Тропарь, поемый во храме «Всецарицы» града Минска, глас 4
В принесении иконы Твоея из удела Афонскаго,/Всецарице Богородице,/ храм наш озарила еси благодатным светом Твоего сияния,/ являющи чудотворную силу Твою./ Темже вонми молению нашему/ и спасай нас яко милостивая Заступница// рода христианскаго.
Кондак, поемый во храме «Всецарицы» града Минска, глас 8
О, Всемилостивая Мати Христа Бога нашего!/ Пред иконою Твоею чудотворною,/ во умилении душ и сердец наших непрестанно взываем:/ сохраняй нас всегда от стрел вражиих/ и Твоим предстательством ко Господу// устрой нам спасительное шествие в Царство Небесное.
Величание
Величаем Тя,/ Пресвятая Дево,/ Богоизбранная Отроковице,/ и чтим образ Твой святый,/ имже подаеши Небесную милость// всем упование на Тя возлагающим.
