Тропарь, глас 2
Ско́рую Помо́щницу и те́плую Хода́таицу/ песносло́вим Тя, Пречи́стая Богоро́дице,/ явле́нием пречу́дныя ико́ны Твоея́ Воро́нинския,/ преде́лы Черепове́цкия озари́вшую./ Темже и умильно вопием:/ моли́, Влады́чице Преми́лостивая,/ Сы́на Твоего́, Иису́са Сладча́йшаго,// спасти́ся душа́м на́шим.
Кондак, глас 5
Бога́тую в ми́лости Тя почита́юще,/ молим Тя, Пречи́стая Влады́чице:/ не забу́ди, Благосе́рдая, лю́ди Твоя́,/ благодарне чудеса от иконы Твоея воспевающия/ и велегла́сно вопию́щия:/ ра́дуйся, Благода́тная Де́во,// попече́нием Твои́м на́с не оставля́ющая.
