Тропарь, глас 5
Тя почитаем, Пречистая Владычице,/ икону Твою Подлесскую нам явившую,/ в веры непостыдныя исполнение/ и любве нелицемерныя,/ в просвещение душ и телес наших./ Да обрящем милость Твою// и жизнь вечную наследуем.
Кондак, глас 2
Скорую и милостивую Помощницу/ воспеваем Тя, Пречистая Владычице,/ икону Твою Подлесскую нам даровавшую,/ озарившую чудесы многими Ляховицкия пределы/ и преподобномученика Серафима Жировицкаго возрастившую./ Темже и ныне всем с верою и любовию притекающим к Тебе/ прощение грехов у Сына Твоего испроси// и велию милость.
Величание
Величаем Тя,/ Пресвятая Дево,/ Богоизбранная Отроковице,/ и почитаем образ Твой святый,/ егоже от лет древних// в веси Подлесской прославила еси.
