе Боже, / Ангелов хваление / и детей воспевание приял еси, зовущих Ти: / благословен еси, Грядый Адама воззвати.

На престоле восседая на небесах, / шествуя по земле на осленке, Христе Боже, / принял Ты хвалу от Ангелов / и прославление от детей, восклицавших Тебе: / «Благословен Ты, Идущий призвать к Себе Адама!»

Икос: Понеже ада связал еси Безсмертне, / и смерть умертвил еси, / и мир воскресил еси, / с ваиами младенцы восхваляху Тя Христе, яко победителя, / зовуще Ти днесь: осанна Сыну Давидову. / Не ктому бо, рече, заклани будут младенцы, за Младенца Мариина, / но за вся младенцы и старцы, Един распинаешися. / Не ктому на нас вместится меч: / Твоя бо ребра прободутся копием. / Темже радующеся глаголем: / благословен грядый Адама воззвати.

Так как Ты, Бессмертный, ад связал, / и смерть умертвил, и мир воскресил, / дети с ветвями пальм / восхваляли Тебя, Христе, как победителя, / взывая в сей день Тебе: «Осанна Сыну Давидову! / Ведь более не будут, говорят они, / избиты младенцы за Младенца, Сына Мариам, / но за всех, – детей и старцев, / Ты Один принимаешь распятие. / Не будет больше угрожать нам меч: / ибо Твои ребра пронзит копье. / Потому мы, радуясь, возглашаем: / Благословен Ты, Идущий призвать к Себе Адама!».

Синаксарий.

Песнь 7.

Ирмос: Спасый во огни Авраамския Твоя отроки, / и халдеи убив, / яже Правда праведно уловляше, / препетый Господи, / Боже отец наших, благословен еси.

Спасший в огне чад Авраама, Твоих отроков, / и Халдеев истребивший тем, / чем они неправедно / уловить праведных пытались, / прехвальный Господи, Боже отцов, / благословен Ты!

Покланяющеся людие, / и со ученики радующеся, с ваием, / осанна Сыну Давидову зовяху: / препетый Господи Боже отец, благословен еси.

Преклоняя колена и с учениками радуясь, / люди с ветвями пальм взывали: / «Осанна Сыну Давидову! / Прехвальный Господи, Боже отцов, / благословен Ты!»

Неискусозлобное множество, еще младенствующее естество, / Боголепно Тя Царю Израильтеский и Ангельский воспет: / препетый Господи Боже отец, благословен еси.

Множество во зле неискушенных, / еще младенцев возрастом, / Тебя, Царь Израиля и Ангелов, / воспело, как подобает славить Бога: / «Прехвальный Господи, Боже отцов, / благословен Ты!»

С ваием Тя Христе, ветвьми похваляху множества, / благословен пришедый Царь веков. / Вопияху же: препетый Господи Боже отец, благословен еси.

Народ с побегами пальм / рукоплескал Тебе, Христе, ветвями: / «Благословен пришедший Царь веков!» / И восклицали они: «Прехвальный Господи, / Боже отцов, благословен Ты!»

Песнь 8.

Ирмос: Веселися, Иерусалиме, торжествуйте любящии Сиона: / Царствуяй бо во веки Господь Сил прииде. / Да благоговеет вся земля от лица Его, / и да вопиет: / благословите вся дела Господня, Господа.

Возвеселись Иерусалим, / восторжествуйте любящие Сион! / Ибо Господь Сил пришел, / Царствующий вовеки; / да благоговеет вся земля пред лицом Его / и да взывает: / «Все творения, воспевайте Господа!»

На жребя младо всед Царь твой Сионе, / предста Христос: безсловесную бо идольскую прелесть разрушити, / и неудержанное стремление уставити всех язык прииде, во еже пети: / вся дела пойте Господа.

[На молодого осленка воссев, / Христос, Царь твой, Сион явился, / ибо пришел Он истребить / безумное заблуждение идолопоклонства / и прибыл, чтобы остановить / неудержимый натиск всех язычников, / дабы они пели: / «Все творения, воспевайте Господа!»]

Бог твой, радуйся Сионе зело, / воцарися во веки Христос. / Сей, якоже писано есть, кроткий и спасаяй, / праведный Избавитель наш, прииде на жребяти, / конское свирепство убити врагов, не вопиющих: / благословите вся дела Господня Господа.

[Безмерно радуйся, Сион: / Бог твой, Христос, навеки воцарился! / Он, как написано, кроткий и спасающий, / праведный Искупитель наш, пришел на осленке, / чтобы истребить конскую дерзость врагов, / не восклицающих: / «Все творения, воспевайте Господа!»]

Оскудевает Божественных ограждений, / законопреступное сонмище непокоривых, / понеже дом молитвы Божия, вертеп сотвориша разбойническ, / от сердца Избавителя отринувше, Емуже вопием: / благословите вся дела Господня Господа.

[Из божественной ограды изгоняется / законопреступное сборище непокорных, / потому что Божий дом молитвы / они сделали притоном разбойников, / отвергнув сердцем Искупителя, / Которому мы восклицаем: / «Все творения, воспевайте Господа!»]

Песнь 9.

Ирмос: Бог Господь, и явися нам. / Составите праздник, / и веселящеся приидите, возвеличим Христа, / с ваиами и ветвьми, песньми зовуще: / благословен Грядый во имя Господа, Спаса нашего.

[Бог – Господь, и Он явился нам! / Устройте праздник / и давайте ликуя возвеличим Христа, / с побегами пальм и ветвями в песнях восклицая: / «Благословен Грядущий во имя Господа, / Спасителя нашего!»]

Языцы вскую шатаетеся? / Писменницы, и священницы, почто тщетным поучистеся? / Кто Сей, рекше, / Емуже дети с ваием и ветвьми, песньми зовут: / благословен грядый во Имя Господа Спаса нашего.

[Язычники, для чего вы разъярились? / Книжники и священники, что вы замыслили тщетное? / «Кто Этот», – говоря, – «Кому дети / с побегами пальм и ветвями в песнях восклицают: / Благословен Грядущий во имя Господа, / Спасителя нашего?»]

Сей Бог наш, Емуже никтоже подобен, / праведный всяк путь изобрет, даде возлюбленному Израилю. / По сих же с человеки поживе явлься: / благословен грядый во Имя Господа Спаса нашего.

[Сей Бог наш, с Кем не сравняться никому, / отыскав всякий праведный путь, / дал его возлюбленному Израилю, / а после этого, явившись, общался с людьми, – / благословен Грядущий во имя Господа, / Спасителя нашего!]

Соблазны стези, что близ вас положисте непокоривии?/ Ноги ваша скоры кровь излияти Владычню, / но воскреснет всяко спасти зовущия: / благословен грядый во Имя Господа Спаса нашего.

[Что вы соблазны при пути / нам кладете, непокорные? / Ноги ваши скоры / на пролитие крови Владыки; / но несомненно Он воскреснет / для спасения восклицающих: / «Благословен Грядущий во имя Господа, / Спасителя нашего!»]

Светильна нет, но возглашаем: Свят Господь Бог наш: трижды, на 4 глас.

На «хвалите» стихиры на 6, глас 4, преподобного Космы Маиумского

Множество народа Господи, / постилаху по пути ризы своя: / друзии же резаху ветви от древес, и ношаху. / Предыдущии же и последующии, зовяху глаголюще: / осанна Сыну Давидову, / благословен еси пришедый, / и паки грядый во имя Господне. [Дважды.]

[Великое множество народа, Господи, / расстилало по дороге одежды свои; / а иные резали ветви с деревьев и держали их в руках; / впереди же идущие и за Тобою следовавшие / восклицали, говоря: / «Осанна Сыну Давидову! / Благословен Ты, Пришедший / и вновь Грядущий во имя Господне!»]

Хотящу Тебе внити во святый град Господи, / ветви садов людие ношаху, / Тебе поюще всех Владыку: / и зряще Тя на жребяти седяща, / якоже на херувимех зряху. / Сего ради сице вопияху: / осанна в вышних, / благословен еси пришедый, / и паки грядый во имя Господне. [Дважды.]

[Когда предстояло Тебе войти / во святой город, Господи, / ветви растений держали люди, / воспевая Тебя, Владыку всего; / видя Тебя сидящим на молодом осле, / как Восседающего на Херувимах созерцали / и потому взывали так: / «Осанна в вышних! / Благословен Ты, Пришедший / и вновь грядущий во имя Господне!»]

Изыдите языцы, изыдите и людие, / и видите днесь Царя Небеснаго, / яко на престоле высоце, / на жребяти худе во Иерусалим входяща. / Роде иудейский неверный и прелюбодейный, прииди и виждь, / Егоже виде Исаиа во плоти нас ради приити имуща, / како уневещает Себе, яко целомудренный новый Сион, / и отлагает осужденную сонмицу: / яко в нетленном же браце и нескверном, / несквернии стекошася благохваляще, неискусозлобнии дети. / С нимиже и мы поюще возопием песнь ангельскую: / осанна в вышних, / Имущему велию милость.

[Выходите племена, выходите и народы, / и посмотрите в сей день на Царя Небесного, / как на престоле высоком / на простом осленке в Иерусалим входящего. / Род Иудейский неверный и прелюбодейный, / приди и узри Того, / Кого видел Исаия, во плоти нас ради явившимся, / как Он берет Себе в невесту / целомудренный новый Сион / и отвергает осужденную синагогу. / И как при чистом и непорочном браке, / сбежались с радостными хвалами / чистые невинные дети. / С ними воспевая, песнь Ангельскую возгласим: / «Осанна в вышних / Имеющему великую милость!»]

Общее воскресение, / прежде вольныя страсти Твоея, / во уверение всех предпоказавый Христе Боже, / Лазаря убо в Вифании, державною силою Твоею, / четверодневна мертва воскресил еси: / слепцем же еже видети яко Светодавец даровал еси Спасе, / и во святый град со ученики Твоими вшел еси, / седя на жребяти осли, / пророческая исполняяй проповедания, / якоже на херувимех носимый, / и дети еврейстии с ветвьми и ваиами предсретаху Тя. / Темже и мы ветви масличныя носяще и ваиа, / благодарственно Тебе вопием: / осанна в вышних, / благословен грядый во Имя Господне.

[Общее воскресение / прежде добровольного Твоего страдания / показав в удостоверение всем, Христе Боже, / Лазаря в Вифании, мертвого уже четыре дня / могущественной силою Твоею Ты воскресил; / а слепым Ты зрение даровал, Спаситель, как Податель света; / и во град святой с учениками Твоими вошел, / чтобы исполнить проповедь пророков, / сидя на молодом осле, как бы на Херувимах носимый; / и дети еврейские с ветвями и побегами пальм / выходили Тебе навстречу. / Потому и мы, ветви масличные и побеги пальм держа, / благодарственно Тебе взываем: / «Осанна в вышних, / благословен Грядущий во имя Господне!»]

Слава, и ныне, глас 6: Прежде шести дней Пасхи, прииде Иисус в Вифанию, / и приступиша к Нему ученицы Его, глаголюще Ему: / Господи, где хощеши уготоваем Ти ясти Пасху? / Он же посла их, / идите в преднюю весь, / и обрящете человека скудель воды носяща, / следуйте ему, и дому владыце рцыте: / Учитель глаголет, / у тебе сотворю Пасху со ученики Моими.

[За шесть дней до Пасхи / пришел Иисус в Вифанию. / И подошли к Нему ученики Его, говоря Ему: / «Господи, где угодно Тебе, / чтобы мы приготовили Тебе вкусить Пасху?» / Он же послал их: / «Пойдите в ту часть города, которая перед вами, / и встретите человека, несущего кувшин с водою; / идите за ним и хозяину дома скажите: / «Учитель говорит: / у тебя Я совершу Пасху с учениками Моими».]

Славословие великое.

Тропарь, глас 1

Общее воскресение / прежде Твоея Страсти уверяя, / из мертвых воздвигл еси Лазаря, Христе Боже. / Темже и мы, яко отроцы победы знамения носяще, / Тебе победителю смерти вопием: / осанна в вышних, / благословен Грядый во имя Господне.

[Вобщем воскресении / прежде Твоего страдания удостоверяя, / из мертвых воздвиг Ты Лазаря, Христе Боже. / Потому и мы, как дети, держа символы победы, / Тебе – Победителю смерти воззовем: / «Осанна в вышних, / благословен Грядущий во имя Господне!»]

Таже ектении, и час первый, и оглашение, и обычный отпуст, и лития вне монастыря.

Отпуст

Иже на жребяти осли сести изволивый, нашего ради спасения, Христос, истинный Бог наш, молитвами Пречистыя Своея Матере, святых славных и всехвальных Апостол, и всех святых, помилует и спасет нас, яко Благ и Человеколюбец.

[На молодом осле воссесть благоволивший нашего ради спасения, Христос, истинный Бог наш, по молитвам пречистой Своей Матери, святых славных и всехвальных Апостолов и всех святых, помилует и спасет нас, как благой и Человеколюбец.]