Молитвы Пресвятой Богородице просительные

Молитва 1‑я

К кому́ возопию́, Влады́чице? К кому́ прибе́гну в го́рести мое́й, а́ще не к Тебе́, Цари́це Небе́сная? Кто́ пла́ч мо́й и воздыха́ние мое́ прии́мет, а́ще не Ты́, Пренепоро́чная, Наде́ждо христиа́н и Прибе́жище на́м гре́шным? Кто́ па́че Тебе́ в напа́стех защити́т? Услы́ши у́бо стена́ние мое́, и приклони́ у́хо Твое́ ко мне́, Влады́чице Ма́ти Бо́га моего́, и не пре́зри мене́, тре́бующаго Твоея́ по́мощи, и не отри́ни мене́ гре́шнаго. Вразуми́ и научи́ мя́, Цари́це Небе́сная; не отступи́ от мене́, раба́ Твоего́, Влады́чице, за ропта́ние мое́, но бу́ди мне́ Ма́ти и Засту́пница. Вруча́ю себе́ ми́лостивому покро́ву Твоему́: приведи́ мя́ гре́шнаго к ти́хой и безмяте́жней жи́зни, да пла́чуся о гресе́х мои́х. К кому́ бо прибе́гну пови́нный а́з, а́ще не к Тебе́, упова́нию и прибе́жищу гре́шных, наде́ждою на неизрече́нную ми́лость Твою́ и щедро́ты Твоя́ окриля́емь? О, Влады́чице Цари́це Небе́сная! Ты́ мне́ упова́ние и прибе́жище, покро́в и заступле́ние и по́мощь. Цари́це моя́ преблага́я и ско́рая Засту́пнице! Покры́й Твои́м хода́тайством моя́ прегреше́ния, защити́ мене́ от вра́г ви́димых и неви́димых, умягчи́ сердца́ злы́х челове́к, возстаю́щих на мя́. О, Ма́ти Го́спода моего́ Творца́! Ты́ еси́ ко́рень де́вства и неувяда́емый цве́т чистоты́. О, Богороди́тельнице! Ты́ пода́ждь ми́ по́мощь немощству́ющему плотски́ми страстьми́ и боле́знующему се́рдцем: еди́но бо Твое́ и с Тобо́ю Твоего́ Сы́на и Бо́га на́шего и́мам заступле́ние, и Твои́м пречу́дным заступле́нием да изба́влюся от вся́кия беды́ и напа́сти, о пренепоро́чная и пресла́вная Бо́жия Ма́ти Мари́е. Те́мже со упова́нием глаго́лю и вопию́: ра́дуйся, Благода́тная, ра́дуйся, Обра́дованная, ра́дуйся, Преблагослове́нная, Госпо́дь с Тобо́ю.

Перевод на русский: К кому воззову, Владычица? К кому прибегну в горести моей, если не к Тебе, Царица небесная? Кто плач мой и воздыхание мое благосклонно примет, если не Ты, Пренепорочная, надежда христиан и прибежище нам, грешным? Кто лучше Тебя в напастях защитит? Услышь же стенание мое и приклони ухо Твое ко мне, Владычица, Матерь Бога моего; и не презри меня, нуждающегося в Твоей помощи, и не отринь меня, грешного. Вразуми и научи меня, Царица Небесная; не отступи от меня, раба Твоего, Владычица, за ропот мой, но будь мне Матерью и Заступницей. Вручаю себя милостивому покровительству Твоему: приведи меня, грешного, к тихой и безмятежной жизни, дабы я плакал о грехах моих. Ибо к кому прибегну я, виновный, если не к Тебе, упованию и прибежищу грешных, надеждой на неизреченную милость Твою и щедроты Твои окрыляясь? О, Владычица, Царица Небесная! Ты мне упование и прибежище, покров и заступление, и помощь. Царица моя преблагая и скорая Заступница! Покрой Твоим ходатайством мои согрешения, защити меня от врагов видимых и невидимых; смягчи сердца злых людей, восстающих на меня. О, Матерь Господа, моего Творца! Ты – корень девства и неувядаемый цвет чистоты. О, Божия Родительница! Ты подай мне помощь, немощному от плотских страстей и болезнующему сердцем, ибо имею я одну Твою и с Тобою Сына Твоего защиту; и да избавлюсь я Твоим пречудным заступлением от всякой беды и напасти, о пренепорочная и преславная Божия Матерь Мария. Потому с надеждою возглашаю и взываю: «Радуйся, Благодатная! Радуйся обрадованная! Радуйся, преблагословенная, Господь с Тобою!»

Молитва 2‑я

О, Пресвята́я Де́во, Ма́ти Го́спода Вы́шняго, всеми́лостивая Засту́пнице и Покрови́тельнице все́х, к Тебе́ с ве́рою прибега́ющих! При́зри с высоты́ небе́сныя сла́вы Своея́ на мя́, припа́дающаго к подно́жию Твоему́, услы́ши смире́нную моли́тву мене́, гре́шнаго и недосто́йнаго раба́ Твоего́, и принеси́ ю́ пред возлю́бленнаго Сы́на Своего́. О, Преблагослове́нная Богоро́дице! Ты́, имену́емая все́х скоропослу́шница и скорбя́щих ра́досте, услы́ши и мене́ ско́рбнаго; Ты́ – утоле́ние печа́ли, утоли́ и моя́ душе́вныя боле́зни и печа́ли; Ты́ – купино́ неопали́мая, сохрани́ ми́р и все́х на́с от вредоно́сных о́гненных стре́л вра́жиих; Ты́ – взыска́ние поги́бших, не попусти́ мене́ поги́бнути в бе́здне грехо́в мои́х; Ты́ цели́тельница стра́ждущих, исцели́ и мене́, уя́звленнаго от не́мощей душе́вных и теле́сных; Ты́ – неча́янная ра́досте, ра́достию спасе́ния Твоего́ оте́мли от мене́ стра́х гряду́щаго муче́ния; Ты́ – спору́чница гре́шных, бу́ди и мне́, гре́шнику, благосе́рдою спору́чницею покая́ния и спасе́ния моего́. На Тебе́ по Бо́зе все́ мое́ упова́ние возлага́ю, бу́ди ми́ вы́ну неусы́пная хода́таица и всеси́льная предста́тельница пред Сы́ном Твои́м, Го́сподом на́шим Иису́сом Христо́м, укрепи́ во мне́ ве́ру в Него́, утверди́ в любви́ Его́, научи́ мене́ люби́ти и сла́вити и Тебе́, Пресвяту́ю Ма́терь Бо́жию, Преблагослове́нную Мари́ю: вседержа́вному покро́ву Твоему́, Богоро́дице, вруча́ю себе́ на вся́ ве́ки. Ами́нь.

Перевод на русский: О, Пресвятая Дева, Матерь Господа Вышнего, всемилостивая Заступница и Покровительница всех, к Тебе с верой прибегающих! Воззри с высоты небесной славы Своей на меня, который припадает к Твоему подножью, услышь мою смиренную молитву, грешного и недостойного раба Твоего, и принеси её к возлюбленному Своему Сыну. О, Преблагословенная Богородица! Ты, которую мы именуем всех скоропослушница и скорбящих радость, услышь и меня скорбного; Ты – утоление печали, утоли и мои душевные болезни и печали; Ты – купина неопалимая, сохрани мир и всех нас от вражиих вредоносных огненных стрел; Ты – взыскание погибших, не попусти мне погибнуть в бездне моих грехов; Ты – целительница страждущих, исцели и меня, который ранен от болезней душевных и телесных; Ты – нечаянная радость, радостью спасения Твоего отними от меня страх грядущего мучения; Ты – споручница грешных, будь и мне, грешнику, благосердной споручницей покаяния и спасения моего. После Бога на Тебя всё моё упование возлагаю, будь мне всегда неусыпной ходатольницей и всесильной предстательницой перед Твоим Сыном, Господом нашим Иисусом Христом, укрепи во мне веру в Него, утверди меня в любви в Него, научи меня любить и славить и Тебя, Пресвятую Матерь Бога, Преблагословенную Марию: вседержавному покрову Твоему, Богородица, вручаю себя на все времена. Ами́нь.

Молитвенное воззвание ко Пресвятой Богородице св. Иоанна Кронштадтского

О, Влады́чице! Да не вотще́ и всу́е мы́ нарица́ем Тебя́ Влады́чицею: яви́ и явля́й при́сно над на́ми Твое́ свято́е, живо́е, де́йственное влады́чество. Яви́, и́бо все́ мо́жеши во благо́е, я́ко Ма́ти всеблага́я всеблага́го Царя́; разгоня́й мра́к серде́ц на́ших, отража́й стре́лы лука́вых духо́в, льсти́вно на на́с дви́жимые. Ми́р Сы́на Твоего́, ми́р Тво́й да ца́рствует в сердца́х на́ших, да все́ при́сно ра́достно восклица́ем: кто́ по́сле Го́спода, я́ко Влады́чица на́ша, всеблага́я, всеблагомо́щная и пребы́страя Засту́пница на́ша? На то́ Ты́ возвели́чена, Влады́чица, на то́ оби́лие несказа́нное боже́ственной благода́ти Тебе́ дано́, на то́ неизрече́нное дерзнове́ние и си́ла у престо́ла Бо́жия и да́р всемогу́щей моли́твы даны́ Тебе́, на то́ Ты́ неизрече́нной свя́тостию и чистото́ю благоукраше́нна, на то́ Тебе́ могу́щество безприкла́дное от Го́спода дано́, что́бы Тебе́ сохраня́ти, защища́ти, заступа́ти, очища́ти и спаса́ти на́с, насле́дие Сы́на Твоего́ и Бо́га, и Твое́. Спаса́й же на́с, о, Пречи́стая, Всеблага́я, Прему́драя и Всеблагомо́щная! Ты́ бо еси́ Ма́ти Спа́са на́шего, Кото́рый из все́х име́н благоволи́л бо́лее все́х называ́тися Спаси́тель. На́м, стра́нствующим в житии́ се́м, сво́йственно па́дати, и́бо мы́ обложе́нны пло́тию многостра́стной, окружены́ духа́ми зло́бы поднебе́сными, прельща́ющими ко греху́, живе́м в ми́ре прелюбоде́йнем и гре́шнем, соблазня́ющем на гре́х; а Ты́ превы́ше вся́каго греха́, Ты́ Со́лнце пресве́тлое, Ты́ еси́ Пречи́стая, Всеблага́я и Всеблагомо́щная, Тебе́ сво́йственно очища́ти на́с, оскверне́нных греха́ми, ка́к ма́ть очища́ет дете́й свои́х, егда́ мы́ воззове́м к Тебе́ смире́нно о по́мощи, Тебе́ сво́йственно подыма́ти на́с, непреста́нно па́дающих, заступа́ти, охраня́ти и спаса́ти на́с, наве́туемых от духо́в зло́бы, и наставля́ти на́с ше́ствовати ко вся́кому пути́ спаси́тельному.

Перевод на русский: О, Владычица! Да не напрасно и в суете мы нарицаем Тебя Владычицей: яви и являй всегда над нами Твое святое, живое, действенное владычество. Яви, поскольку всё можешь во благо, потому что Ты – Мать всеблагая всеблагого Царя; разгоняй мрак сердец наших, отражай стрелы лукавых духов, которые льстивно на нас движутся. Мир Сына Твоего, мир Твой да царствует в сердцах наших, да все всегда радостно восклицаем: кто после Господа, как не Владычица наша, всеблагая, всеблагомощная и пребыстрая наша Заступница? На то Ты возвеличена, Владычица, на то обилие несказанное божественной благодати дано Тебе, на то неизреченное дерзновение и сила у престола Божия и дар всемогущей молитвы даны Тебе, на то Ты неизреченной святостью и чистотой благоукрашена, на то Тебе беспридельное могущество от Господа дано, чтобы Тебе сохранять, защищать, заступаться, очищать и спасать нас, наследие Сына Твоего и Бога и Твоё. Спасай же нас, о, Пречистая, Всеблагая, Премудрая и Всеблагомощная! Ты – Матерь Спаса нашего, Который из всех имен благоволил более всех называться Спасителем. Нам, которые странствуют в этой жизни, свойственно падать, поскольку мы обложенны многострастной плотью, окружены духами злобы поднебесной (Еф.6:12), которые прельщают нас ко греху, живём в мире прелюбодейном и грешном, соблазняющем на грех; а Ты превыше любого греха, Ты – Солнце пресветлое, Ты Пречистая, Всеблагая и Всеблагомощная, Тебе свойственно очищать нас, осквернённых грехами, как мать отмывает своих детей, когда мы воззовем к Тебе смиренно о помощи, Тебе свойственно поднимать нас, постоянно падающих, заступаться, охранять и спасать нас, оклевещенных духами злобы, и наставлять нас шествовать к спасительному пути.

0
0
Сохранить
Поделиться: