Псалом 103 «Благослови, душе моя, Господа»

Псалом 103 читать:

Псало́м Дави́ду, о мирсте́м бытии́.

¹ Благослови́, душе́ моя́, Го́спода. Го́споди, Бо́же мой, возвели́чился еси́ зело́. Во испове́дание и в велеле́поту обле́клся еси́. 
² Одея́йся све́том, я́ко ри́зою, простира́яй не́бо, я́ко ко́жу. 
³ Покрыва́яй вода́ми превы́спренняя Своя́, полага́яй о́блаки на восхожде́ние Свое́, ходя́й на крилу́ ве́треню. 
⁴ Творя́й А́нгелы Своя́ ду́хи и слуги́ Своя́ пла́мень о́гненный. 
⁵ Основа́яй зе́млю на тве́рди ея́, не преклони́тся в век ве́ка. 
⁶ Бе́здна, я́ко ри́за, одея́ние ея́, на гора́х ста́нут во́ды, 
⁷ от запреще́ния Твоего́ побе́гнут, от гла́са гро́ма Твоего́ убоя́тся. 
⁸ Восхо́дят го́ры и нисхо́дят поля́ в ме́сто, е́же основа́л еси́ им. 
⁹ Преде́л положи́л еси́, eго́же не пре́йдут, ниже́ обратя́тся покры́ти зе́млю. 
¹⁰ Посыла́яй исто́чники в де́брех, посреде́ гор про́йдут во́ды. 
¹¹ Напая́ют вся зве́ри се́льныя, ждут она́гри в жа́жду свою́. 
¹² На ты́х пти́цы небе́сныя привита́ют, от среды́ ка́мения дадя́т глас. 
¹³ Напая́яй го́ры от превы́спренних Свои́х, от плода́ дел Твои́х насы́тится земля́. 
¹⁴ Прозяба́яй траву́ ското́м, и злак на слу́жбу челове́ком, извести́ хлеб от земли́. 
¹⁵ И вино́ весели́т се́рдце челове́ка, ума́стити лице́ еле́ем, и хлеб се́рдце челове́ка укрепи́т. 
¹⁶ Насы́тятся древа́ польска́я, ке́дри Лива́нстии, и́хже еси́ насади́л. 
¹⁷ Та́мо пти́цы вогнездя́тся, ероди́ево жили́ще предводи́тельствует и́ми. 
¹⁸ Го́ры высо́кия еле́нем, ка́мень прибе́жище за́яцем. 
¹⁹ Сотвори́л есть луну́ во времена́, со́лнце позна́ за́пад свой. 
²⁰ Положи́л еси́ тму, и бысть нощь, в не́йже про́йдут вси зве́рие дубра́внии. 
²¹ Ски́мни рыка́ющии, восхи́тити и взыска́ти от Бо́га пи́щу себе́. 
²² Возсия́ со́лнце и собра́шася и в ло́жах свои́х ля́гут. 
²³ Изы́дет челове́к на де́ло свое́ и на де́лание свое́ до ве́чера. 
²⁴ Я́ко возвели́чишася дела́ Твоя́, Го́споди, вся прему́дростию сотвори́л еси́, испо́лнися земля́ тва́ри Твоея́. 
²⁵ Сие́ мо́ре вели́кое и простра́нное, та́мо га́ди, и́мже несть числа́, живо́тная ма́лая с вели́кими, 
²⁶ та́мо корабли́ препла́вают, змий сей, eго́же созда́л еси руга́тися eму́. 
²⁷ Вся к Тебе́ ча́ют, да́ти пи́щу им во бла́го вре́мя. 
²⁸ Да́вшу Тебе́ им соберу́т, отве́рзшу Тебе́ ру́ку вся́ческая испо́лнятся бла́гости, 
²⁹ отвра́щшу же Тебе́ лице́, возмяту́тся, отъи́меши дух их, и исче́знут, и в персть свою́ возвратя́тся. 
³⁰ По́слеши Ду́ха Твоего́, и сози́ждутся, и обнови́ши лице́ земли́. 
³¹ Бу́ди сла́ва Госпо́дня во ве́ки, возвесели́тся Госпо́дь о де́лех Свои́х, 
³² призира́яй на зе́млю, и творя́й ю́ трясти́ся, прикаса́яйся гора́м, и дымя́тся. 
³³ Воспою́ Го́сподеви в животе́ мое́м, пою́ Бо́гу моему́, до́ндеже есмь, 
³⁴ да услади́тся Ему́ бесе́да моя́, аз же возвеселю́ся о Го́споде. 
³⁵ Да исче́знут гре́шницы от земли́, и беззако́нницы, я́коже не бы́ти им. Благослови́, душе́ моя́, Го́спода.

Псалом 103 на русском:

Псалом Давида, о бытии мира, 103.

¹ Благослови, душа моя, Господа! Господи Боже мой, безмерно величие Твое! Великолепием и славою облекся Ты. 
² Одеваешься Ты светом, словно ризою, простираешь небо, как шатер кожаный; 
³ Покрываешь водами высоты Свои, на облаках совершаешь восхождение Свое, шествуешь на крыльях ветра; 
⁴ Ты сотворил духов Своих – Ангелов, и облек слуг Своих в пламя огненное. 
⁵ Незыблемо утвердил Ты землю; не уклонится от пути своего вовеки. 
⁶ Бездна, словно риза, одеяние ее; на горах станут воды. 
⁷ От угрозы Твоей побегут, гласа грома Твоего убоятся; 
⁸ Вздымаются волны горами и падают вниз, куда предназначил Ты им. 
⁹ Ты положил предел, воды не перейдут его, не затопят они землю. 
¹⁰ Направляешь потоки в дебри, среди гор текут воды. 
¹¹ Напоют они зверей полевых, утолят онагры жажду свою. 
¹² У воды птицы небесные обитают; среди скал подают голос. 
¹³ Напояешь Ты горы с высот Своих; плодами дел Твоих насытится земля. 
¹⁴ Произрастает трава для скота, и злаки на пользу человеку, да принесет ему хлеб земля; 
¹⁵ И вино веселит сердце человека, и лицо его сияет, как помазанное елеем, и хлеб сердце человека укрепит. 
¹⁶ Напьются влаги деревья среди полей, кедры ливанские, насажденные Тобой; 
¹⁷ Там птицы обитают, гнездо аиста высится над ними. 
¹⁸ Горы высокие – прибежище оленей, скалы – приют зайцев. 
¹⁹ Сотворил Ты луну для указания времен; солнце знает час захода своего. 
²⁰ Простираешь мрак, и настает ночь, и во тьме бродят звери дубравные; 
²¹ Молодые львы рычат, алчут добычи и просят у Бога пищи себе. 
²² Воссияет солнце, и возвратятся они, в логова свои залягут. 
²³ Выйдет человек на дела свои, на деяния свои до вечера. 
²⁴ Как величественны дела Твои, Господи! Как премудро Ты все сотворил! Населили землю создания Твои. 
²⁵ Вот море великое и пространное; там гадам нет числа, рыбам малым и великим; 
²⁶ Там корабли плавают, там змей, сотворенный Тобой, чтоб веселился в море. 
²⁷ Все ждут от Тебя, что даруешь им пищу во время свое. 
²⁸ Подаешь Ты им, и принимают; простираешь руку, и все насыщаются благами; 
²⁹ Отвратишь лицо Твое, и придут в смятенье; отнимешь дыхание у них, и исчезнут, и в прах земной возвратятся; 
³⁰ Пошлешь Духа Твоего, и возникнут иные твари, и Ты обновишь лицо земли. 
³¹ Да будет слава Господу вовеки! Возрадуется Господь о делах Своих. 
³² Взирает Он на землю, и сотрясается она; прикоснется к горам, и дымятся. 
³³ Воспою Господу во все дни жизни моей; пою Богу моему, доколе я есть. 
³⁴ Да будет угодна Ему молитвенная беседа моя, а я возвеселюсь о Господе! 
³⁵ Да исчезнут грешники с лица земли и беззаконники, да не будет их! Благослови, душа моя, Господа!

Псалом 103 слушать:

В псалме 103 Бог восхваляется автором через явления физического мира. Господь велик во всем своем творении; все предметы видимого мира говорят о Его «величии и славе», т. е. своим существованием, красотою и разнообразием они безмолвно восхваляют Господа, являясь величественным внешним выражением Его силы. Кроме того, в псалме кратко изображается история творения земли.